جهالت موهندیسلیگینه غلبه 210
https://youtube.com/live/IBoWBuz1N141:
بیتیک آدی: چهل حدیث
یازار: امیر علیشیر نوایی
قونو: حدیثله ره آچیقلیق
یازی یئری: بو گونکو افغانیستان
دیل: تورکجه - عربجه
الیفباء: تورکو - عربی
یازینین چاغی: 886 هیجری قمری (561 ایل ائونجه)
نوسخه نین یازاری: سلطان علی المشهدی
نوسخه نین چاغی: 901 (546 ایل ائونجه)
ساخلانئلان یئر: فرانسه
یازی طورو: الیازما - قوشما همده دوز
صحیفه سایی: 26 صحیفه
بو گونکو "جهالت موهندیسلیگینه غلبه"نین 210 اینجی بولومونده، تورک اینسانینین آنلایئش، دوشونجه ایله دویغولاری دونیاسیندان ایکی درین وارلیق ایله تانیش اولدوق.
تورک اینسانی ایله تورک دوشونورلهر ینین یاراتدیقی مدنیت، دونیایا چوخلو دوشونجه لر ایله آنلاییشلاری قازاندیراراق توحفه اتمیش دیر.
بو ایکی درین دوقولارلا دولو بیتیکلرین صحیفه سایی آز اولسادا، ایچی همده آنلایئشی چوخ کاپسامجی بیرله گئنیش دیر.
بیراینجی بیتیکین آدین "چهل حدیث" دییه یازمیشلار. اونون آدیندان بللی اولدوقوندان، بیتیک، "حدیث"لر حاقدا یازیلمیش آمما کیتابی ورقلر، اوخوماقا چالیشیرکن بللی اولور کی اونون اصل آدی "چهل حدیث - یوز کلمه" دیر.
بو بیتیک تورکجه نین "چغتای" آغزی ایله یازیلمیش، همده امیر علیشیر نوایی دولتینده، بو گون، افغانیستان آدلانان یئرده، تورکلرین اورادا حاکیمیت قوردوغو چاغدا یازیلمیش دیر.
بونون هم کاغاذی، یازیسی، بویالاری همده رسیملری ده چوخ اعلا دیر. بونون حاضیرلاماسینا چوخ ثروت ایله واخت قویولموش.
البتته بو بیتیک ایستیثنا یادا سئچیلمیش بیر بیتیک دئییل. بلکه توم کیتابلاری کی همن چاغدا همده تورک اینسانی ایله تورک دوولتی الیندن چیخمیشلار، عاینی قیمه ت ایله اونه می داشیرلار.
بیتیکده توپلانان عربجه حدیثلرین آنلامی چوخ فرقیلی، هابئله چوخ گئنیش همده درین آنلاملی دیر.
ایران آدلی سیاسال وارلیقدا یاشایان توم اینسانلار- میللتلر- اولوسلار، گئچمیش یوز ایلده، بو حدیثلردن یا خبرسیز قالمیشلار یادا حاکیم توپلولوق، بیله بیله اونلاری تورک آنلایئشیندان اوزاق توتموشلار تاکی اولوسلار همن آنلایئشلارین آنلاملارین یاشاماسینلار.
چونکو اونلاری یاشاماق، توپلومدا هابئله توپلولوقلاردا، دین -ایسلام آنلایئشیندا بیر دئوریم-اینقیلاب یارادا بیلیرمیش. بودا فارس دوشونورله رینین، هابئله اونلاری ایش اوستونده ساخلایانلارین دردینه دئیمزمیش، گورونور.
بیز، بورادا او حدیثلردن بیر نئچه سین یازاراق، تورک اینسان، تورک توپلومونون دینه باخیش، هابئله دیندن اولان آنلاییشن گوسترمه گه چالیشیریق.
دئمه لی دیرکی یازار، حدیثله ری عربجه یازاندان سونرا، اونلارین تورکجه آنلایئشین، قوشما دیلی ایله یازاراق آچیقلایئب.
لا یومن احدکم حتی یحب لاخیه الا ما یحب لنفسه. (سیزلردن مومن چیخماز ایللا بو شرطله کی هر او شئیی کی اوز جانیزا روا بیلیرسینیز، اونلاری قارداشلارینیزادا روا گوره سینیز.)
من لایرحم الناس لایرحمه الله. (هر کیمسه کی اینسانلارا رحمت اتمز ایسه الله دا اونا رحمت اتمز.)
المسلم من سلم المسلمون من لسانه و یده. ( موسلمان او آدام دیرکی موسلمانلار اونون الیندن همده دیلینده ن آماندا قالسینلار.)
الخصلتان لایجتمعان فی المومن البخل و سوء الخلق. (ایکی خیصلت مومن آدامدا اولمامالی دیر. بیریسی پاخیللیق، ایکینجی سی ایسه پیس اخلاق دیر.)
2:
بیتیک آدی: حلیه مولانا جلال الدین رومی
یازار-قوشماجی: لطفی چلبی
یازی طورو: الیازما - قوشما
دیل: تورکجه
الیفباء: تورکجه - عربجه
قونو: مولانا رومی نین "حلیه" آدلی دوشونجه سین قوشموش
قوشمانین چاغی: 1100 هیجری قمری
ساخلانیلان یئر: دوولت (؟) کیتابخاناسی
صحیفه سایی: 10 صحیفه
بو کیتابیندا صحیفه سایئنا باخارساق، چوخ آز گورونور آمما ایچینده ده رین، گئنیش قاوراملار، دوشونجه لر موروارید کیمی بیربیرینین آرخاسینجا دوزولموشلر.
بیتیکی یازان، مولانا جلال الدین رومی حضرتله رینین ائولادلاریندان بیری دیر. او، اوزون لطفی چلبی دییه قلمه آلمیش. چلبی، هیجری قهرینین 1100 اینجی ایلینده بو بیتیکین قوشماسینا سون نوقطنی قلمله قویموش.
بیتیک آیاقدان باشا، مولانایا عشق همده محببت ایله دولوب داشیر. قوشماجی همن عشق ایله محببتدن دولایی، مولانا حضرتله رینین "حلیه" آدلی بیر دوشونجه سین قوشما ایله یازماغا چالیشیب.
اونون یازدیغینا دایاناراق، مولانا حضرتله ر ی هیجری قمهرنین آلتی یوز دورود (604) اینجی ایلینده بو دونیایا دووغموش. مولانا حضرتلهر ی آلتمیش سگگیز (68) ایل یاشادیقدان سونرا، آلتی یوز یئتمیش ایکی (672) هیجری قمری ده دونیادان آخیره ته کوچون چاتاراق، دونیادان الین سوزه رک گئچیب گئتمیش دیر.
انصافعلی هدایت
١٩ جمادی الاول ١٤٤٧
No comments:
Post a Comment