یازار : آلبرت مئمی
منیم کندیم بئله سومورگه لشمیش بیر میللتدن بیر اورنکم. دیلیمی بیلگیسل اولاراق بیلمیرم. تورکون تاریخیندن خبرسیزم. تورکلرله فیکیرآل وئریم یوخدور و یازی شکلینده آل وئریم اصلا یوخ دور.
بوگون 35 و 36 ایجی صحیفه لری اوخودوم. اونجه دن بئللی دیر کی بو کیتاب داها چوخ روحاسال دورومو بحث ادیر.
"او ایتالیالیلار کی فرانسه نین تونس آدلی سومورگه سینده سومورگه لشمیش حالدا یاشیرلار، اونلار تونسلی لره، ایتالیالیلاردان داها یاخیی دئرورلار. عاینی حالدا، بو ایتالیالیلا فرانسیزلره یالتاقلیق ادیر و بو یالتاقلیقین قارشیسیندا اونلاردا بیر یارار (خئییر) اومورلار.
او حالدا کی فرانسه لی لرنین بیر اخلاقلاری وار کی اوندا تونسلی لرله، آغا - نوکر سوزلرله دانیشیر و داورانیر.
فرانسه لیلرین ترسینه، ایتالیلالی لار، تونسلی لرین دیلی ایله دانیشیرلار. اونلارلا اوزون یوره لیک قورارلار. حتی بونلار تونسلی لرله مختلیط ائولنمک لریده وار.
بورادا "وطنداش" سوزو اورتایا چیخیر. "داش" تورکجه ده اونملی بیر سوز دور کی توپلوم حالیندا بیر شئیی "پایلاشماق"، "شیریک اولمالق" و "توپلومسال مالیکییت" آنلامینا گلیر. بو سوزه قارشی فارسجادا بیر سوز یوخ دور. وطنداش سوزون، به آنلامدادیر کی هر کیم بو وطنین او درجه ده صاحیبی دیگر کی او بیری وطنداشلار اونا صاحیب یا مالیک دیرلر. فارسلارین بعضی سی و بیر نئچه پان ایرانیست لر بو سوزون یئرینه، "مولک موشاء" دان دانیشیرلار کی حلده کی وار یئرینه اوتورمامیش دیر.
یازارین آچیقلاماسینا باخیبان، ائوز دوروموموزه اونلا قیاسلارساق، تورکلر و وطنلری، فارسلار و ایرانین سومورگه سی در.
فارسلارسا، بیلرلر یا بیلمزلر، سوموگه چی دیرلر. تورکلرین ایچینده یاشایان ارمنی لر سه، وطنداش اولماقلارینا باخمایاراق، منفعتلرین قوروماق ائوچون فارسلارا یالتاقلیق ادیرلر و قارشیسیندا فارسلاردا بیر خئییرلر اومور (آرزو) ادیرلر. بیزیم توپراقلاردا یاشایان یا بورایا گوچن کوردلرینده دورومو عاینی ارمنی لردیر. اونلاردا تورکلرین قارشیسیندا، فارسلارین دستگین آختاریرلار.
فرانسه لیلر تونسلی لرین دیلین دانیشمازلار و نئجه کی فارسلار، تورکلری فارس دانیشماغا، فارسی اورگنمه یه، فارسی یازیب، اوخومایا زورلورلار، آمما فارسلار تورکو دانیشمازلار. تورک دانیشماغی آشاغا بیلیر و اسکیک گوسته ریرلر. تورک دیلین داییما تحقیر ادیبن، کندلی دیلی گوسته ریرلر. عاینی حالدا، کندلرده یاشایان اینسانلاری، آشاغا گوروبون، اونلارا "کندلی" یا "رویتایی" دییه، اونلاری اینسانلیقدان چیخاریب، خور و گئری قالمیش کیمی گوسته ریر و شهرهده اوتوران شهرلی لری، کندلیلردن اوستون گورور. نیه؟ چون، نفتیت پولو ایله، هر نه یئمک ائوچون لازیم اولورسا، اونلاری کندلردن یوخ، خاریجه لیلردن آلیرلار. همده نئچه قات باهاسینا آلیرلار. نیه؟ چون بو آلیش وئریش لرده داها چوخ پول اوغورلاماق ایمکانی وار. او حالدا کی گندلی لردن آلیرلارسا، اوغورلوق ایمکانی آز اولار. بو آماجلارین یانئندا، کندلینی گوچه مجبور ادیر تا اوره تن کندلی، توکه تن کندلییه دونه رک، خاریجه دن گتیریلن مالین موشتریسی و و اونلارین منفعتلری داها چوخ اولسون.
