کیتاب اوخومالییق: سومورگه چی وسومورگه لشتیریلن لر - 20

 کیتاب اوخومالییق: سومورگه چی وسومورگه لشتیریلن لر - 20

یازار: آلبرن مئمی

19.05.2022

یازار دئدی: سونوجوندا، سوسیالیستلرده "میللتچیلیک" حاقدا بیر راحاتسیزلیق وار. ایشچی پارتیلرین ایدئولوژیسینده دالغالار اولدو. سولچو قازئته چیلر و کوشه یازارلار (ستون نویس)، میللیتچیلیک حاقدا احتیاطلی توتوم توتدولار. اولابیلدیینجه میللتچیلیگی آز اله آلئرلار. محکوم اتمه یه یا دا اونایلامایا جسارت اتمزلر. بیلمزلر کی نئجه تاریخسل گلجه گی دوشونه رک، میللیتچیلیک ایله نئجه اینتیرقره (بیرلشدیرمک) بیلمیرلر. حتتا بیلمیرلر کی سولچولوقلا-میللتچیلیگی اینتیقره اتسین لر یا یوخ. سومورگه خالقلارینین وئردیگی قورتولوش موجادیله سی چئشیتلی تاریخسل، توپلومسال و پیسیکولوژیک ندنلرله بلیرگین بیر اولوسال (میللی) و اولوسالجی (میللیتچی) گورونوم آلمیش دیر.

ایراندا یاشایان سومورگه لرین میدیاسی، میللتلرین سیسی اولاراق، یوخ دور. بعضی قازئته چیلر، کوشه یازارلار وتوپلومسال میدیالاردا قلم چالانلار یا دانیشانلار، تورکلرین و باشقا میللتلرین ایستک لری حاقدا، آپ آچیق دانیشابیلمیرلر. میللتچیلیک اتمه لری ایمکانسیز دیر. نیه کی میللتلرین ائوزگور میدیالاری یوخ دور و توم میدیالار یا فارس و  سومورگه چی دوولتین میدیالاری دیرلار یادا اونلارین گوزتیمی آلتیندادیرلار. 

باشقا دییشله، فارسچیلیقدان و ایرانچیلیقدان باشقا بیر دوشونجه یازیلاماز . میدیایا داشیناماز. هر نه تورکلر، عربلر، بلوچلار و باشقا فارس اولمایان میللتلر حاقدا یازیلیر، همن میللتلرین محکوملوقوندا قلمه آلینیر و دانیشیلیر.

چوخ آز دوشونجه صاحیبی وار کی هم ایران آدلانان سیاسی سومورگهچی توپراقلاریندا یاشایا همده فارسلاشمامیش میللتلرین اومودلارری و ایستکلری حاقدا یازا یادا دانیشا. چونکو، توتولماقدان، زیندانا سالینماقدان و اوزون حبسلره محکوم اولماقدان چکینیرلر.

بوندان دولایی، فارس اولمایان میللتلری ایستگی و اومودلاری و ایراده اتدیکلری دوروملارین سئوزچوسو، دئشاریدا یاشایان تورکلر یادا هر میللتین آیدینلاری اولورلار.

بو ایکیلیک اورتادا دیر. فارسچی ایرانچی حاکیمییتی و اونون بفالی ایشچیلری، یازارلاری، قازئته چیلری، حوقوقچولاری، اویرتمنلری، پروفئسورلاری و ... توم چیخیشلاریندا، یازیلاریندا و توتوملاریندا، میللتلرین آیدنلارینی کوتولویه رک، اونلارین ایرلی سوردویو قاوراملارادا کوتولوک دامغالارین وورورلار. بو جور باخیب، یازماق و دانیشماق، ایراندا بیر کولتوره چئوریلیب. هر کیم بئیین لری یئخانمیش و دوولت مامورلاری کیمی یازمازسا یا دانیشمازسا، تورکچولوک و پان تورکچولوک یادا باشقا میللتلرین پانلیق دامغاسینی قازانار. 

