کیتاب اوخومالییق: سومورگه‌چی و سومورگه‌لشتیریلن‌لر - 24

 کیتاب اوخومالییق: سومورگه‌چی و سومورگه‌لشتیریلن‌لر‌ - 24

یازار: آلبرت مئمی 

31.05.2022

https://www.instagram.com/tv/CeO-OGKlO9P/?igshid=YmMyMTA2M2Y=

یازار دئدی: سولچو سومورگه چی میللته اینانمیر ... گوزون ایره لییه تیکیر. وارسایئملارین ائوزه رینده دورور. داها ایرهلی ده، بو اینسانلارین آراسیندان دا لیدرلر موطلقا دوغاجاق دیر.

سومورگه اولوسونون اونجوللری اولمازسا، ایدئولوژیسی اولمازسا او میللت، یولون بولاماز. گوزون باشقا گوجلره تیکر کی اونلارین یئرینه سومورگه چی ایله ساواشسین و اونلاری ائوزگولویه بوراخسین. چوخ حایدف اولسون کی بو دوشونجه، فارس شیعه چیلیگینین ان باشدا گلن ائوزللیگی دیر. ایرانلیلار (فارس اولوسو، فارسلیق ایدئولوژیسی، فارسچیلیق، ایرانچیلیق، فارسچی-ایرانچیلیق)، تاریخ بویو ساواشمامیش. ساواشدان قاچمیش. تسلیم و سئغیناقچی روحو ایله یاشامیش. بونون ائوچون ده ال آلتی اولموش. حوکومتلر هر نه ادیرلر اتسینلر، آیاغا قالخمامیش. دئوریم یاراتمامیش. ظولوم نه قدر اولور اولسون، دوزموش. ظولومدن قورتارماغا کندیسی اصلا چالئشمامیش. باشقا دئولتلرین گیریشینه، ساواشینا و اونلارا حاکیم اولان حوکومتی یئخماسینا اومودلارین باغلامیش. 

اگر رسمی، فارسلاشمیش تاریخی باخارساق کی چوخونلوقلا یالانلاردان عیبارت دیر، عاینی یاشامی گوروروز. دئییشله ره گورا، ساسانیلر چاغیندا، هم دئولت همده دینچی لر فارسلارین و باشقا میللتلرین نفس یولون بئله کسمیشلر ایمیش. ظولوملر، دوزمدن آشیب داشمیشمیش. بیرئیلر ایله توپلوملار جانا گلمیشلر. پیچاق، گمیکه دایانمیش ایمیش. آمما میللت مال کیمی دوزورلرمیش. هامی دئولتله، دینله، دینچی لرله، موخالیفلرمیش. زورون، طوولومون آلتیندان چیخماغی گوزلرمیش آمما بیر کیمسه آیا قالخیب، عوصیان اتسین دییه آیاغا قالخمازلارمیش. هپ باشقاسی قالخسین دییه گوزلرمیشلر.

بو آرادا، ساسانیلرین سومورگه سی اولونموش عربرده، بیر دوشونجه دئییشیمی اولور. بئیین لرده دئوریم ائوز وئریر. دونیایا، ائولومه، یاشاما، یاتماغا، دورماغا، ساواشا، ائولدورمه یه، ائولمه یه فارقیلی و یئنی بیر آنلاملار یوکله نیر. الی یالین، کاسیب، آج، سوسوز، ساسانیلرین سومورگه سی اولموش بیر توپلولوقلار، ایچدن ایچه دئییشیمه گئدیرلر. دوشونجه لری دئییشدیکجه، تاوئرلاری، ایشلری، گوروشلری، ایستکلری، ایراده لریده دئییشیر. سومورگه لشمه دن قورتارماغا و ساسانیلرین ظولوملریندن قورتولوش ائوچون آیاغا قالخیرلار. الی یالین، یالین قات سیلاحلاری ایله، وار یوخ جانلاری ایله، یولا دوشورلر. ائولرین ساسانیلرین و دینچیلرینین حاکیملیگیندن قورتاریرلار. آمما بو دوشونجه ده "عدالت" دییه، "قارداشلیق" دییه، "برابرلیک" دییه و بونلارا تای یئنی قاوراملار وار. باشقا توپلوملارین ظولومدن قورتارماسین و بونلارین دوشونجه سین منیمسه مه سینده ایستیرلر. کندیلریندن سورورلار؛ نه دن باشقا توپلوملاریدا، ساسانی دینچی لریندن قورتاراراق، همی اونلارین فیکیرین ائدوزوموزه ساری چئویرمییک، همده بو ساواشلارین سونوندا ساسانیلرین یئرینه، بیزحاکیم اولاراق  داها چوخ قازانجلار الده اتمییک؟

