خیال گوجو بویو، میللت اولورسان
خیال گوجو بویو، میللت اولورسان
آی تورکلر!
آی سومورگه اولموشلار!
آی وطن‌سیزلر!
آی حاکیمییت‌سیزلر!
خیال دونیاسینا گیرین! ایستیقلالی، دوولتی، دولتچیلیگی، ایداره سیستیمین، تعلیم و اویرتیم سیستیمین، آزادلیقی، ریفاهی، قانونلاری، اینسانلیقی، اینسان کیمی یاشماغی، تورک دونیاسینین قورولماسین و ... خیال ادین.
خیال دونیاسینین آزادبیغین، کیمسه سیزده‌ن آلاماز.
خیال دونیانیزی الدن وئرسه‌نیز، ریآل دونانیزی دا الدن وئرمیش‌سینیز دئمک دیر.
خیال دونیانیز وارسا، خیالینیزدا حاکیمییت، دوولت، ... و میللی حاقلاری قورور و ایداره ادیرسینیزسه، حتتا سومورگه اولموشسانیز بئله، بیر گون او خیاللار حقیقی دونیادا دا قورولاجاق، یئرینه اوتوراجاق.
خیال قورانلار، خیالی حقیقه‌ته چئویرن‌لردیرلر. خیالی قورانلار، یارادیجیلار دیرلار. خیال قورانلار، خالیق دیرلر. یوخ یئردن، یارادانلاردیرلار.
خیالی اولمایان، کوله اولور، کوله قالیر، مال کیمی یاشارلار.
خیالی اولمایانلار، خیال گوجو ایله بیر نیظامین قورماسین باشارمایان کیمسه‌لر و توپلوم‌لار، ریاللیقدا دا هئش بیر نظام، دوولت، حاکیمییت، حوقوق، و ... قوراماز لار.
اینسانلارلا توپلوملارین گوجو، یارادیجیلیغی، اوچوشو، یولو، هابئله آماج‌لاری، خیاللاری گوجو قدر دیر.
خیال گوجو، هر بیر خیلقت ایله ایجادا قادیر اولورسا، او توپلوم، هر بیر سددی گئچر و هر بیر تورلو خیلقه‌ته و ایجادا قادر اولار.
خیال گوجونوزو آزاد بوراخین. خیاللارینیزی و خیال گوجونوزو، قورخاق اتمئیین، سانسور اتمه‌یین.
دونیاداکی توم گلیشمه‌لری، خیال قورانلار خلق اتمیش‌لر.
دونیا، هر ساحه‌ده دئییشیمده دیر. بو دئییشیملری خیال قورانلار یارادیرلار. خیال قور کی آللاهین سنه وئردیگی یارادیجیلیق روحو، سنی زاماندان مکاندا زیندانیندان چیخاریب، سونسوزلوغا گوتورسون.
انصافعلی هدایت
Comments
Post a Comment