ایرانین اونوندهکی ایستیراتئژیلر
ایران، ایستهیهرک ساواشی سئچدی. ان گوجلو سیاسال، دینی رهبرین الدن ویردی.
سیاسی و اوردو لیدرلیگینده اولان "هارد کورون"-ون (موحکم چگیردگینین) بیر چوخ اوستون اویهلرین الدن وئردی.
کامیونیکیشن (ایلگیلنمک و خبردارلیق) باغلانتیلارین الدن ویردی.
سپاهین توم قرارگاهلاری، موهوممات قایناقلاری دارما-داغین اولدو.
ویزارتخانالارین بیر چوخو ایشدن دوشدو.
اورتا و اوست روتبهلی مقاملار، ایراندان عراق، ارمنیستان، گورجوستان، تورکیه، آزربایجان، افغانیستان، پاکیستان و تاجیکیستانا قاچیرلار. ایراندا قالان مامورلار - دوولت ایشچیلهرینین آیدین گلهجک اوچون هئچ بیر اومودلاری یوخ دور.
قاچماقا فورصت وایمکانتاپمایانلار ابسه، قئرخ سگیز ایل اسیر یئسیر قالان اینسانلارین اینتیقام حئرصئنا قوربان گیدهجکلر. قانلاری توکولهجک.
ایدارهلر، بانکلار، خزانهلر، موزهلر، انجمنلر، شیرکتلر، دوولت ایشچیلرینین ائو ائشیکلری ایله وار یوخلاری، موسسیسهلر، قرضوالحسنهلر، و ... تالان اولاجاق.
ایرانین توم قونشولارا موشک آتمالاری ایسه، ایرانین سون چئرپئنتیلاری، قالماق اوچون سون دیرنیشلری دیر.
بو اولایلارین آرخاسیجان ایرانین ایستیراتئژیک سیچیم دایرهلری، اونجهلره گورا، داها چوخ دارالیب دیر.
الیف - مطلق تسلیم:
سپاه مونحل اولوب، ایستهینلر ایله دیری قالانلار، بلکه ارتشده، ایشلرینه داوام ادرلر.
ایصلاحاتچیلارلا بیله، فارس یهودیلردن دونوب موسلمان گورونن سیاستچیلردن بیر قوروپ آمریکا-ایسرائیلین توم شرطلرین قبول ادیب، ایراندا اوز سیاسال،حوقوقسال حاکمیتلرین هابیله اوستونلوکلرین ایلهده گوجلرین قورورلار.
ب - تسلیم و سیلاحسیز- اوردوسوز ایران:
ایران، تورک اورتا دوغو ایله عرب اورتا دوغوسونون ان بویوک و ان گوجلو، ان نوفوسلو اولکهسی دیر.
ایران، گئچن یوز ایلده، توم اورتا دوغودا قورخو یارادیب. توم یاخین-اوزاق قونشولارا هده حربه گلیب. بولگهنی سیلاحلاندیرمایا زورلایئب، سیلاحلانمانی موسابیقهیه چئویریب، توم مملکتلرین ایچ ایش ایله سیاستلهرینده دیخالت ادیب، اونلارین بیرلیگین، ایستیقرارین، سیاسی همیده ایتقیصادی اینکیشافلارینا بویوک ضربهلر ووراراق اونلارین اینکیشافینا مانع تورهدیب.
ایندیکی ایران ان ضعیف یئره گلمیش، همیده ایران، عرب اورتا دوغوسونون اونملی مرکزلرین دارما داغین اتدیکدن سونرا، عرب و تورک دوولتلرینین ده ایران اوزرینده شرط - شوروطلاری اولاجاق البته.
بولگهنین سیلاحلاردان آرینماسی، صلحو، اینکیشافی اوچون، ایران اوردوسوز-سیلاحسیز اولماسی، ژاپن ایله آلمان تجروبه سینه یاخین بیر ایستیراتیژی دیر.
ج - ایشغال اولونموش ایران - کوکلا (اویونجاق) ریژیم:
اگر ساواشین قازانان و گوجلو طرفی ایصلاحچیلار ایله یهودی کوکنلی موسلمانلارلا ایشلهمز ایسه، پهلوی، موجاهیدلر یادا اونلارا تای کامیل تسلیم اولموش بیرین ایش اوسته گتیریب، توم ایستکلرین، اونون الی ایله قانونلاشدیریب، یوروتمهیه سورر.
اوستهکی هر اوچ هر سیناریودا، ایرانلی طرف گورونن قولچاقین، هئچ بیر ساحهده، هئچ بیر حقیقی و آپاریجی گوجو اولماز آمما ان آزیندان، ایرانی، بوتون و فدرال شکیلده قورویا بیلرلر. بودا، پان فارسلار ایله پان ایرانیستلرین ان اونملی قازانجلاری اولابیلیر.