ساسانیلرین ائوزرینه گلمه دن، ساسانیلر و دینچی لری قاچماغا باشلار. توپلوملار، گوزله دیکلری آزادلیق وئرین ساواشچی گوجلرین گورونجه، ایچه ریده ده عوصیان ادرلر. دینچی لری و حاکیمییته باغلی اولانلاری، هر یئرده تاپارلارسا، سون بیرئیه دک ائولدورورلر. یئنی دوشونجه نی، آزادلیق، قورتولوشون موشتولوقو گورور، تسلیم اولورلار. اونلارین گوروشون منیمسه یه رک، اونلارا عسگر اولور و ساواشارلار.

بیر اوزون سوره دن سونرا، گئنه ظولوملر یئره گویه سغاماز. هئش ککیمسه، یئنی بیر دوشونجه گتیریب، ظولومو اورتادان قالدئراماز. گوزلر گئنه کندی توپلومونا یوخ، دئشاری تیکیلر. تورکلر کلیر. تورکلرین بایراغی آلتینا گیررلر. غزنوریلر گلیر، سلجولقلار گلیر، موغوللار گلیر، عدالتی، برابرلیگی، موساواتی، راحاتلیقی، ظولومسولویو، آزادلیقی اورادا آختاریرلار. اجنبی لر،خومئینی نی گتیریریرلر، بو توپلوملار اونو آی ائوزونه بئله گورور کیمی دانئشار، یاشار. اونا قوشولارلار. قئرقین یاشادارلار. قئرقین یاشاتمانین قئرخ ایل داوامی اولار. ائولرینه بئله رحم و شفقت گوسترمزلر. هر کیمین الی چاتار، ساسانی دئوری کیمی، دئولت مامورو اولسون، دینچی سی اولور اولسون، دئولته یادا دینچیلره یاخین اولانلار اولسون، یئتر تاکی توپلوملاری چال چاپ اتسین لر.

توم اهالی، ظولومدن، چال چاپدان، آیرئ سئچگینلیکدن، اوغورلوقدان، روشوتدن، خیانتدن، ائولومله قارشیلاشماقدان، توتولماقدان، زیندانلاردا چورومکدن، آدام سایئلماماقدان جانا گلمیشلر آمما ایاغا قالخمازلار. دئوریم اتمزلر. دوز ها دوز، گوزلرلر. بلکه بیر اجنبی گوج، اونلارا حاکیم اولان گوج له ساواشار. اونلاری ظولومدن آزاد ادر. هر کیم اولور اولسون آمما ائوزلری اولماسین دییه بکلرلر.

ظولوم اوقیانوسوندا یاشارکن، آمریکایا گوز تیکیبلر. آمریکا گلسین بیزی قورتارسین. بو دورومدان قارتارماق ائوچون، دینلرین دئییشدیرمه گه باشلامیشلار. هر آی مین لر ایرانلی، قونشو ائولکه لره قاچاراق، اونلارا سئغنارلار. دین دئییشدیررلر. باشقا بیر ائوکه یه گئتمک ایسترلر.