عاینی زاماندا، تورکلر و باشقا میللتلرین آدینلاشمیش بیرئیلریده یازماق و دانیشماق ایستیرلر تا "چون من یازیران (دانئشیرام) بس وارام" دئسینلر. ایراندا یاشاماق، ایران چارچیوه سین قبول اتمک دئمک دیر. اونو رد اده مه سین دئمک دیر. اونلار، بو ایکیلیگین اورتاسیندا آوارا قالمیشلار. توتوملاری نه اولسون کی نه شیش یانسین نه ده کاباب؟

چوخ حایئف اولسون کی ایراندا، هئش کیم "یوخ" دئمه نی اویرنمئییب. یوخ دئمک داها راحات دیر. اگر بیریسی بیر تورک دن یا هر بیر بیرئیدن بیر سورو سورور کی او سورویا جاواب وئریرسه، دامغالانابیلر.، او سورویا و قونویا گیرمه مک داها قولای و داها عاغیللیجا گورونور. آمما بیر چوخ اینسانلار، سورولارین قاباغیندا "بو منیم بیلگی و ماراق آلانیما گیرمز" "مینم بو قونودا فیکیریم و دوشونجم یوخ دور" دییه مز یادا دئمک ایسته مز. ائوز ائوزونه، ایرانچیلیق و فارسچیلی یونونه آخار و او توتومدا قونوشار، یازار، دامغالانماسین دییه. دامغا قورخوسو، ایشسیزلیک قورخوسو، توتولماق قورخوسو، پولسوز پاراسیز قالماق قورخوسو، اونو فارسچیلیقا و ایرانچیلیقا یونلته رک، اوتماتیک اولاراق، ائوز میللتینین آیدینلارین، یازارلارین، دوشونورلرین، میللتینین ایستکلرین، اومودلارین، دئییشیم ایراده لرین قارالاماغا، پیسله مه یه، یونه لیر. ایستر ایسته مز، رنگی آزدا اولسا، محکوم ادر. او حالدا کی "بیلمیرم"، "منیم بیلگی آلانیم دئییل"، "منیم بوقونودا یا بونا تای قونولاردا دانیشماق صلاحییتیم یوخ دور" دئسه، ایکیلیک توروندان آلنی آغ چیخار. هئش بیر طرفی اینجیتمز. دامغادا یئمز. آمما اینسانلار، سیاسی دئییرلر. سیاسی دوشونه بیلمیرلر. گئری اوتورماقی، کیشیلیگین زدلنمه سی کیمی آلینیرلار. جاواب وئرمه مه نی، بیلگیسیزلیک و کاریزمانین جئزئلماسی کیمی دوشونورلر. او حالدا کی جاوابسیزلیق، اونلار ائوچون هر ایکی طرف ده داها سیاسی پرستیژلی بیر کاریزما یارادیر و اینسانی داها درین دوشونور گوسته ریر.

بورادا بیر سورو اورتایا چیخیر: بو آداملار دوستلار می، یوخسا دوشنلر دی یادا خایین دیرلر می؟

هر بیر میللتین دوستو، او میللتدن اولمایان باشقا بیر میللتدن عیبارت دیر کی او میللت ایله دوشمنالیق اتمیر. اونون قازانجلارینا، ائوز قازانجلاری چرچیوه سینده حئورمت قویور و قبول ادیر. برابر و دنگی دنگینه اولوسال حاکیمییت چرچیوه سینده، حاقلاری  ساوونور. بلکهزور زامانلاردا یاردیمچی اولار یادا اولماز آمما دوشمنه ساری آخماز و سیزین دوشمنیزی، سیزین قارشینیزدا دستکله مز.

بیر میللتین دوستو، او میللتدن اولماز، باشقا میللت دن اولار. مثلن، تورکون دوستو، تورکدن اولماز، باشقا میللتلردن اولار. چون تورکلر، بیر اولوسلار. بیر بیرلر ایله باجی قارداشلار، جان جییرلر. اونلارین آراسیندا کین کودورت اولمامالی و دوشمن قارشیسیندا، بیرلشمه لی و بیربیرلرینین چیخارلارین قورومالی دیرلار.

دوستون قارشیسیندا "دوشمان" قاورامی وار. دوشمان، بیر اولوسون ائوزوندن اولماز و اولمامالی دیر. بیر اولوسون بیرئیلری، قوللاری آراسیندا چئخار دارتیشماسی چیخابیلیر و چیخماسی دا دوغال دیر. آمما اگر او اولوسون هر هانکی بیر قولونون آنا چیخارلاری یا اولوسال حاکیمییتی تهلوکییه دوشرسه، توم چیخارلاردان گوز ائورتمه لی و دوشمان قارشیسیندا بیرلشمه لی دیر.

