جهالت موهندیسلیگینه غلبه 209
بیتیک آدی: مجمع طب
قونو: خسته لیکلر ایله داوالار- درمانلار
یازار: سید محمد بوغاحصاری اوغلو حوسین
وفقچی: سید محمد بوغاحصاری اوغلو حوسین
چاغ: عوثمانلی ایسلام محمود خلیفه چاغی
یازی طورو: الیازما، قوشما - شعر
دیل: تورکجه
الیفباء: تورکو - عربی
ساخلانیلان یئر: سولیمانییه کیتابخانه سی - ایستانبول، تورکییه
صحیفه سایی: 128 صحیفه
بو گونکو "جهالت موهندیسلیگینه غلبه"نین 209 اینجی بولومونده، تورک دونیاسینین، اینسانلیق مدنییتینه (اویقارلیقینا) توحفه اتدیگی یازیلاردان داها بیر باشقاسی ایله تانیشلیلیق شرفینه لاییق گوروندوز. آللهیمیز بو شرفی ایله حیاتی بیزه وئردی تا تورک اینسانینین یارادیجیلیق گوجو ایله بیر داها دتانیش اولاراق، تورکله رین مییلی روحونا، میللی دوشونجه له رینه، میللی چالیشقانلیقلارینا، میللی یارادیجیلیقلارینا ایناناراق، بیزده ده میللی تورکلوک روحو دیرچکله شسین.
بو کیتاب ایکی یوز ایگیرمی سگگیز صحیفه ده، اسگی طیبده یئر آلمیش. بیتیکین صحیفه لهر ی یئمکلری، داورانیشلاری، مرضلری، داوالار- درمانلاری هابئله اونلارین نئجه حاضیرلانماسی همده بیر بیرله ری ایله قاتیلماسی حاقدا یازیلمیش دیر.
بیتیکین یازی طورو، قوشما دیلین مه نیمسه میش. بوندان دولایی، بیتیکین دیلی، تورکلوگون یانی سئرا، داها ایکی اوزمانلیق آلانلارین دا ایچینه آلیر.
بیریسی شعر یادا قوشما اوزمانلیقی دیر. بو اوزمانلیقدا، بیر چوخ سوزون، ادبی، هابئله یازی ایله دئییلیش همده قورولوشو دیلی، قوشمانین گئدیشاتئنا گورا دئییشیر.
ایکینجیسی ایسه طیب دیلی ایله طیب تورکجه سی نین گونده لیک هابئله باشقا اوزمانلیقلالر ایله فرقیلی اولماسی دیر. بو یازار، بو بیتیکده بو ایکی تورک اوزمانلیق ساحه له رین بیرله شدیریر.
بونلاردان دولایی، بکلنتی بو دور کی کیتابین دیلی - تورکجه سی، آغیر اولمالیدیر. آمما یازار، بیتیکی چوخ ساده و قولای اوخونور بیر دیلده قلمه آلمیش تا عوموم خالق قولایجاسینا اوخویوب، آنلایابیلیسین لر.
بیتیک عوثمانلی خلیفه سی "محمود" چاغئندا یازیلمیش. هانکی محمود آدلی خلیفه دن سوز گئدیر؟
بللی دئییل. چون عوثمانلی ایسلام همده موسلمانلار خلیفه لری ایچینده، ایکی محمود (ماحمود) آدلی خلیفه وار.
بیر اینجی ماحمود 1142 - 1168 هیجری قمری ایللر آراسی حکومت اتمیش.
اگر بو بیتیک، او ایسلام - موسلمانلار خلیفه سی خیلافه تی چاغئندا یازیلمیش ایسه، آشاغا - یوخاری، ایکی یوز دوخسان ایکی (292) ایل ائونجه یازیلمیش دیر.
اگر بو بیتیک، ایکینجی ماحمود آدلی خلیفه نین حوکوم سورمه سی چاغئندا یازیلمیش ایسه، اوندا دا آشاغا یوخاری، ایکی یوز اون ایکی (212) ایل ائونجه یازیلمیش گورونور.
ایکینجی ماحمو آدلی ایسلام دونیاسینین خلیفه سی، 1222 - 1254 اینجی هیجری قمری ایللر آراسی ایسلام دونیاسین، تورک ایله عرب هابئله ایسلام دوشمن لریندن قوروموش، همده دوشمنلر ایشغالیندان اوزاق ساخلامیش دیر.
انصافعلی هدایت
١٨ جمادی الاول ١٤٤٧
No comments:
Post a Comment