بونلاریا اک اولاراق، میلیونلار کیشی وار کی ائورکلری ایراندان قاچماق ایستر آمما قورخودان، باشارئسیزلیقدان، یول یونتم بیلمه دن، پولسوزلوقدان، "وطن" دییه اورادا یاشارلار. اگر اونلارا بیر فورصت وئریلیرسه، یوزده دوخسانی بو توپراقلاری آرخاسیندا بوراخاراق، یئنی توپراقلارا، یئنی دئولتلر بایراغی آلتینا، یئنی دینه قوللوق اتمک ائوچون یوللانارلار.

آمما بو ظولوملره دوزورلر. اینقیلاب اتمیرلر. او گونو بکلیرلر کی دئش گئجلر ایرانا سالدئرسین تا بونلارا دئولتی، دئولت مامورلارین، دینچی موللالاری، حوکومه ته باغلی اولانلارین غارتی، چکدیکلری و دوزدوکلری آجیلیقلارین اینتیقامین آلماق ائوچون بیر فورصت توتسونلار.

بو میللتلر، مینلر ایل دیر عاینی بو دورومو یاشامیش و حالادا یاشار. بو بیر دوشونجه سیزلیک داییره سی دیر کی ایران آدلانان سیستیمین توپلوملاری، هر نئچه نسیلدن بیر اونو یاشار و بو یاشامی و داییره نی فئرلانار. اورادان چیخما یولونو ائوز ایچینده آختارماز. دوشونمز. دوشونه مزده. چون بئیین گوجلری لیغلیغا باتئب.

یازارین جومله لریندن بللی اولور کی ایشغال اولونموش، بئینی، دوشونجه سی سومورگه لشمیش بیر اولوسلارین هامیسیندا بونا تای خسته لیکلر وار. آمما اونلار، ان آزیندان، کندی ایچلرینه اومود باغلارلار. اونلارف گوزلرین سئنر دئشئنا تیکمه میشلر کی اورادا، بیر سیلاحلی گوج گلیبن، توپراقلارین ایشغال اده رک، بونلاری حتکملریندنف دینچی لریندن، مامورلاریندان خیلاص اتسین. اونلار، کندیلریندن بیر کاچ بیرئیین، یئتیشمه سین، لیدرلیگه یوکسلمه سین، گوزلرلر.

بیزده ایسه، لیدرلیک له  و یئنی دوشونجه لرله، ایدئولوژی لرله، دوشمانلیق وار. هر کیم ایستیر کندیسی لیدر اولسون. اولادا بیلمیر. باشقاسیدا باش قالدیریرسا، اونلا یولا گئتمیر کی هئش، اونون قبرین قازیر. دقیقا حاکیملر ایسته دیگی یول یونتمی توتولار. نئجه کی ظالیم حاکیملر باشقالدیرانلارین باشلارین قئریرلار تا رقیب اولماسین و میللتین اومودو کسیلسین، بیرئیلر ائوزلریده عاینی ایشی گورورلر. بلکه چالئشیرلار، ایچده کی باش قالدیرانلاری توتدورماقلا، ظالیم حوکومته یاخینلاشئبان، چال چاپدان پای آلسینلار دییه، ایچله رینده کی باشقالدیرانلارلا دوشمانلیق ادیرلر. عاینی حالدا، گوزلریده دیشاریدان گلن و اونلاری قورتاران بیر گوجو بکلیر.

لیدر یا ائوجلوللر کیم دیرلر؟

ان باشدا، اونلارین دوشونجه لری فارقیلی چالیشیر. دونیایا فارقیلی باخیرلار. اینسانلاری، انسانلیقی، فارقیلی گورورلر. ایچلرینده بیر یئنی دوشونجه، ایدئولوژی یاشار و قورتولوش یوللارین آختارارلار. قورخوسوز اولمالی. ائولومدن، توتولماقدان، ائولدورمکدن، قاندان، قان تورکمکدن، قانلاری توکولمکدن چکینمزلر. اونلارین بئینینده، ان اونملی قونولارین باشیندا قورتولوش و یئنی حاکیمییت قورماق گلیر. اونلار، قورتولوش چاغیندا، بیرئیلرین ائوزگورلوکلرینه، حاقلارینا، دئموکراسییه، اینسان حاقلارینا چوخ اونم وئرنمزلر. اونم قورتولوش، ظالیم و سومورگه چی حاکیمییتی یئخماق و یئنی اولوسال بیر حاکیمییت قورماق دیر. بو سئورجده، بیرئیلرین حاقلاری، ائوزگورلوکلری، ائموکراسی، حاقلار، حوقوقلار، قورتولوشون ال آیاقلارین باغلار.