اوندا، بیر اولوسدان، ائوزو ائوزونه دوشمان چیماز و دوشمان اولاماز. دوشمان دا دوستا تای، باشقا بیر اولوس اولمالی دیر. دوشمانلیق او زامان اورتایا چیخار کی تمل چیخارلار و حاقلار تهلوکه ایله ائوزله شر. آنا چیخار و حاق اولوسال حاکیمییت دیر. اولوسال حاکیمییت ردلنیرسه یا اولوم قالیم دورومونا گئدیرسه، اورتادا بیر دوشمانلیق وار. یوخسا، اولوسلار آراسیندا، بیر چوخ چئخار چاتیشمازلیقلاری ائوز وئریر. هر بیر اولوس داها چوخ چیخار قازانماق ائوچون چابا گوسته رییر. هر بیر اولوسف باشقا اولوسلاردان داها چوخ قازانج الده اتمک ائوچونف توم گوجو ایله، باسقی باسابیلیر. گوجلر دنگه اولورسا، باسقیلاردا دنگه لنیر. گوجلر دنگی دنگینه اولمازسا، گوجلو طرف، گوجسوزدن داها چوخ قازانج الده ادر. ایستر ایسته مز، بو بیر دنگه و گوج اویونو دور آمما دوشمانلیق دئییل. دنگه گوجون توپلاماق داها اونملی دیر.

بس، دوشمان هر بیر اولوسون ائوزوندن اولماز و اولمامالی دیر. دوشمان باشقا بیر اولوسدان اولور و دوشمانلیقسا، بیر اولوسون وارلیقین و آنا حاقلارین قالئم ائولوم دورومونا گتیریر.

سوز "خایینه" گلدی. خایین هر بیر اولوسون ائوز ایچیندن اولور. باشقا اولوسلاردان اولماز. اولورسا، خایین دئییل، دوشمان دیر. خایین، تمل حاقلاری ساوونان قوروملاردان و قوروم اویه لریندن اورتایا چئخار. اگر بیر قوروم یا بیر قورومون اویه سی، ائوز اولوسونون ضررینه و باشقا بیر اولوسون کارینا چالیشیرسا و بو چالیشما، کندی اولوسونا درین آجیلار و قایئبلار وئریرسه، یا دنگه نی باشقا بیر اولوسون کارینا چئویریرسه، اونا خایین دییرلر.

نئجه کی اگر بیر شیرکتین ایشچیسی، او شیرکتین سئرلارینی باشقا رقیب شیرکتلره وئریرسه، و بو سئرلارین رقیب شیرکتلرین الینه گئچمه سی، او شیرکته درین ضرر وئریرسه و یا رقیبی داها چوخ گوجلندیریرسه، بو خیانت دیر. آمما اگر رقیب شیرکت، ائوز ائلئمانلاری ایله، یا ائوچونجو بیر واسیطه لر ایله او شیرکتین سئرلارین الده ادر و دنگه لری ائوز خئیرینه پئویریرسه، خیانت قونو دئییل. ریقابته گئچر آمما اگر بیر شیرکت، رقیب شیرکتی یا شیرکتلری بازاردان و ریقابتدن سیلمک ایسترسه و بو ایستگی فعله گتیررسه، دوشمانلیق دیر و داها ریقابت دئییل. اگر رقیب شیرکتی یا شیرکتلرین محو اولماسی ائوچون، رقیب شیرکتلرین ایشچیلرین آلیب و اونلار واسیطه سی ایله همن شیرکتلرین ایچ سئرلارین الده اده رک، اونلارین داغیلماسینا یول آچابیلسه لر، او معلوماتی وئرین لر خایین دیرلر. بونلارین موجازاتی، دوشماندان داها آغیر اولمالی دیر. چونف دوشمانین و رقیبین داورانیشین تخمین وورماق اولار و او وارسایئلار ائوزریندن، اوننم ده آلماق اولار آمما گووندیگین بیر ائلمان خیانت ادرسه، و بیلمیرسن سه کی هانکی ائلئمان خیانت ادهر یا ادیر، بو ایشی زورا سورر. بودا توم سیستیمه و توم ائلئمانلارا اولان گوونی سارسئلدار.

بورادان بو سوزده چیخا بیلیر کی اولوسلار آراسی ریقابت و داها چوخ کار الده اتمک سوز قونوسو اولور و بو دوشمانلیق دئییل بلکه ریقابت دیر.

دوشمانلا خایینین فرقی نه ده دیر؟

دوشمان سیزدن معلومات توپلایاراق، دنگه نی و چیخارلارین، داها چوخ، ائوز کارینا چئویرر آمما خایین، هم دنگه نی همده گیخارلاری دوشنه سونار و بونلاردان داها اونملیسی، خایین بیر ضرر وورار کی او ضرری دوشمان وورابیلمز. خایین ووردوقو بو ضررده، ایچ گوونسیزلیقی و هامینین ظن آلتینا آلینماسی دیر. بو خیانت، دویقوسال وائوز گوونسیسزلیکه و پیسیکولوژیک پرابلئملره سونوجلانئر.

