میللی قاوراملارین تعریفینده قوصور اتمیشیک
دوستلاردان بیری گیلایه ادیب؛ نییه بیز تورکلر، ائوز ائوزوموزو تعریف اتمه‌میشیک و فارسلارین تعریفینه اویموشوق؟
چوخ ساغ اول دوستوم کی بو اونملی سورونو سوردونوز.
اگر تورکلر، ایراندا، ائوزلرین تانیتماق (تعریف) ایسته‌سه‌لر، ایرانلی کیمی و ایران چرچیوه‌سینده تعریف اتملی و تانیتدیرمالی دیرلار.
یعنی اگر ایرانداکی تورکلر، ائوزلرین بیر تورک میللتی کیمی تانیتسالار، فارس سومورگه‌چیلر الی ایله توتولوب، حبسه دوشور، اعدام اولابیلرلر.
بونون ائوچون، ایران سومورگه‌چیلیگینده یاشایان تورکلر، مجبور دولار، ائوزلرین تعریف اتمه‌سینلر، تانیتماسینلار.
بونون ائوچون، تعریف ایشی، وطندن ائشیکده‌کی دوستلارین بوینونا دوشور.
بیزلرده، کندیمیزی تعریف اتمه‌مکده قوصورلویوق.
بونلان بئله، چالیشمیشیق، اونملی و میللی قاوراملارا آچیقلیق گتیرک و اونلاری تانیتاق.
سیاستی، سیاستچیلیگی، تورکو، تورکچولویو، آذری‌نی، دیلی، دیلین اونمین، تورک دیلین، تورک ائلین (میللتی)، تورک یوردون (وطنی)، وطن پرست‌لیگی، ایستیقلالی، ایستیقلالچیلیغی، یاسا و حوقوقو، تورکون حاقلارین، تورکون دونیا گوروشون، دین گوروشون، آزادلیقین آنلامین، دئموکراسینی، فارس دیلی‌نین سومورگه‌چیلیکده‌کی یئر و اونمین، ایران و ایرانچیلیق، فارس و فارسچیلیق، فارسلا تورکون ایلگیلرین، سومورگه، سومورگه‌چیلیک، فارس و ایران سومورگه‌چیلیگی کیمی قاوراملاری آچیقلایئب تانیتماغا (تعریفه) چالیشیریق.
آمما دوغروسو بو‌کی ایران بئیین یئخاما سیستیمی، بیزیم گوجوموزو یالان پالان گونلوک خبرلره چکمه‌نی باشاریب تا اونملی بحث‌لر اونودولسون. بوندان دولایی دا بیزیم قوصوروموز چوخ‌دور.
گئنه‌ده، چالیشمالاریمیز آز اولسادا، اوماریق، میللتیمیزین الینه چاتسین.
گئچن یوز ایلده، بیزیم بئش نسلیمیزین بئیین‌لری، فارس سیستیمی ایله یئخانمیش. بو یئخانما حلده داوم ادیر.
اومارام بیزیم بئینی یئخانمیشلار، تازا تعریف‌لردن، تانیتیملاردان قورخوبان، دیسکینیب، قاچماسینلار.
بیزه اینانسینلار. بیزله ال اله وئریب، قورتولوش یولوندا چالئشسینلار.
No comments:
Post a Comment