 هر بیر ائونجول، اولوسونون قورتولوشو ائوپون، اینسانلاری، توپلوملاری بیرلشدیرمه لی. اونلاری باشقا باشقا دوشنجه لرین اسیری اولاراق، قورتولوشون چتین اولاراق، زورا دوشمه سینه یول وئرمه مه لی. بیرئیلری، توپلوملاری دوشونجه اولاراق بیرلشدیرمه لی. داغینیق، بیرئیلردن، توپلوملاردان، یئنی بیر توملوک حالیندا بیرلیک یاراتمالیو بو بیرلیگی هر جور قارماشادان، دوشونجه لرین آیرئمجیلیقیندان، بولونمه دن اوزاق ساخلامالی دیر.

دیققت ایله باخارساق، بورادا بیر دیکتاتورلوق اورتایا چیخار. عجبا، بیر اولوس، سومورگه لشمکدن چئخئبان، دیکتاتورلوقا گیرمک عاغیللی یول یونتم می دیر؟ قورتولوشون، دیکتاتورلوقدان باشقا یول یونتمی یوخ مو دور؟

جاوابا پئچمه میشدن یو سورونواورتایا قویمالی یدر کی بیر اولوسون، سومورگه لشه رک، توم اولوسال کیملیکلری، ائوزللیکلری، سومورگه چیلیکده ارییب آرادان گتئمه سی اونملی دیر یوخسا، قورتولوش ائوچون، یئنی اولوسال حاکیمییت قورماق و بو حاکیمییتی قوروماق ائوچون، بیر سوره لیک دیکتاتورلوق اونملی دیر؟

بیریلری سومورگه لشمه نی داها قولای یول سئچه بیلیرلر. آمما سومورگه لشمه نین کندیسی بئله، دیکتاتورلوقو یاشاماق دئمک دیر. سومورگه، سومورگه چیلیک سه، دیکتاتور و دیکتاتورلوق دئمک دیر. دیکتاتورلوقدان دولایی دیر کی سومورگه اولونموش اولوسون، سومورگه چیلرین اولان حاقلاری یوخ دور. بو حاقلارین باشیندا اولوسال حاکیمییت گلیر کی سومورگه چینین وار آمما سومورگه نین یوخو دور و سومورگه حاکیمییتین سیاسال اولاراق یاشاماق زوروندا دیر. دیکتاتورلوقلا، سومورگه نین ائوزگورلویون، حاقلارین، قانونلارین، دیلین، تاریخین، ادبیاتین، گلنکلرین، دوشونجه سیستیمین، تعلیم سیستیمین، ایداره سیستیمین، پولیس و امنیت سیستیملرین، عدلیه سیستیملرین،  بازارین، خام مادده لرین، بئیین گوجون، مال و ثروتین، قول و ایش گوجون، بانکلارین، وئرگیلرین، میدیالارین، اینجه صنعتلرین و... سومورگه لشتیریلن لرین اللریندن آلمیش. اونلاری قول دورومونا گتیرمیش. سومورگه اهالیسینین، توپلوم، بیرئی اولاراق، سومورگه لشمکدن باشقا حاقلاری و سئچه نکلری یوخ دور کی.