چ - بولونموش-چیچیک ایران = موستقیل مملکتلر:
بیر طرفدن، اگر باتی یانلیسی ایصلاحچیلار ایله یهودی کوکنلیلر کامیل تسلیم اولمازلارسا یا هر نهدن دولایی، "دیفاع" اوردوسو آدی ایله بیر سیلاحلی گوجه مالیک اولماق ایسترلر ایسه، هر احتیمالا قارشی،
باشقا بیر طرفدن، تورک اورتا دوغو، ایله عرب اورتا دوغونون بیر ایستهگی، ایسرائیل ایله اوست اوسته دوشر.
بو اوچگننین، ان اونملی ایستکلری ایرانین پارچالانماسی و اوزون زامان ایچینده، اورتا دوغور میللتلری ایرانین هده حربه ایله قورخوسوندان، تمامی ایله قورتارمالاری لازیم گورونور.
بو ایستیراتئژیده، ایران ان آزی، دورد موستقیل بولگهیه (تورک موستقیل بولگه بیرلیکلری، عرب موستقیل بولگهسی، کورد موستقیل بولگهسی، فارس موستقیل بولگهسی)-نه بولونمهلی دیر.
بونون ایکینجی واریانتیندا، ایراندان داها چوخ موستقیل مملکتلر اورتایا چیخابیلیر.
بو ایستیراتیژیه قارشی، تکجه تورکییه موخالیفت بایراقین قالدیرابیلیر. چون، ایندیلیکده، تورکییه، کورد آدلا بیر موستقیل مملکتی قبول اتمیر. اگر قبول ادرسه، تورکییهده کی کوردلرینده موستهقیللیک حاقین قبول اتمیش گورونور.
تورکییهنی بئله راضی سالماق اولار کی، ایرانلا عراق آدلانان یئرلرین بیر بولوملهرینده، کوردوستان آدلی بیر دولت یارانسین. اگر کوردلر ایستهسهلر، سوریه، تورکیه عراقدان اورا کوچوب، اورادا کوردوستان وطنداشی کیمی یاشاسینلار. بو، کوردلری ده راضی سالار.
بلکه بو یول بونتم، تورکییهنی راضی ساخلار آمما آزربایجان تورکلرینین ایندیسینه وگلهجکلرینه، بالفعل و بالقوه تهلوکه یارادار. چون تورکییه ایله سوریه کوردلرینین یئرلشمهسینه داها بویوک و گئنیش توپراقلار لازیمدیر. بودا ایندیکی وگلهجک ساواشلارین قانلی توخومون اکمک دیمک دیر.
خ - کونفئدرال ایران:
هر حالدا، آمریکا ایرانی دا فئدرال سیستیمه سالماکق ابستیر تا هم ایرانین ایندیکی سرحدلرین قورویاراق پانایرانیستلری راضی ساخلاسین همیده آزربایجان تورکلرین، قشقایی تورکلرین، تورکمنصحرا تورکلرین، عربلری، بلوچلاری، کوردلری، لور-بختیاریلری، گیلک-مازنیلری ده راضی ساخلاسین.
آمما ساواشین سونوندا، ایران ضعیفلرکن، او بیری یوندن ایسه بو میللتلر موستقیل دوولتلرین قورمایی آرزولارکن، حتتا موستقیل دوولتلرین قورمایا قیام ادرکن، آمریکا چوخ چتین بیر چلیشکی یاشار.
بو میللتلر، فارسلارلا برابر بیر سیاسال هابیله قوندارما دوولت میللتین ترکیبینده اولمانی ایستهمزلر.
اوندا، بو چلیشکینی چوزمهیه و بولگهسل بالقوه ساواشلارین قارشیسین آلماغا داها بیر یول وار. او یول بو دور کی تو او اوستانلاردا کی دیل چوخونلوغو وار، بیرلهشهرک، بیر موستقیل مملکت اولوب، موستقیل دوولت قوروب، آمما ایستهیهرک، دیگر موستقیل میللتلر ایله بیر سیاسال-حوقوقسل بیرلیک یارادالار. بو بیرلیکده، سیاسال و موستقیل دوولتلرین بویوک، چیچیکلیکلهرینه باخمایاراق، برابر حوقوق نوماینده لری اولوب و چوخونلوقلا اورتاق منافع ایله مسئلهلر اوچون قرار وئرهبیلرلر.
بو ایستیراتئژی ایله، ایران آدلی وارلیق آرادان قالخار، پان ایرانیسم ایله پانفارسیسم تاریخه تاپیشیریلار، میللتلر ایسه تاریخی سیاسال ایستکلرین الده ادرلر.
لاکین، بیرلیکلردن دولایی، بیرلیگین چئخارلاردان دولایی، اورتادا وار اولان کیچیک توپراقسال، نوفوسسل مسئلهلری سیلاحلی و قانلی ساواشا چیویرمزلر بلکه امکداشلیقلا، زامان ایچینده چوزومله ره یاناشارلار. چوزوملر یارادارلار.
انصافعلی هدایت.
02 مارچ 2026
No comments:
Post a Comment