هابئله، یازار "کارما ائولیلیک"دن ده دانیشیر. بو توز ائولیلیگین آنلامی توپلوم ائولیلیک دیر. بونون آنلامین بیلمه دیم کی نئجه بیر ائولیلیکدن سوز گئدیر. عجبا، بو ایران و فارس شیعه چیلیگیندن تورکلره گلن "صیغه" آدلانان ائولیلیکدن سوز مو گئدیر کی بیر ارکک، نئچه خانیملار قیسسا بیر زامان ایچینده و پول قارشیلیغیندا یااشایابیلر؟ یوخسا، ایسلامدا اولدوغو کیمی هر بیر ارکک دورد خانیملا ائولیلیک یاپا بیلر؟ منه بئله گلیر کی ایسلام دا صیغه قاورامی یوخ دور چون بیر جوره، فوحوشلوق و روسپیلیک دیر. چونکو سوز قونوسو "عشق" یا "سئوگی" دئییل بلکه پول دور. پونکوف بو ایلیشکیده، اونملی اولان، کیم دئییل. اونملی اولان، قادینا هانکی موشتری، هانکی فییاتی یو نه قدر پول وئرمک ایستیر. زماندا اونملی دیر. بیر دقیقه لیک بیر ایلگی می دیر یوخیا بیر کاچ ایللیک می دیر؟
یازار دییر: بیر نه دن لازیم دئییل تا ایتالیالی لر سومورگه اینسانیندان اوزاق دورسونلار. ترسیه فرانسه لی لر تونس دیلینده دانیشمازلار. نئجه کی فارسلار تورک دیلی دانیشمازلار کی تورک دیلی ایله دوشمانلیق دا ادرلر.
بونون ترسه سی ایران سوموگه لرینده گورونور. مثلن، تورکلر، عرب لر، بلوچ لار، لورلار، کوردلر و .. ایرانین سومورگه لری دیرلر. آمما بیر بیرلریندن هم اوزاق دورورلار هم ده بیر بیرلرینه دوشمن اولونوبلار.
نه دن بئله اولدورولموشوق؟
فارس سومورگه چی لری ائوزلرینه آیریلان آیریلینجیلیغی و اوستونلوک لری واز و فارس اولمایان میللت لری و اونلارین یوردلارین سوموگه اتمیش لر. بیلیرلر کی اونلار گلجکده، باغیمسیزلیقین آلاجاقلار. اگر فارس سوموگه چیسی باشارسا، سومورگه لرین آراسینا ایختیلاف و دوشمنلیک سالسا، اونلارین آراسیندا، گلجکده، داوا دارتیش چیغار . بو قورخودان، سومورگه اینسانی فارسا سیغینماغا مجبور دور. یعنی فارس سومورچه پیسی، بیله بیله جوربه جور ایختیلاف توخومو اکیر تا ائللر بیر بیلری ایله بیرلشه بیلمه سینلر. بودا فارسین اوزون منیزللی آماجلاریندان دیر.
کوردلرله تورکلر قونشودورلار و هر ایکیسیده فارسین سومورگه سی دیرلر. بیر بیرلری ایله دوشمنلیک اتمه مهلی دیرلر. چون فارسین کارینا گلیرلر و بیربیرلرینه پوج وئریبن، فارسلا ساواشماق یئرینه، گوج لری فارس کارینا، بیر بیرلرینین گوجلرین، هر ساحه ده آزادلدیر یا مجو ادیرلر.
بونلان بئله کی کورلر آدلیم اوندر، سیدجعفر پیشه وری دووروندان بو گونه قدر فارسلارلا سیلاحلی ساواش آپاریب لار آما هله ده سوموگه چی و سومورله پیلیگین آنلامین بیلمیرلر و کورد یا تورک گوزو و منفعتی ایله بونا تای کیتابلاری اوخومئییب لر.