او زامان کی سوز گلیر بیر اولوسون ان اونملی توپلومسال حاقلارینا، اولوسال حاکیمییت ان تمل حاق دیر. بونو قورماق ائوچون ده، ائونجوللرف ایدئولوژی، بیرلشمک، ال بیر، فیکیر بیر اولماق گرکیر. او زامانا دک کی میللی حاکیمیت یئنره اوتورمامیش، توم قوروملاری قورولمامیش، کندیسینی تهلوکه لردن دئشاریدا ساخلامامیش، دیکتاتورلوق لازیم بیر کئچیش دیر. طبیعی کی بو گئچیشین بیر سونودا وار. سونودا بیرئیسل حاقلار، دئموکراسی، چوخونلوقلار و چئشیتلی دوشونجه لر، ائورگوتلرله ائورگوتلنمه لر، فئرقالار، اولمالی دیر.

بو دوشونجه، اوخوجویا چوخ عجیبه گله بیلیر. حتتا قبول بئله اتمه یه بیلیر. نیه کی اوخوجونون یئینین یئخامیشلار و هر قونویا تای بو قونونودا یاریمچیق و ترسه گوسترمیشلر.

دونیادا ان دئموکراتیک ائولکه لر بئله، بو سورجی گئچیرمیشلر. دئموکراسی بیر گئجه ده و بیر اولوسون کندی اولوسال حاکیمییتین یاراتماقلا اورتایا چئخابیلمز. چئخئرسا، همن دئموکراسی دوشمانلاری الی ایله داغئدیلار. دوشمنلر، هر فورصتدن، اولوسال حاکیمییتی یخماغا چالئشاجاقلار. بو فورصتی، دئموکراسی آدی آلتیندا الده اده بیلرلر. بونون ائوچون دور کی بیر سورو، دیکتاتورلوق سیستیمی قورولمالی دیر تا هر او ائیلملر کی میللی حاکیمییتی تهلوکییه سالابیلری اورتادان قالدئرسینلار. هابئله دوشمانلار قارشئسئندا، بیر یوموروق اولماق گرکیر.

بو دوشونجه یه ائورنک اولارا، آزربایجان تورکلرینین گئچمیش ان سون میللی حاکیمییتینین دورومونا باتخماقیمیز گرکیر. قاجارلی ناصیر الدین شاهدان باشلانان ایصلاحلارین سونوچو، مشروطه، دئمورکاسی، قانون، اینسان حاقلاری اولاجاقمیش. چون ایشلرین بوتونو بو یونده پروقراملانمیشمیش. رحمتلیک شاجارلی موظفرالدین شاه "مجلیس" قورولسون دییه فرمان ایمضالامیش. اونون فرمانیندا ایسه "مشروطه دن بیر سوز اولمامیش. بیر اینجی سیاسال بیرئی کی "مظوطه" سوزونه رسمییت وئرمیش، محمدعلی شاه دیر کی آتاسی ائولندن سونرا، تبریزدن طهرانا کوچموش و شاهلیق تاختینه ایلشمیش.

بو شاه، توم پروپاگاندالارین ترسینه، مشروطه قانونلارین ان اوست سوییه ده ایشلک اتمیش و اونلارادا تسلیم اولموش. آمما فارسچی، اینگیلیسه باغلی اولانلار، اینگیلیس الی ایله سیلاحلانان و مالی دستکلنن تیروریستلر، شهرلرده، ایالتلرده، ویلایتلرده عوصیان پیخارمیشلار. امنییتی پوزموشلار. آزوقه لری آلیب، یاپای قحطلیق بئله سالمیشلار. ایشه او قدر ایرلی گوتورموشلر کی مجلیسین دیبینده و شاه آدلی مچیدده بئله ایکی یوزدن فاصلا تیرورچو ائورگوتلری واریمیش. بو ائورگوتلرین بیر چوخودا مجلیس دکی دئموکراسی آدی آلتیندا چالیشان نوماینده لره باغلی ایمیش. بونلار، بیر نئچه سی دئولت منصوبلارینین و هابئیه شاهین تیرورونا سیلاح چکمیشلر.

