جهالت موهندیسلیگینه غلبه 211
https://youtube.com/live/i7gdEt8QOSYبیتیکین آدی: دلگشا
یازار: حاجی بکتاش ولی
قونو: بکتاشیه دوشونجه لری-عیرفان
دیل: تورکجه
الیفباء: تورکو - عربی، لاتینجه
یازی طورو: دوزیازی- الیازما
یازی چاغی: 900 هیجری قمری
باسین چاغی: 1427 هیجری قمری، (2007 میلادی)
باسیجی: تورکییه دیانت واقفی یایئنلاری
بو گونکو “جهالت موهندیسلیگینه غلبه”نین 211 اینجی بولومونده، تورک، همده موسلمانلار دونیاسینین روحسال هابئله معنوی وار دوولتیندن تانئنان "حاج بکتاش ولی" حضرتله رینین یاراتدیقی دوشونجه لر ایله اینانجلارین بیری ایله تانیش اولما شره فینه لایق اولدوق.
حاجی بکتاش ولی بو بیتیکده، بیر آرمانشهر یاراتماق اوزه ره، دوشونجه لرین بیتیکه توکه رک، سونکو نسیلله ره یادگار بوراخمیش گورونور.
بو بویوک تورک دوشونورو-اینسانی، هابئله درین ایمان، اینانج صاحیبی، بیتیکین ان سون سطیرله رینه دک، کندین تانیتمامیش.
چون اونلارین اینانج مکتبله رینده، "منلیگه" یئر یوخ دور. منلیکدن اوزاق دورماق گره کیر. بو مکتبده، هر نه وارسا، الله لا بیرلشمیش توپلوم همده اینسانلار واردیرلار کی اونلاردا آللهدا ایتیب، باتمیش، یوخ اولموشلار.
نئجه کیم بیر داملا، داملا اولدوزوق اوزه ره، داملا قالدیقی اوزه ره، هپ داملادیر. داملادان باشقا بیر کیملیگی یوخ دور. او زاماندان کی همن داملا دنیزه دوشدو، دنیزله بیرلشدی، داها داملا دئییل، داملا هوییتی، گیملیکی محو اولدو. آرادان چئخاراق، یوخ اولدو. او داملا، دنیز اولدو. دنیزین کندیسی اولدو. یئنی کیملیک، یئنی هوییت بولدو. دنیزله، اوقیانوسلا صیفتلندی. تاماملئقیندا، اوولده کی هوییه تی ایله فرقیلی بیر هوییته مالیک اولدو. داها، دنیزی اوندان، اونودا دنیزدن آیئرت اتمک اولاسی دئییل. دنیز، داملالار بیرلیگی، گوجلوسو، وارلیقی دیر آمما دنیز، داملالاردان دئییل. دنیز، داملالارین دنیزه دونوشمه سیندن و بیررلیگ کیملیکله رین الدن وئریبن، بیله شمه له ریندن اولاشمیش وارلیق دیر.
بونلان بئله کی جاج بکتاش ولی بو اوقیانوسدا محو اولموش، اوقیانوس اولموش، آمما بیر کیمسه لر، بو بیتیکین آن باشیندا، حتتا بیتیکین النئندا کی “بسمله”دن، آللهین آدیندان اوسته، دار بیر یئرده، قئرمیزی بویا ایله بیر جومله قوراراق، “حاجی بکتاش ولی” ایسمین یازمیشلار.
گورونن اوکی حاج بکتاش ولی یازئسینین سونوندا "تمت" سوزون یازاراق، بیتیکین تکمیل اولدوقونا قناعت گتیرمیش دیر.
لاکن، کندیسی یادا بیر باشقا درویش، یئنی “بسمله: چه که رک، بیر نئچه سه طیرلیک سون سوزلر علاوه اتمیشلر. بو یازیلاردا، "دلگشا" سوزون، او حضرتله رینین یازدیقی بو بیتیگه آد اولاراق وئرمیشلر.
عجبا دلگشا آدین، هابئله بو سون سطیرلری، همده "تمت"دن سونرا یازان کیشی یادا کیشیلر، او حضرتین کندیسی ایمیش یوخسا باشقا بیریسی؟ بو، بللی دئییل.
اولابیلر کی "تمت"دن سونرا کی "بسم الله الرحمن الرحیم" هابئله اوندان سونرا یازیلان اوچ سطیرلیک فارسجانی، هابئله اوچ بیت سون شعری، "دلگشا"نی نوسخه له ین علاوه اتمیش اولسون.
هر حالیکاردا، همن سون فارسجا "بسم الله..."دان سونرا یازیلان سوزلردن بللی اولور کی بو کیتاب (نوسخه می؟) حضرت رسولی اکرم صل الله علیه و سلم دن دوققوز یوز (900) ایل سونرا قلمه آلینمیش.
بیزجه، بو تاریخی، همده شیخین شریف آدین، نوسخه یازان علاوه اتمیش دیر. حتتا بورادا دا اونون شریف آدین چکمه میشلر. یئرینه “درویش” دییه قلمه آلمیشلار. بلکه کندی حضرتله ری، بویله یازمیش تا کیم کندیسین درویشلردن سایسین تا درویشلر قتینده یوخ اولسون. اونلاردا محو اولاراق، درویش کیملیگی ایله بیرلشسین.
همن سون سطیرله ره باخارکن، آنلاشیلیر کی "دلگشا" نین بو نوسخه سی (اصلیده اولابیلیر) دوققوز یوز اینجی هیجری قمری ایلینده، "روم" دیاریندا، "قصطمونی" شهرینده، "امیر اسفندیار" حاکمیلیگی چاغیندا قلملنمیش دیر.
کیتاب، ایکی الیفباء ایله یازیلمیش. بونلان بئله تورکییه باسینیندا یایقین اولان شکیلده باشیلمامیش. نییه کی تورکییه ده توم بیتیکلر، سولدان ساغا صحیفه له نیر، اوخونور. لاکئن بو بیتیکده، حتتا لاتینجه اون یازیلار بئله ساغدان سولا دوزنلنمسش دیر.
بیتیکی یازان، حاج بکتاش ولی حضرتله رینین یازیسین، بیر نئچه نوسخه لرله توتوشدوران، بو نوسخه نی باسینا سئچیب حاضئرلایان، بیتیکی اوخویان، اونون تورکجه -عربجه سیندن سونرا لاتین آلفا بئسی ایله ده دوزنله ین دورد دکتور حوجا واردر.
بونلاردان بیرربیرر یازی، اون یازیلار کیمی همده لاتینجه سینه قلمه آلینمیش دیر.
چاپا سئچیلمیش بو تورک اویقارلیقینین اولدوزلاریندان اولان بیر اثر، زمان ایچینده، بویاسین الدن وئریب. یوزده آلتمیشدان چوخ، صحیفه لرده یازیلانلارین اوخونماسی زور گورونور. لاکن بو دورد خوجالارین زحمتلری نتیجه سینده، بو کیتاب اوخونابیلیر بیر دورومدا، 2007 اینجی میلادی ایلینده توپلوما سونولوب دور.
انصافعلی هدایت
٢٠ جمادی الاول ١٤٤٧
No comments:
Post a Comment