جهالت موهندیسلیگینه غلبه 223
جهالت موهندیسلیگینه غلبه نین 223 اونجو بولومونده، تورک اینسانینین یاراتدقی دیل ایله یازی اویقارلیقیندان داها بیر درین دوشونجه لی بیتیک ایله تانیش اولدوق.
بیتیکین آدی: شاه و گدا
یازار: یحیی بیگ (یحیی شبتاوی)
دیل: تورکجه
الیفباء: تورکو - عربی
قونو: اینساندان قئراق عاشیقلیق
یازی: قوشما
چاغ: قانونچو سولطان سولئیمان حضرتله ری چاغی
یاپراق سایی: یوز دوقسان ایکی (192) یاپراقلیق
بو بیتیک، عاشق کیمی درین، آنلاشیلماسی زور بیر قونو اولماسینا باخمایاراق، تورکجه ده، آمما چوخ ساده بیر دیل ایله یازیلمیش.
کیتابین قونوسو عشق دیر. یازارین دئدیگینه گورا، پاییئزین سونلاریندا یادا قئشین اوزون گئجه له رذینده، دوستلاری ایله بیرگه اوتورموشلار. اوردان بوردان دانئشیرلارمیش. سوز سوزو گتیرمیش، قییخدا یئزی. عشقله عاشیقله رین حیکایه له ری اورتایا دوشموش. بیر شیرین له فرهاددان، اوبیریسی لیلی ایله مجنوندان، بیری خسرو ایله شیریندن، و باشقاسیدا باشقا آدلیم عاشیق و معشوقلاردان سوز آچمیشلار.
بیتیکین قوشماجیسی اورتایا گه لرکن، بو سوزلرله گلمیش:
ایشیدوب سوزلرن دیدم نعجب
بکا خوش گلمدی بو سوزلر هب
بر الای بی مذاق زنباره
بر الای دردمند و بیچاره
نه بلور سرّ عشق پنهانی
نه بلور وجد و حال جانانی
لایق اولدور که هیچ اولمیه نقل
قصه عشق ناقصات العقل
عاشق اولدر که عشقیله مدام
ایلیوب اولخویی گوزونه حرام
سوه بر سرو بویلی مجبوبی
درد عشقینک اوله ایّوبی
ویره مرآت جسم و جانه جلا
بر جلاسن جوانه بنده اولا
عشق محبوبله کم اولسه حزین
اکلمز انی خسرو و شیرین
غمزه خوبه کم اولور مفتون
اولدی منفوری لیلی و مجنون
عاشق اولنده صبر اولور پیشه
اوپمک و قوجمق اولمز اندیشه
عاشق صادق اولانه مطلق
مرحبا در وصال یار انجق
اندن ارتوغه یوقدر دستور
غلظت اولمز بو بابده معذور
...
یانی، یحیا بئی (بیگ) عشق ایله عاشیقلیقدان باشقا بیر آنلایئیشی اورتایا آتیر. اوندان دولایی، دوستلاری اوندان ایستیرلر، دوشونجه له رین، بیر منضومه ده توپلایاراق، آچیقلاسین.
اودا بو حیکایه یه باشلیر. حیکایه نین آدینا ایسه " شاه و گدا" آدین وئریر.
بیتیک، سولطان سولئیمان حضرتله ری چاغیندا یازیلیر هابئله اونون حوضورونا سونوولور. اوندان دولایی، کیتابین یازیلیش چاغی دوقّوز یوز یئتمیش سگّیز ایله دوقّوز یوز سکسن (978 - 980) ایللر آراسی اولمالی دیر. بونلادا، اونون یازیلماسیندان دورد یوز آلتمیش یئدّی ایل گئچیر.
کیتابین اورتالاریندا، قوشمانین قئراقلاریندا، لاتین الیفباسی ایله، قوشمالارا آچیقلامالار یازیلمیش. سونلاریندا ایسه عرب الیفباسی ایله بیر چوخ شعرلر همیده یازیلار یازیلمیش. بعضی لهر یده یازدیقلاری چاغیدا بللی اتمیش لر.
انصافعلی هدایت
03. جمادی الثانیه ١٤٤٧
No comments:
Post a Comment