یازار، بو صحیفه ده بیریئنی قاورامی اورتایا آتیر و اوستوندن پوخ ساده گئچیر. اودا "رد ادیلن و موته رددید" دیر.منه بئله گلیر کی بو ایکی آنلام، فارسلاشمیش ایرانین آنا یاساسیندا آپ آیدین شکیلده گورونور آمما دیققت اتمه میشیک. فارس ایران آنا یاساسیندا، ایراندا کی میللت لری و اونلارین یوردلارین سادیلامیر. اونلارا اینسان حاقی، توپلومسال حوقوق وئرمییر. اونلارین دیلین و ملیلی کیملیک لرین رسمییته تانیمیر. بوندان دولایی، اونلار ائوز ائوزنه "یوخ" دورومونا گلیرلر. نیه کی اونلارا قانوندا یئر وئریلمئییب. اونلار یوخا چیخیبلار. بوندان دولایی دا یوخ گورونورلر. یعنی ایران، فارس و قانونلاری بو میللت لری و اونلارین یوردلارین رسمییه ته تانمیمیر.یعنی، اونلار غیر قانونی، قاچاق، یوخ و ائولو آنلامین داشییان بیر یوخلوق دورلار. یوخلوقوندا هانکی حاقی اولابیلر؟ هانکی حاققی ایستییه بیلر؟ نه یه صاحاب چیخابیلر؟ نه یه صاحیب چیخماغا حاققی وار؟ حاق هر نه دیرسه، اونون ائوچون دئییل. پون یوخ دور. یوخون دیلی اولماز و رسمی اولار. یوخ اگر ایستیرسه وار کیمی گورونسون، فارسا سیغینمالی و فارسدان ایشیق و حاق طلب اتمه لی و فارسین مولکو اولمالی دیر. بیر مال کیمی. ائوچیل مال، هووییتین ائوزوندن آلماز. آدین بئله ائوز سئچمز. اونلا ایلگیلی هر بیر شئی، فارسین مئیلینه و ایسته گینه باغلی دیر. ساده دیلده و اوزتله دئسک: فارس و ایران سومورگه سی نین نین آللاهی فارس دیر. او نه ایراده ادرسه، همن اولور. ایراده اتمز ایسه، اولماز. اوندان دیلنمک، مسئله نی و پرابلئملری چوزمز. چون فارسین ائوز چوزولمز بیر پرابلئم دیر. آمما گئنه ده، اونو چوزمک گرکیر. پوزوجو گوج بده سومورگه لر و سومورگه له شنلر دیرلر. چوخ حایئف اولسون کی فارسلار، ایچلریندکی بوشلوقو دولدورماق ائوچون و هابئله ائوزون داها اوستون دویماق ائوچون، سومورگه میللت لرین "دیکینچی" دورومونا سالیب. بیر ایش گوروب کی میللت لر دوروبان ساواشماق یئرینه، اونون ائونونده دیزه کوچوب، دیلنسینلر. یالوارسینلار. فارس، اونلارین بو تاریخی ضلالتین، اسگیکلیگین گورسون، آمما غرورلا، اونون یالواران حالینا دایانیب، باخمادان گئچه رک، اونلاری روحسال اولاراق، داها چوخ ازسین.
یازار ایتالیالیلارا باخدیقی آچیدان، یهودیلره ده باخیر. بونلارین توپلومسال، روحسال، اکونومی، و چوخ یونلو داورانیشلارینا دیققت چکیر.
یهودیلر ایلیناسیونا و اریمه یه آدی اولورلار. یهودیلر داییما سوموگه لیکدن چیخماغا چالیسیرلار. بونلار بولانچو و دنکه ساخلاماغا چالیشیرلار. هم سومورگه چی ایله یاخینلاشماغا و اونلارا بنزرلشمه گه، همده سومورگه چی لرین الیندن قورتارماغا چالیشیرلار. اونلارف عاینی حافدا کی سومورگه چییه بنزه مه گه چالیشیرلار، عاینی حافدا صمیمیت ایله اومورلار تا سومورگه چی اونلاری ائوزوندن فارقیلی گورمه سین.
نئجه کی پانفارسلاردا چالیشیرلار، هم سئمئرگه چی ایران و. فارسلاری راضی ساخلاسین لار همده اونلارا بنزه سینلر.
یهودیلر چالیشیرلار، گئچمیشده کی سویقیریم اولدوقلار و سوی قیریمجی لاری اونوتسونلار. توپلومسال عادت لرین و عورفلرین، تاریخی گلنکلرین دئییش دیرسین لر. عبری دیلین اونودوب، باتی دیلین منیمسه سینلر، باتی نین فرهنگ یا کولتورون ده آلسینلار. یهودی لرذ بیر بویوک چوشقو ایله بو یولدا چالیشیر و باتیلیلارین هوییتلرین منیمسیرلر. آمما سومورگه چی لر یهودیلرین بو چابالارینا اونم وئرمیرلر.
