آیدینلار و دوشونورلر کیم دیر؟ وظیفه‌سی نه‌دیر؟
آیدینلار و دوشونورلرین کبم دیر؟ وظیفه‌سی نه‌دیر؟
یازمیشدی. عکسی‌ده باخین اوطفن.
یازدیم:
هه ... (گولمورم ها هه... دییرم، بونا نه دئییم آللاه)
سالام
نئجه سن؟ حالین؟ احوالین؟
کئیفین یاخجی دیر؟
دوستوم، آدام، بیری ایله سالام کلاما گیررکن، بیر سالام ادر. ادب، معریفت گوسته‌رر.
سونرا، ادبله، حورمتله، دوستوقلا، یا دوشمنلیکله، نقدین یازار.
موتاسفانه، سیز دوستلوق، یولداشلیق و سالام کالامی ایتیرمیسیز.
آیاق یالین، باشی آچیق، یامان یوغوزا تپیلیب، گیرمی‌سیز.
ایتتیهام وورموسان کی "یالان" دئییرم.
نه‌یی یالان دئمیشم؟
کیمه گورا یالان دیر؟
کیم ایددیعا ادیر کی من یالان دئمیشم؟
هانکی دلیل، برهان و ادیلله ایله منیم یالانیمی چیعاردیبسان؟
ده‌ده‌ن، نه‌نه‌ن کور دئییب، کلیب گئده‌نی وور دئییب؟
سونرا دا مندن ایسته‌میسن کی "بیز آذربایجانلیلارا" خامنه‌ای کیمی وصی قییوم اولمایام.
تامام.
سیزین وصی قییوموز دئییلم.
آمما کیملر، مندن ایستیرلر کی آزربایجانلیلارین وصی قییومو اولمایام؟
یانی، سن بیر نفر سن. سنده، آزربایجانلیلار دئییل‌سن. منه تای بیر نفرسن.
بس، نئجه مندن ایستیرسن، آزربلیجانلیلارین وصی قییومو اولمایئم آمما ائوزونوزه ایجازه وئریرسیز، آزربلیجانلیلارین وریندن دانیشاسیز؟
کیم سیزه (سنه) بو ایجازه‌نی وئریب؟
تامام. سیز وظیفه‌زی بیزلردن یاخجی بیلیرسیز کی نه اولسون؟
وظیفه‌ز نه دیر؟
هانکی وظیفه نی عهده‌زه آلمیسیز؟
وظیفه‌نی کیم سیزه وئریب؟
بوراسی وار کی من و یولداشلاریم، ائوزوموز ضییالی، آیدین و دوشونور بیلیریک.
بونونا گورا هئش بیر کسدن ایجازه آلمازلار.
حتتا، اگر بیر گون اولموش اولایدی کی توم آزربلیجانلیلار، من ایله و منیم دوشونجم ایله دوشمن اولسایدیلار بئله، منی سوسدورماق حاقلاری یوخلاری‌ایدی.
منده اونلارا منی سوسدورماق حاققین وئرمز ایدیم. نئجه کی ایران-فارس رئژیمینه، او حاققی وئرمه‌دیم. او منیم حاققیم دیر، اونلارین بو قونودا حاققی یوخ دور.
چون، بیر آیدین، ضییالی، دوشونور، دوشونه‌ر، دوشونجه‌له‌رین دیله گتیریب، یایماق ائوچون، کیمسه دن ایجازه آلماز.
کیمسه‌نین ده ایجازت وئرمه‌مک حاققی یوخ دور.
طبیعی کی سنین دوشونجن اولورسا، منله فرقیلی دوشونمه‌یه حاققین وار. آمما سن ائوز دوشونجه‌وی حاقلی بیلیب، منیم دوشونجه‌مین قابلغین آلما حاققین یوخ دور.
چون اوندا هر کس، ائوز دوشونجه‌سین حاقلی، اوگئوزگه‌لرین دوشونجه‌لرین ناحاق بیلر.
اوندا دا حاقلار و حاقسیزلیقلار بیر بیرلری ایله ائولومجول ساواشا گیررلر. اودوزان‌لار ایسه، تامام دوشونورلر اولار.
سون اولاراق، آزربایجان و ایران آدلی مملکت‌ده یاشایان تورکلر، فارس و ایرانین موستعمیره‌سی و سومورگه‌سی دیرلر.
اونلارین خوشو دا گلسه، آجیقلاری دا گلسه، دوروملاری سومورگه دورومو دور.
آیدین، ضییالی و دوشونورون سئچدیگی وظیفه سی بونو باغیرماق، میللتی آیئلتماق و او دورومدان چکیب چیغارتماق دیر.
بو وظیفه‌نی کیمسه آیدینا، دوشونوره، ضییالییه وئرمز و ویره بیلمزده.
بو، آیدینین، ضییالینین، دوشونورون سئودیگی میللت و وطن ایچین، بیر سئچیم و فداکارلیق دیر.
بوتون دونیا توپلوملاریندا، ائوزللیکله موستعمیره توپلوملاریندا، آیدین و دوشونورون سسی، بوتون میللتین سسی حوکمون‌ده قبول ادیلیب.
چون، آیدین و دوشونور، حاکیمییتده کی‌لر کیمی پول و مقام دالیسیجان اولماز.
آیدین، میلله‌تینین خئیرین، فایداسین، چیخارین و منفعتین، ائوزونون چیخارلاریندان اوستون توتار. حتتا بو یولدا، جانیندان، مالیندان، کئفیندن و عاییله‌سیندن بئله گئچر.
سیزه سیفاریش ادیرم کی بیر ضییالی، دوشونور و آیدینین سسی، دوشونجه‌سی و مسئولییتی حاقدا بیر آز اوخویون و هابیله دوشونون.
اونوتدوم سوروشام، منیم آدیم، سانیم بللی دیر.
سن کیم سن؟
آدین سانین نه دیر؟
نه‌چی سن؟
هاردا اولورسان؟
حورمتله
انصافعلی هدایت
Comments
Post a Comment