ان سونوندا، مشزوطه و مملکت، میللی حاکیمییت تهلوکییه گیرمیش. شاه حضرتلری، توم اونملی سیاسال ائورگوتلر ایله گوروشلر یاپمیش و مملکتین دورومون آنلاتمیش آمما اونلار تورکون میللی حاکیمییتین یئخماقا قرالی ایمیشلر. ایش اورا چاتیر کی شاهین مشورتچیلری بو سونوجا چاتیرلار کی مجلیس باغلانیرسا، تیرور قوروپلارینین قایناقلاردا قاپانار دییه دوشونولموش.

بو گئدیشاتین سونوجو بللی دیر. ئیشاری و دوشمان گوجلر، خایین لری دستکله یرک، مشروطه نین توم الده ادینمیشله لرینه قارشی کودئتا اتمیشلر. دورد ایل سونرادا، تورکلرین و دونیانین ان دئموکراتیک میللی حاکیمییتین یئخمئشلار. نه دن؟ چون، میللی حاکیمییتی، دوشمانلارین قارشیسیندا سیغورتا ادن توم قوروملار قورولمامیش. اگر ده قورولموشلارسا بئله، اوزمانلاشمامیشلار.

تورکلرین دئموکراتیک سیبستیملری داغئلاراق، فارسلارین یوز ایل سورن دیکتاتورلوق دئوری باشلامیش و هله ده کی وار سونا گلمک ایستنیلمیر. عجبا، قاجار تورکلری، مشروطه نی ده ناصرالدین شاه کیمی یاواش یاواش و قوروملاری قوراراق یولا سالسایدیلار، بو ان گوزل تاریخسل ده نه ییم یاریمچیلیق دوشر می دیر؟

او زامانا دک کی تورکلر ایش اوسته دیر، اینگیلیسین فارسچی مامورلاری "دئموکراسی"دن، قانوندان، آزادلیقدان، ائورگوتلشمه لردن، ائوزگور میدیادان سوز آچیرلار. یازئرلار. دانئشیرلار. آمما ریضا پالانی نی ایشه گتیرمک سورجینه یاخینلاشدیقجا، "دیکتاتورلوق،" ، صالح دیکتاتور"، " دوشونجه لی دیکتاتورلوق"، "امیین یارادان دیکتاتورلوق"، " کیمی دیکتاتورلوقلاردان سور ادیر و اینسانلارین بئینین یئخاراق، اونلاری بیر دیکتاتور شاهین گرکلیگینه ایقنا ادیرلر. سونرادا، مشروطه نین بوقچاسین بوکه رک، بیر یانا آتیرلار و دیکتاتورلوقلا، فارسلیق دیکتاتورلوقون توم اولوسلارین باشی اوستونه تیکیرلر.

بو بئولگه دن دئشاری چئخالیم، آمریکا، کانادا، اروپا ائولکه لرینده دئموکراسییه گدئن یوللاری گئوز ائونونده توتالیم. آمریکانین ایچ ساواشلاری نئچه ایل سوردور؟ آمریکاداکی آغ خانیملارین اوی صاحیبی اولماقلاری نئچه ایل سوردو. قار تانینان توپلوملارین بیرئیسی حاقلاری توم تانینمیش می یا هانکی زامان قارالار ایله برابر حاقلارین صاحیبی اولموشلار؟

اینگیلیس، فرانسه، و باشقا ائولکه لرین دیکتاتور شاهلیقدان، دئموکراتیک شاعلیقا یا جومهورلوقا گئچیشلری نئچه یوز ایللر سورموشموش؟

میللی حاکیمییت ان اونملی اولدوقدان دولایی، اونو قوروماقدا ان اونملی دیر. چون توم توپلومسال، اولوسال، بیرئیسل حاقلار اوندان دوغار. او حاق اولمازسا، یا آرادان گئدیرسه کی بیزیم میللی حاکیمییتیمیز یوز ایل ائونجه، تجروبه سیزلیگیمیزدن دولایی الیمیزدن قایدی، گئتدی، الدن گئدرسه باشقا و اونا باغلی و اوندان قایناقلانان حاقلاردا اوچار گئدر. بونون ائوچون دور کی میللی حاکیمییتی کامیل شکیلده قورمامئش، دئموکراسیدن دانیشماق، بویوک تهلوکه اولابیلیر.