بیر تورکلر ده، یهودی لره تای اولموشوق. بیزده، فارسلارین ائوچ دورد سوی قیریمملارین، ارمنی، آسوری و کورلرین سوی قیریملارین اونوتموشوق. البته بعضی میلی فعاللارین زحمیتنه دایاناراق، سون ایللرده بو آجی سوی قیریملاری خاطیرلامیشیق. دیلیمیزی اونوتموشوق، فارسجا دانیشیریق. "یاز بایرامی" یئرینه "نووروز" دییه "عید" توتوروق. پالتارلاریمیزی الدن وئرمیشیک. مذهبیمیزی فارس شیعه لیگینه چئویرمیشیک. تورک میللتینین یئرینه، "آذری"دن دانیشیریق. تورک میللتلرین، ائوزوموزدت یوخ، فارسلار گوستردیکلری کیمی باشقا میللت تانیریق. ائوز دیلیمیزده یازیب، اووخویابیلمیریک. تاریخسل کیشیلیگیمیزی ایتیرمیشیک. لیدرلریمیزی تانیمیریق. تاریخسل فیکیرلر و حاکیمیتلریمیزدن اوزاق دوشموشوک و اونلاردان قاچیریق آمما فارسین یالان تاریخینه گوره ه رک، اونلاری منیمسه ییریک.
بیزیم ایچیمیزده، بیر بوشلوق وار. آشاغالانماق و آشاغالیق بوشلوقو. بو بوشلوق چوخ اجی وئریجی دیر. بیزی ایچیمیزدن، اینجیدیر. اورگیمیزده داییمی و ساغالماز بیر یارادیر. بو درین ایچ یازامیزی ساغالتماق ائوچون، آغرینی دینجلتمک ائوچون، بیر علاج آختاریریق. علاجی ائوزوموز تاپمادیق. فارسلار وئردیلر. او علاج ایسه نه دیر؟ فارسلاشماق دیر. فارسلاشماق، ایچیمیزده کی یارا و آجی دیر. فارسلاشماق ایسه اونو ساغالتماز. یارانی دئشر. درین لدر. یازامیزا ملهم یوخ، زهر باشیریق. زهر داها چوخ یاخیر، یاندیریر. حیقارت، بیزیم ایچیمیزده کی یارانی داها درینلشدیریر. آسگیکلیک، اسگیک گورونمک، اسگیک تانینماق، اسگیک حسابا گلمک، بیزه درمان اولماز. دردیمیزه یایار بیر خرچنگ کیمی.
نه اتمه لییک؟ او قدر کی فارسچیلیقا بورونسک، او قدر داها درین درد چکریک، او قدر فارسچیلیقدان اوزاق دورمالی دیر. هر نه قدر اوزاق دورورساريال اوقدر ساغالاریق. آمما کسگین علاجیمیر ایسه ائوزوموزه، کیملیگیمیزه، تورکلوگوموزه، تورک دیلیمیزه دونمک دیر. دونمک ایسه بیر اینجی آددیم اولورسا، سون آددیم ایسه، دیلیمیزه، کولتوروموزه، تاریخیمیزه، تورک میللتینه، تورک یوردونا سیعینماق. منیمسه مک، اونا فخر اتمک. ائوزوموزه دونرسک، دوشمه نیمیزین الینده کی بئیین یئخاما سیلاحی ایشه گلمز. ایچیمیزده کی آشاغالیق دویقوسو اوچار گئدر. یئرینه ایسه فخر و گوون گیرر. بیزیم سون علاجیمیز، تورکلشمک دیر. فارس دیلین، کولتورون، عنعنه لرین ترک ادتمک دیر.
یازار علاوه ادیر کی"یهودی لر فرانسه لشمه یه چابالارکن، فرانسه لیلر اونلاری قبول اتمز، بلکه اونلارا بو آماجا چاتماقلارینا بئله ایذین وئرمزلر. بو ائوزدن ده یهودی لر بیر بلیسیزلیک ایچینده یاشارلار." بیلمزلر نه اتسین لر. یهودیلر، سومورچه لشتیریلن لرین جسمی شرایئطین یاشارلار. بونلاردا مجبور قالاراق، تونسلی لر و سومورگه له شن لرله یاخینلاشارلار.