بوندان دولایی، توم گلیشمیش ائولکه لرده، خیانت دییه قلمه آلمازلار بلکی "کانفیلیکت او اینترئست" آدلی بیر سوره قانونلار یازیلمیش دیر. بو قانونلار، ایچ گوونی ساغلاماق و خایینلرین ائونلری کسمک آماجی ایله قلمه آلینمیش دیر. نییه کی هر بیر بیرئیین و ایشچینین، بیر سورو چیخارلاری وار. بو چیخارلار، همن اولوسون یا شیرکتین ضررینه یول آچابیلیر یادا ایشچی رانتلار الده ادر و شیرکتده یا الوسدا، آچیق اولمایان و ریقابته گیرمه ین یوللارلا بیر اوستونلوکلر یا قازانجلار الده ادرلر. رقیب یا دوشنلرده بو بوشلوقلاردان ائوز کارلارینا قوللانیلابیلیر. بونا گورادیر کی هر بیر ایشه آلئنان بئریین بعضی ائوزگورلوگو و حاققی الیندن آلینیر.

یازارا گورا: اوروپا سولو، ائوزگورلوک اومودو ایله، سومورگه خالقینین موجادیله سینی اونایلاماقدان، تشویق اتمکدن و دستکله مکدن باشقا بیر شئی یاپاماسادا، بو قورتولوش ساواشینا گیریشیم، میللیتچیلی قارشیسینا چوخ بویوک کوشکولاری وار و صمیمی بیر حوضورسوزلوق وار. ایشچی فیرقه لرده میللییتچیلیک قونوسوندا، سوسیالیستلرین ایچینده دیرلر. سانکی میللتچیلیک سون آماج اولاراق، قالاجاق. 

یازار علاوه ادیر: سولچو میللیتچی، سومورگه خالقینین موجادیله سی حاقدا آچیق سئچیک توتوملارین اورتایا قویمازلار.

هر بیر اینسان توپلومونون ان اونملی و باشدا گلن حاقی "اولوسال حاکیمییت" (میللی حاکیمییت) دیر. توم حاقلار، بو حاقین ایچینده و قارنیندا دیر. بو حاقدان، باشقا حاقلار دوغولار. بو حاق اولمازسا، باشقا حاقلاردا اولابیلمز و یا باشقالارینین تعریفی کیمی اولار. باشقالارینین تعریفی ائوزرینه تیکیلمیشسه، باشقالارینین حاقلارینا، قازانجینا، گوجلنمه سینه ندن اولار و یونه لر. 

اولوسال حاکیمییت نه دئمک دیر؟

اولوسال حاکیمییت، میللی حاکیمییت دئمک دیر. میللی حاکیمییت، یانی هر بیر میللتین ایستیقلالی اولمالی. او سربستلیی ده قوروماقا، گوج صاحیبی اولمالی دیر. بو زاماندان سونرا دیر کی بیر میللت ائوزونه یاراشان یاشامین یول یونته مین، آنلاملارین، آماجلارین، حاقلارین بللندیرر و اولوسال حاکیمییت کولگه سینده، او حاقلاردا قورور.

ائورنه یین، تورکیه جومهورییتی نین یا باشقا هر بیر اولوسون، اولوسال حاکیمییتی وار. او حاکیمییتی قوروماقادا گوجلودور. ایندی نئجه ایستر، حاقلاری اوجور تعریف ادر، دوشونر، آچیقلارو اویرتر. قوروملارین قورار و حاقلارین قورور. 

اگر بیر اولور اولوسال حاکیمییتین ایتیررسه، هئش بیر حاققا مالیک اولابیلمز. حتتا حاقلارین دوشونمکدن قورخار و چکینر. ائورنه یین، گونئی آزربایجان یادا ایراندا کی حاکیمییتسیز تورک اولوسونا باخالیم. حانکی بیر اینسان و اینسانلیقا یاراشان حاقا مالیک دیر؟ دیل حاققی اولمایان بیر اولوس، باشقا حاقلاردان بئله سئوز اده بیلرمی؟ باشقا حاقلارین نه لر اولدوقلارین دوشونه بیلرمی؟ توتالیم کی بیلدی و دوشونمه یه باشلادی. بو دوشونجه نی یایابیلرمی؟ رسمی ادیبن، ایشله مه آلابیلرمی؟ حاقلارین نئجه لیگینی آچیقلایابیلرمی؟ بودا بیر آلتیرناتیو دیر، دییه بیلرمی؟ آمما گونئی آزربایجان، میللی حاکیمییت صاحیبی اولموش اولسادی، ان آشئری، ان رادیکال، ان گئری قالمیش دوشونجه لر بئله، توپلوما وئریلمک شانسی اولاردی. فرقیلی دوشونجه لر بیر بیرلرینه آلتیرناتیو اولاراق، موباحیثه اولاردی.

