یالان، قورخو کولتورو، بیلگی‌لنمک
سورو: بیلگیلندیرمه نه دیر؟
جاواب: اینسانلار بیلمه‌دیکلری قونولاردا، اونلارا بیلگی ویرمک دیر.
سورو: عجبا، یالانلاردا بیلگی‌دیرلر می؟
جاواب: ائوت. یالان اولمادیقینی بیلمه‌دییمیز سورجده، او بیلگیلری دوغرو بیلدییمیزده، یالانلار، بیلگی حساب اولونور.
سورو: هارادان بیلمه‌لییک کی بیر بیلگی یالان دیر؟
جاواب: یا ائوزوموز تنقیدله اوخویوب، آراشدیریب، یالانلاری تاپاریق.
یادا ائوز دیلداشلاریمیزین تنقیدلی باخیشلارینا گوونه‌ریک.
سورو: عجبا، ایران فارس سیستیمی وئردیگی بیلگیلره، کیتابلارا اینانماق اولار می؟
جاواب: یوخ، اینانماق اولماز. چون دیلداشلاریمیز، فارس سیستیمینین یالان پالانلارین آچیب توکوبلر، گوسته‌ریب‌لر.
بیلیریک کی توم یالانلار کیتابلاردا، بیلگی آدینا بیزیم بئینیمیزه زورلانیر.
سورو: عجبا اینسانین بئینی یخانابیلر می؟
جاواب: بلی. سومورگه‌چی دوولتلر، سومورگه‌نی الده ساخلاماق گرکی، اونلارا یالان بیلگیلر ویریر و بئیینلرین یالان بیلگیلرله یویوب، دولدورور.
بو یالان بیلگین‌لر، استر ایسته‌مز سومورگه‌چی‌نین منفعتی خیدمتینده اولور.
یارانلارین آماجی بیزیم بئینیمیزی دئییشدیرمک دیر تا ائوز میللتیمیزه یوخ، دوشمنیمیزه خیدمت ادک.
نیه؟
چون، هر اینسان، ائوز بئیین‌ده‌کی بیلگیلری دروغرو بیلرک، اونلارا ایناناراق حرکت ادیر.
فارس بئیین یوما سیستیمی، بیزیم بئش نسیلیمیزین بئیینلرین یویوب، دیییشدیریب.
بو بئیین یئخاماق او قدر درین دیر کی، بیر چوخ یالانی، دوغال و دوغرو بیلیب، قبول اتمیشیک.
اینانماق زور دور کی ده‌ده بابالاریمیز، بیزه، او ایناندیقلاری یالانلاری ایرث میراث قویوب، گئدیبلر.
نییه کی یالانلار، نسیلدن نسیله و کیتابدان کیتابا، اونیوئرسیته لرده و حتتی اولوسلار آراسینا گیره‌رک، قبول اولونوب.
سورو: یالان بیلگی‌لرین اتگیسی نه دیر؟
جاواب: هر دوز بیلگی، بیزی دوز یولدا آپارار. نئجه‌کی یالان بیلگی، ترسه یونه گوتورر.
عاینی زاماندا، یالانلارا ایناناراق، دوغرولاردان قورخارئق و بیزی راحاتجاسینا یالانلارلا قورخودارلار.
سورو: قورخو بیزله نه ادر؟
جاواب: قورخو ائولومدن پیس و چتین دیر. قورخو، قورخاق اینسانئن و توپلومون دوشونجه‌سین و بئینین فلج ادر.
قورخو، قورخو یاراداراق، بیر قورخو کولتورونه دونوشر.
قورخو کولتوروندن چیخماق، چوخ چوخ زور دور.
بو قورخو کولتورو و فرهنگیندن چیخماق ائوچون، توم یالان پالانلاری سوکوب، خالقیمیزا گوسته‌ره‌رک، قورخونج فرهنگدن قورتارمامیز گرکیر.
یوخسا دوغرو بیلگیلر بئله بیزی آیئلتماز.
سورو: نئجه بیر بیلگینین دوغرو، یالان اولماسین بیلک؟
جاواب هم: دونیادا، میلیاردلار یالان، دوغرو ادینا دولانیر. بیزه کیفایت ادر کی هر بیلگینین اؤنونده، سوروشاق: نییه؟ نه‌دن؟ کیم ائوچون؟ مومکون‌مو؟ او‌زاماندا اولابیلرمیش؟ و ... سورقولاری جاوابلامادان، قبول اتمه‌میز گرکیر.
انصافعلی هدایت
تورنتو - کانادا
09.05.2022
Comments
Post a Comment