تورکلر، یئنیدن کندلرین خلق اتمه‌لی دیرلر
1940 ایللریندن سونرا، تورک میللتینین تاریخی و دونیا گوروشو، دونیا کریستیان گوجله‌رینین ایسته دیگینه گورا، یئنیدن دیزاین اولدو.
تورکلره گورا اولان هر شئی، کوکدن باشا، تحریف اولدو.
بیز تورکلرین مدرسه و ایجبارلا اویرنمک تاریخین و دوشونجه‌سین، بیراینجی و ایکینجی دونیا ساواشلاریندان ظفرله چیخان مسیحیی دونیا یازدی.
اونلار، تاریخی دئییشدیرمکله، تورکلرین بئینین و دوشونجه تاریخین دئییشدیردیلر تا تورکلر، ائوزلرین اونوتسونلار.
بیز تورکلر، اوجور اوخودوق، اوجور ایناندیق، اوجور دوشوندوک، اوجور داوراندیق کی ظفر قازانانلار دیزاین و مهندیسلیک اتمیشلردی.
بوندان دولایی دا، تورک دونیاسینین هر بیر ایشی، داورانیشی و حتی دوشونجه‌سی، تورکلر ائوچون یوخ، کیریستیانلار ائوچون فایدا وئریر.
تورکلر، کیریستیانلارین قولو و قوللوقچوسونا دونمک چاباسیندادیرلار. اوزلرینین خان اولوب، ظفر قازانمیش گوجلری دیزه گتیرمه‌یی دوشونمورلر.
بونا گورادا، تورکلر، هئچ بیر ایش گورمزلرسه‌لر، داها قازانجلی چیخارمیشلار.
ایندی، نه یاپمالییق؟
ایندی، آیئلماق ائوچون، کندیمیزه دونمک ائوچون، بئینیمیزی دئییشدیرمه‌لی، یئنی دن تورک میللتین خلق اتمه‌لی و تورکو، تورک ائوچون یاراتمالییق.
بو خلقی و یئنی تورکو، آللاه یوخ، تورکون آیدین، دوشونور، سوروجو و ایراده‌لی اوغول-قیزلاری، ائوز ایراده‌سی ایله خلق اتمه‌لی دیر.
یوخسا، بیزیم کعبه‌میز، قیبلامیز، بیزی یارادانلارین قیبلاسی و کعبه‌سی اولار.
انصافعلی هدایت
No comments:
Post a Comment