توتالیم کی تورکلر، ایران آدلانان سومورگه چیلیکده، حاقلارینین نه اولدوغونو بیلدیلر. مثلا دئموکراسی نه دیر، دییه سوردولار. سونوندا دا، دئموکراسییه بیر یئنی آنلام یوکلمک ایسته دیلر. بو آنلامی میدیایا، توپلوما،داشیماق گوجو وارمی؟ آنلامی دانیشماغا ماجال وئریلرمی؟ اینسانلار پانتورکلوکله دامغالانمازلار می؟ سسلری همن، کسیلمز می؟ آلتیرناتیو ائورتیرسن دییه توتوب، حبسه آتمازلار می؟ یوخسا، بیر اولوسال حاکیمییتی اولمایان بیرئی یا توپلوم، "نه دن منیم اولوسال حاکیمییتیم تاپدالاندی" دییه سوروشابیلرمی؟ سوزو اوزالتماغا هئش احتیاج یوخ دور. هر شئی آیدین دیر. هر بیر اولوسون، کیچیک اولوسن یادا بویوک، نوفوسو و یوردو آز اولسون یادا چوخ، ان باشدا گلن و آنا حاققی، "اولوسال حاکیمییت"دیر. توم حاقلاردا بو آنا حاققین وار اولوشوندان دوغار و حیات تاپار. بو حاق یوخسا، هئش بیر باشقا حاقدا یاشام  ماجالی بولماز.

یازار: بو موجادیله لری کی سومورگه و سومورگه چیلر آراسیندا، ایداره سیستیمینده کوللانیلان آراچلاردان بیر ائورنگ، "تیرور"و اله آلالیم. سولچولار گلنه سل اولاراق، سیاسال تیرورو و سوئی قصدی محکوم ادیرلر. اگر سومورگه اینسانی تیرور اتسه، سولچولار راحاتسیز اولار.

تیرور سوزو سون ایللرده آمریکانین "ایکیز کوله لرینین" وورولماسی ایله دیللره دوشدو. تیرورون آنلامی "قورخو" یاراتماق دیر تا سیاسال آماجلاری الده اتسین. ایراندا یاشایان تورکلرین بیر سوروسو، ایران و فارس عسگرلرین، میللی حرکت، آزربایجان و تورک آدینا منیمسه یئرلر. بو آجی وئریجی بیر گرچک دیر کی ایراندا یاشایان تورکلرین اوردوسو و عسگلری یوخ دور. اوردودا چالیشان هر بیر تورک، تورک اولماسینا باخمایاراق، بیر پانفارس و پان ایرانیسمین عسگری دیر. اگر او، عرب، کورد یا بلوچلارین سیلاحلی قوروپلاری الی ایله ائولورولورسه، او ایران و فارسی یولوندا ائولموش، تورک یولوندا ائولمه میش. نئجه کی بیر تورک، عرب، بلوچ، تورکمن، قشقایی، لور، گیلک، مازن، تالیش، ارمنی پانفارس اولاراق، تورک و غیر تورک سومورگه لرین ایراده لری، ایستک لری، اومودلاری ایله دوشمانلیق ادیر و فارس چیخاری جیبهه سینده دیر، تورک عسگرده عاینی بیر سومورگه چی دیر و فارس سومورگه چیلیگی یولوندا ائولورور و ائولور. طبیعی که چون بیر گنج تورک ائولور، بیز بیز جانیمیزی ایتیریریک آمما آزربایجان و تورک آماجلی دئییل. بونا شهید دئمک، بئیین یئخانماسی و فارس ایرانچیلیقین اویونونا گلمک دئمک دیر.

