جهالت موهندیسلیگینه غلبه 204
الف:
بیکیتین آدی: تقویم ترکی
یازی دیلی: تورکجه
قونو: گون، آی، ایل محاسیبه سی
یازی طورو: دوزیازی
بویا: 4-5 بویا ایله ایشلن میش
الیفبا: تورکو-عربی
چاغ: 1093هیجری قمری (354 ایل ائونجه) - عوثمانلی
یازار: بللی دئییل
نوسخه: بللی دئییل
ساخلانئلان یئر: پاریس، فرانسه
صحیفه سایی: 34
جهالت موهندیسلیگینه غلبه نین 204 اینجی بولومونده، ایکی تخصصوصلوق (اوزمانلیق) ساحه له رینده، ایکی تورکجه، قدیمی بیتیکلر ایله تانیش اولاراق تورک اینسانئنین یارادیجیلیقی ایله اویقارلیقلاریندان بیر نئچه اویقارلیقلار ایله تانیش اولدوق.
بیتیکین آدی "تقویم ترکی" ایدی. بو کتابدا، بیر چوخ درین هابئله گئنیش قونولاری الده توتاراق، جدوللر ایچینده ایضاح اتمیش لر.
کیتاب 354 ایل اونجه علم و تخصصوص اوزه ره یازیلمیش. بو بیتیکده، تکجه ساحات، دقیقه، هفته نین گونله ری، آی، ایل، بایراملار ... ایضاح ادیلمه میشلر، بلکه موسلمانلار اوچون قیبلانین یونونده آچیقلامیشلار.
بیتیکین یازیلماسی، حساب و رساضی اوستونه قورولموش دور. بو دیلده، مرکب ریاضیات و اونون معادیله لری اوزه رینه تاسارلانمیش دیر.
بیزیم ساوادیمیزین گوجوموز، بو اوزمانلیق آلانئنا چاتمادیقیندان، بو کیتابی چوخ قئسسا ورقله یدک.
سونرا ایکینجی تورکجه و اوزمانلیق آلانئندا یازیلمیش تورک اینسانئنین دوشونجه و یازی اویقلارلیقینا گئچدیک.
ب:
بیتیک آدی: شفاء الفواد لحضرت سلطان مراد (طب زین العابدین افندی)
یازار: زین العابدین بن خلیل افندی
یازی چاغی: 763 له 797 ایللر آراسی یازیلمیش (662 ایل ائونجه)
نوسخه یازاری: بللی دئییل
نوسخه چاغی: عوثمانلی چاغی، 1053 هیجری قمری (394 ایل ائونجه)
قونو: طیب و علاج
دیل: تورکجه
الیفباء: تورکو -عربی
ساخلانئلان یئر: سولیمانیه کتابخانه سی، ایستانبول
صحیفه سایی: 74
کیتاب، بیر اینجی عوثمانلی سولطان موراد خان چاغیندا، حرم طبیبلری باشی؛ زین العابدین بن خلیل افندی الی ایله یازیلمیش دیر.
بو بیتیک، سولطان موراد حضرتله رینه توحفه ادیلمیش بیر کیتاب دیر. یازارجا، چون سولطان موراد ساواشا ایله سهره چیخارکن اولابیلر کی یانئندا طبیب اولماسین، بو بیتیکی یازمیش تا او حال احوالدا، طبیب اولمادان دا توم بولونان دردله ره، مرضله ره درمان بولونسون.
یازار، بیتیکی، چوخ ساده تورکجه ایله همده یئتمیش دورد صحیفه ده یازمیش. اونلان بئله، بو آز صحیفه لرده، بیر چوخ خسته لیکله ری هابئله اونلارین علاجلارین، اونلارلا بیرگه، هر داوادان نه قه درلیقی هابئله نئجه بیربیرله ری ایله قاتئشدیرلماسین دا آچیقلامیش دیر.
انصافعلی هدایت
اون ايكي جمادی الاول ١٤٤٧
No comments:
Post a Comment