بیزیم توپلومدا ایسه، ارمنی لر و کوردلر ائوزلرین اصیل آریالی، اصیل ایرانی بیلیرلر. تورکلریده فارسلار گوستردیگی کیمی قوزئیدن کوچن لر ساسئرلار. آمما بیزیم توپلومدا یاشادیقلاری ائوچون ده بیر چوخ شئیلرده بیزلرله چیین چیینه حرکت اتمه گه مکوم دورلار. بونون ائوچون دور کی هر ایکی طرفدن ده قالیرلار.
فارسلار، ارمنی لر و کوردلر تورکلرین ده ییرلرینی، دیل، تاریخ، اینجه صنعت، اکونومی، گلیشمه،میلی حوقوقو، ایستیقلالیريال میللی کیملیکلریمیز بیزه اونم دیر. آمما تورکلرین بو ده ییرلی میللی کیملیکلری سومورچه گینین گوزونده چورومک حالیندا اولان بیر وارلیقلاردیرلار کی گرک ترک اولسون لار.
یازار دئدی: "یئنی آسیمیله اولانلار، ائوزلرین بیر ائوست یئرده اولدوقلارین فرض ادیرلر." نئجه کی بیزیم یئنی فارسلاشمیش اولانلار، ائوزلرین تورکلردن یا تورکو دانیشانلاردان اوستون گورورلر. بو اویون اونلاری ذهنینده و اونلاری تاولاماقا گره کیر. اونلار فارسی دانیشاندا، ائوزلرین فارسلاشمیش، فارسلارا بنزر گورورلر. بو حالدا ائوزون فارسلاردان آشاغادا گورور و آشاغالیق کامپلئکسین یاشاییر. بونلار سومورگه نین منطیقین منیمسرلر. و بو منطیقده آشیری اولورلار. یعنی آسیمیله اولان پانفارسلار،، فارسلاردان داها چوخ فارسلیق ادر و اونون شعرین، تاریخین و ... داها چوخ مودافیعه ادرلر. هابئله اوزلرین اوست تپه دن گورورک، سومورگه خالقینا (ائوز افقربا و یورتداشلارینا) تپه دن باخار و تحقیر اتمه یه چالیشیر. فارسلارین سوی و تاریخین ائوزونه چیخار و اونو هر یئره سرگیلر. آمما همن آداملارین قابا وحشی ایشلری و داورانیشلاری و طاماحکارلیقلاری فارس سوسیلولوقون یالانلادار.
بو یئنی آسیمیله اولموشلار، فارسلیقین اونلارا وئریدگی اوستونلوکلردن فایدالانارلار. سونرادا، فارسچیلیقی و سومورگه چیلیگی چوخ ساوونارلار، سومورگه تهلوگه یه دوشرسه، اوزلریندن چوخ حرکتلی اولانلاری (جوشقونلاری)، سارلدیری (لات)، قوروپلارینی و قئیشقیرتیجی لاری (تبلیغاتچی لاری) سمورگه چیلری قوروماغا یولا سالارلار.
کیملر قولایجا آسیمیله اولار و سومورگه چیلیکدن مودافیعه یه قالخارلار؟ او آداملاری کی بیر مسئولییته قویولوب یا گوره وه آلینیبلار: مسئوللار، پولیس لر، دوولت ایشچی لری، شئف لر، بسیجی لر، دوولتین دینچی قوروپلارینا باغلی اولانلار و ... بونلار ائوز میللت لرینین توپلوموندان، سیاسال قونوموندن قاچان اینسانلاردان قورولور.
بونلار ائوز چیخارلارین قوروماق ائوچون، سومورگه چییه سیغینار. ائوز ایختیاری ایله سومورگه چینین خیدمه تین سئچر. سونوندا دا سومورگه چینین ایدئولوژیسین منیمسر. حتتا اونلارف ائوزونون فیکیرنه قارسی دوراراق، سومورگهچیلیکدو دیفاع ادر.
بونلار ائوز منفعت لرینه گورا ایسته یه رک ائوز بئیین لرین یئخارلار. و سومورگه دن مودافیعه ده ر، سومورگه لی لری آشیری و ایفراطی ازرلر.
انصافعلی هدایت
تورنتو - کانادذا
10.05.2022
No comments:
Post a Comment