بورادا بو سورو گلیر کیم شهید دیر؟ یا شهید کیم دیر؟

اگر هر بیر ارکک یا خانیم کی تورک، تورکچولوک، تورک ائلی و یوردو، آزربایجان و آزربایجانچیلیق، ایستیقلالی، حوقوقو، قازانجلاری و هابئله کیملیگی یولوندا، کندی ایراده سی ایله موجادیله آپاریرسا، بو یولدا جانین الدن وئریرسه، شهید دیر. فرق اتمز کی دوشمان ایله سیلاحلی ساواشدا ائولموش، شهید دیرو یا توتساق اولاراق، ائوزدورورلموش ایسه ده شهید دیر. فرق اتمز کی شهرده، کتده یا داغدا داشدا ائولوب. اوردولار توققوشماسیندا شهعید اولموش یا تیرورا قوربان گئتمیش. 

نئجه کی اگر باشقا میللتلردن بیریسی، تورکچولوک و تورکلرین آماجلاری و ایستکلری، حاقلاری و قازانجلاری اوغروندا جان وئریرسه، اونون کوکنینه باخمادان، تورکون شهیدی حساب اولور. ائله جه دهف اگر بیر تورک، تو.رک میللتینین، وطنینی، قازانج و کارئنین یولوندا یوخ، تورکون دوشمانی یا رقیبی نین یولوندا جانین الدن وئریب ایسه، او ائولودور و شهید جساب اولماز.

اوردونون ایشی نه دیر؟ اورنک ائوچون ایران-فارس اورئوسون دارتیشالیم.  ایران سیلاحلی گوجلری آدلاری هر نه اولور اولسون، ایران و فارس اولوسونون منافعین قورویان بیرئیلرین بوتونلویوندن عیبارت دیر. اوردولار، ایران-فارس دوولت-میللتین سیلاحلی آداملاری دیرلار. ایران-فارس دوولتی قانون یازاراق، بو سیلاحلی آداملارا سویقیریم حاققین وئریب. اونلار کندی اورکلری ائوچون آدام ائولورمزلر و بونون ائوچونده اونلارا اولدورمه ایذدی وئریرلمه میش دیر بلکه ایران-فارس منافعی و قازانجلارین قوروماق ائ.چ.ن بو حاققی قانون اونلارا وئرمیش. بوندان دولایی، همن سیلاحلی گوجلرین ایشی، تیرور و قورخو یاراتماق دیر. نیه کی اونلار، سیلاحلارینا و قانونون اونلارا وئردیگی ائولدورمه حاققینا دایاناراق، هر کیمی ایسترلرسه، توتار، آپارار، ایشکنجه ادر، موحاکیمه ادر، حبسه سالار و حتتا ائولدوررلر. عاییله لرین  و توپلومون، موخالیفلرین و فارس اولمایان میللتلرین جانئنا قورخو سالار، اونلارین اولوسال ائوز گوونلرین محو ادر و تسلیمه آلار. اونلارین حاقلارین پوزار آمما اولوس قورخوسوندان سس بئله چیخاراماز.بو تیرورون آنلامی دئییل می؟ تیرور، سیاسال اولاراق سوئی قصد ادرک آدام ائولدورمک و قالانلارین جانینا قورخوسالاراق، بیر ایستکلری الده اتمک یا الده ائتمک ائوچون چالیشماق دئییل می دیر؟ ایرن-فارس اوردوسو، غیر فارس میللتلر ایله نئجه موعامیله ادیر؟

ایران_فارس اوردوسونون قارشیسیندا، عربلرین، بلوچلارین، کوردلرین و دیگر فارسلاشمامیش میللتلرین کندلرین، حاقلارین، ایستکلرین و ایراده لرین قوروماق آماجی ایله و حتتا فارسلارین الی اوزونلوقونون قارشیسیندا وارلیقلاریندان مودافیعه ائوچون هانکی سیلاحلی قووه لری وار؟ نه دن ایران-فارسین سیلاحلی قووه لری وار آمما تورکلرین، قشقایی لرین، عربلرین، بلوچلارین، لورلارین، تورکمن لرین، مازنی لرین گیلکلرین و کوردلرین سیلاحلی قووه لری یوخ دور تا اولوسال حاقلار، ایستکلر، ایراده لر و چیخارلاریندان مودافیعه اتسین لر؟ چون ایران-فارس دوولت میللتچیلیگی سومورگه چی دیر و سومورگه لره بو حاققی تانیمیر. طبیعی کی فارس اولمایان میللتلرینده عاینی سیلاحلی گوجه مالیک اولماق حاقلاری وار. فارسلارا سومورگه اولماق، اونلاردان سیلاحلی گوجلرین قورماق حاقین آلابیلمز. اگر بو اولوسلاریندا ایران-فارسا تای سیلاحلی گوجلری اولورسا، سومورگه یه بویون ایمزلر و کندی منافعلریندن مودافیعه ادرلر. نییه کی اوردو و سیلاحلی گوجلرین ایشی ایسه اولوسونون حاقلاری وچیخارلاریندان مودافیعه اتمک دیر.

