جهالت موهندیسلیگینه غلبه 216
بیتیک آدی: شرح الفصوص الحکم
یازار: عبدالله البوسنوی
یازی چاغی: 1026 هیجری قمری
دیل: تورکو
الیفباء: تورکو - عربی
نوسخه چی: عبدی افندی
ساخلانئلان یئر: سولیمانیه کیتابخاناسی- ایستانبول - تورکییه
جهالت موهندیسلیگینه غلبه نین 216 اینجی بولومونده، تورک اینسانینین یاراتدیقی یازی ایله دیل اویقارلیقیندان بیر اوقیانوس درینلیکده بیتیک ایله تانیش اولدوق. بیتیکین آدی "شرخ الفصوص الحکم" دیر.
تورک اینسانی؛ رحمتلیک عبدالله البوسنوی (بوسنییالی)، مرحوم محی الدین عربی حضرتله رینین "فصوص الحکم" آدلی بیتیگینه شرح یازماغا مامور قئلئنئب دیر.
مرحوم عبدالله بوسنوی (بوسنییالی) دا فصوص الحکمی الینه آلاراق، اونو تورکجه یه ترجمه اتمه میش. بلکه اونون درین آنلاملارین آچیقلاماق اوچون، اونون قاوراملاری ایله آنلاملاری اوزه رینه درین همده گئنیش یازیلار یازیب دیر کی دوققوز یوز اوتوز ایکی (932) صحیفه یه چاتیب دیر.
او هر صحیفه ده ایگیرمی بئش (25) سطیر، هر سطیرده ایسه اورتالاما ایگیرمی سوز (20) یئرلشدیرمیش. یعنی هر صحیفه ده بئش یوز (500) جیواریندا سوز وار. بو کیتابدا ان آزیندان، دورد یوز آلتمیش آلتی مین (466.000) سوزجوک یئرله شیب دیر.
بوسنییالینین بو سوزلری ناغیل دئییلکی ساده، سس سیز قئراغئندان گئچیب گئده سن. کیتاب، همده اونداکی هر سوز، تکجانینا، چوخ درین دیر. هر کس، تکجانئنا، اوزباشئنا اورادا اوزه مز. نییه کی آنلاماسی چتیندیر. چون آغیر قاوراملاری اورتایا آتیب دیر.
اوندا ایشله نن مینلر قاوراملاری آنلاماق اوچون، بو کیتابی، بیر فلسفه ایله، عرفان ایله، ایسلام ایله، قورآن ایله، شریعت ایله، موسلمان فیلسوفلارین دووشونجه لری ایله، ایسلام کلامی ایله، موتکللیم لر ایله، شریعت ایله، بونلارین هامیسینین تاریخی ایله، همده ایسلام، موسلمانلار، فیلسوفلار، موتکللیم لر، شریعتچیلر آراسیندا اولان دوشونجه، هابئله قانلی ساواشلار ایله تانیش اولان بیر کیمسه نین یانیندا دیز چوکوب، درس اوخومالی دیر تا بو درین قاوراملاری، آنلاماق بیر آزدا اولسا قولایلاشسین.
بیتیکه باخارساق، تجه تورک دیلینده اولماسی، اونون اوزمانجا اولماسینا یئتر آمما اونا گوز آتارکن، بللی اولورکی اونو یازان، بیر چوخ ساحه لرده اوزمان ایمیش. اوف همن اوزمانلیقلارین اوزه ینده، درین قاوراملاری بو بیتیکه دولدوروب دور. اونون اوچون بو بیتیک، اونلار ساحه سینده اوزمانلار دیلی ایله یازیلمیش دیر.
انصافعلی هدایت
٢٦ جمادی الاول ١٤٤٧
No comments:
Post a Comment