سوز بورایا چادی ایسه، بونودا آرتیرمالییم کی امریکا، کانادا حتتی اوروپا ائولکه لرینین دئموکراسیسین قوروماق ائوچون ایکی ایستیثنا وار. بیر اینجیسی، دئموکراسینین تمللرین داغئتماق ائوچون، دئموکراسیدن فایدالانماق قاداغان دیر. ایکینجی سی ایسه، ساواش یا میللی تهلوکه اورتامی گورونورسه، دئموکراسی تعطیل اولار و گئچیجی اولاراق، دیکتاتورلوق حاکیم اولار. او بیری توپلومسال هابئله بیرئیسل حاقلارین کامیل حالدا اوتورماماسیندان سوز آچمییه لیم کی اوزونا چکر.

بو دورومدا بئله، حوکومتین شکلینه باخمایاراق، ائوجلوللر (لیدرلر) لازیم دیر. یوخسا، آماجلاری بللی ادیب، توم گوجلری اونلارا یورومک یولوندا سفربر اتمک اولماز. بئلکی یول یانلیش اولار. بلکی دوغرو اولار. آمما رهبر اولمازسا، نه یول اولار، نه ده دوغروسو اولار. ایندی کی لیدریمیز یوخ دور، حرکت اتمیریک بئله. لیدرین اولماسی،، مینلر پای اولماماسیندان اونملی دیر.

او اولوسلار، میللتلر کی لیدرله موخالیفت ادیرلر، اونلارین میللی حاکیمییتی قورولموش. توم قوروملاری آیاق اوسته، یوللاری بللی، عاینی حالدا هامیسینین لیدری وار. بعضی ائولکه لرده اونا یاشقان، بعضی لرده، لیدر، بعضیلرده ایسه پرئزیدنت، بعضیلرده ده شاه یا بونلارا بنزر آدلار آلتیندا گورونورلر. یانی، لیدرسیز بیر ائولکه و سیاسال سیستیم اولماز، اولامازدا. بونلار بئیین یئخاما سیستیملرینین عاوامچی و پوپولیست یایئملاری دیر. سادجه ده، سومورگه لشتیریلمیش توپلوملارین اراسیندا یایئلار. آماج بللیث دیر. سومورگه لر لیدرسیز اولورلارسا، سومورگه یه بیر ضرر وئره بیلمزلر. آمما لیدر و ایدئولوژیلری اولورسا، سومورگه چوکمه یه زورلانار. رهبرسیز بیر اولوس یا توپلوم، محو اولماقا، اریمه یه، یوخلاشمایا محکوم دور. بونون ترسیه، بیر رهبر و ایدئولوژی، بیر داغیلمیش توپلولوقو توپلار، او ضعیف و یوخ کیمی اولان توپلولوقلاردان بیر گوجلو اولوس یارادار. منه بئیله گلیر کی "تورکچولوک" بیزیم ائوچون ان ائیقئن ایدئولوژی اولابیلر. توم داغلیلمیش، ایریلمیش، صایئفلانمیش، سومورگه لنمیش تورکلری، بو ایدئولوژی اوستونده بیرلشدیمک اولار. اونلاردان بیر گوجلو اولوس یاراتماق اولار. دونیادا یئنی بیر قوطوب اورتایا چئخار. یئنی بیر عسگری گوج، یئنی اکونومیک گوج، یئنی سیاسال گوج، یونی دونیا باخیش گوجونه تای بیر قودرت اورتایا چیخار. ریفا، امنییت، گلیشمه نین یوللارین ائوزوموزه آچار.

انصافعلی هدایت

تورنتو - کانادا

11.06.2022