ایران-فارس اوردوسو، قورخو ائوزره قورولموش بیر اوردو دور. هر ارکک کی اون سگگیز یاشینا چاتار، زورلولوق اساسینا، عسگرلیک گئچیرمه لی دیر. اگر عسگر گئتمزسه، توتولار و موجازات اولار.

ندن، آزربایجان تورکلری، قشقایی لر، تورکمن لر، عرب لر، بلوچ لار و باشقا میللتلر کندی منافع و میللی حاقلارین قوروماق و سومورگه چی ایله ساواشماق ائوچون ائورکلی (داوطلب) اوردولارین قورماسینلار کی؟ سومورگه و سومورگه چیلیگین آنلامی بیر میللتین آنا حاقی، "اولوسال حاکیمییتی" اورتادان قالدیریلمیش. بیر میللت و اونون وطنی و هر نه واری و یوخو، سومورگه چینین الینه گئچمیش. بو، ان بویوک ساواش نه دنی دیر. بوندان بویوک بیر بندن می لازیم دیر تا بیر اوردو قورولسون و ایران-فارس دوولت میللتچیلیگی ایله ساواشا گیرسین می؟

نه دن، ایراه-فارس ایشغالچی و توم اینسانی و اولوسال حاقلاری اورتادان قالدیران حاکیمییت و میللت تیرورچو حساب اولمور آمما سومورگه یه توتولموش میللتلرین سیلاحلی گوجلری تیرورچو حساب اولور؟ بو موعامیله، نه اینسانلیقا نه ده حوقوقاف نه ده اخلاقا سئغار. بو بیر آنلام دیر کی گوجلولور وئرمیشلر تا ائوز گوجلرین قوروسون لار. نه دن بو قانونلارین قارشیسیندا دوراراق، موجادیله اده رک، اونلارین رسمییتلیگین سورقو ایشارتی آلتینا آلمییالیم.

بیرده کی توم  کوره ائوزونده، ایکی یوز دوولت-میللت وار کی اونلارین بیر چوخونوندا سیلاحلی گوجلری وار یادا بیر سیلاحلی دوولت-میللتین قوروماسی آلتیندادیرلار. بو ایکی یوز دوللت تاریخ بویو یوخوموش کی. اونلار، سومورگه چی دوولت-میللتلر ایله ساواشاراق، کندی سربست دوولت-میللتلرین یاراتمیشلار. اونریین، ایکینجی دونیا ساواشینین سونوندا یئر کوره سینده، اللی بئش جیواریندا دوولت-میللت وار ایمیش. یئتمیش بئی-یئتمیش آلتی ایل سونرا، ایکی یوز دوولت-میللت گرچگی ایله قارشی قارشییایئق. بو دئمک دیر کی هر هانکی بیر اولوس ایراده ادیب ایسه، کندی سیلاحلی قوروپلارین یاراداراق، اولوسال حاقلاری ائوچون موجادیله اتمیش، ائولدورموش و ائولموشلر آمما سونوندا کندی اولوسال ان موقددس اولوسال حاکیمییت حاقینی الده اتمیش لر. مومکون دور کی ان باشدا، اونلار تیرورچولوقلار ایتتیهاملانیرمیشلار آمما گوجلری چوخالدیقچا، دنگه لر پوزولدوقجا، کندی حاقلارینا و اولوسونا، عاینی حاقلاری و اوردونو قازانمیشلار.

تیرور قاورامین گوجلو دوولتلر کندی منافعین قوروماق ائوچون و ضعیف میللتلری اونو قبول اتمک اوئچون یاراتمیشلار. مثلن ایران اوردوسو بلوچیستاندا بیر کنده گیریب و توم ارکک لر کی دوققوز یاشو اوستو واریمیش هپسینی ائولدورموش. بو تیرور دئییل آمما بیر بلوچ سیلاحلی گوجو، بلوچلاردان مودافعه ائوچون بیر پولیس یا اوردو مرکزینه هوجوم ادرسه، اورداکیلارلا ساواشاراق، اونلاری ائولوررسه، تیرور اولویور می؟

عربلری، هر گون توپلا، تانکلا، اوچاقساوارلارلا، همده شهرلرده و کندلرده ائولدورور، توتور، زیندانا سالیر و ایسته دیگی کیمی موحاکیمه ادیر و دارا آسیر، تیرور دئییلمی آمما عرب سیلاحلی قوروپلار، ایران-فارس اوردوسونون مانووروندا بومبا پارتلاتماسی تیرورمو دور؟

عجبا، علی خامنه ای، یا دوولت کابینه سی می اولارلا ساواشاراق، اونلاری سویقیریم ادیب می یوخسا زورلا اوردویا آلینان عسگرلر و اوردو منسوبلاری کی آیلیق الیرلار و آدام ائولدورورلر. اسگی زامانلار، بونلارا "موزدور" دیرلردی. نییه کی بیر دوولتدن آیلیق آلار و اونلارین منافعی و قازانجلاری و ایستکلری یونونده ساواشار و ائولورر یا ائولرلر دی.

همن گوج کی بیر اوردویا ائولدورمک حاققین وئریر، همان گوج بلوچا، عربه، کورده و تورکلره بو حاققی وئریر کی سیلاحلی قووه لرین یاراداراق، اولوسال حاقلارین ساوونسونلار.

نه دن بیر تیرور قاورامین سومورگه چیلر کیمی دوشونوروک؟ چون گوج، پارا، میدیا اونلارین الینده دیر و اونلار ایستدیکلری کیمی بیزلرین یئینین یئخار و دولدولار. بیزلرده، دوشونمه دن، سومورگه چیلرین پروپاگاندالارین تیکرار اده ریک.

یازار دئدی: سومورگه لشتیریلن لرین ایرادی و سیاسال ایلملرین، سومورگه اینسانیندا آیراراق، موجادیله سینی اونمسیز تانیر و اونلارین ایلملرین باشقالارا باغلیر.

ایران دوولتی رسمی اولاراق، یازارین بو سوزونو ایشلمه قویموش. ایران-فارس دوولتچیلیگی سیاسال چالیشقانلاری، مللتدن آیئرماق ائوچون، تورکلری ایکی یئره بولور: یارجی تورکلر وتورک اولمایانلار. یاخجی تورکلر، ایران-فارس سیستیمی و دوولتچیلیگینه قارشی دورمازلار. اللرینه سیلاح آلیب، سومورگه چیلردن بیرینی بئله ائولدورمزلر. اونلار کی بو ایشلرله مشغوللار، تجزیه طلب، پان تورک، جاسوس، موزدور، آزربایجان جومهورییتینه باغلی یا تورکییه جومهورییتینه باغلی، آمریکا یا ایسراییل جاسوسلاری یا اینقیلاب ضیددی، یا خاریجه ده اولان تشکیلاتلارا باغلی دیرلار.

ایران-فارس دوولتچیلیگی، بو ایتتیهاملار و سوزلر ایله، تورک اینسان ایکی یئره بولور. یاخجی و پیس. جاسوس و تورک، مزدور و تورک، ضددی اینقیلابچی و تورک، ایسراییلین جاسوسو و تورک، آمریکانین جاسوسو و تورک، آزربایجانا باغلی و تورک، تورکییه یه باغلی و تورک و ... بو سوزلرله، اینسانلاری هم قورخودور، همده اونلارا بیر سئچیم اونریر: سئچین کی یاخجی تورک اولماق ایستیرسیز یا پیس تورک. بیز پیس و موتتهم تورکلری توتوب، ازیب، جبسه سالاجاییق. یاخجی تورکلر ایله ایشیمیز یوخ دور.

ایران-فارس دوولتیچیلیگی دوشونجه سینده یاخجی تورکلر کیم دیر؟ یاخجی تورک او تورکلر دیر کی آنلامیر، سومورگه نه دیر؟ سوموگه چی کیم دیر؟ سومورگه چی نه ادیر؟ سومورگه نین باشینا نلر گلیر؟ یادا بونلاری بیلیر آمما لال قالماقی سئچیر. ائوزونو ائولومه وورماقی سئچیر. ائوزون، ایران-فارس سیستیمین موجازاتلاریندان قوروماق ائوچون، یوخ کیمی توتور. یادا، ایران-فارس سیستیمینه یاناشاراق، کندینه بیر امنییتلی یئر قازانماغا چالیشیر. بونون ایشی، جاسوسلوقا و میللی فعاللاری بئله ایران-فارس دوولتچیلیگینه وئریر. بو آندانف بو بیر خایینه دونوشور.

ایراندا یاشایان تورکلرین بیر چوخو، پانفارس کیمی دوشونور، پانفارس کیمی داورانیر و توم چاتلیشمالارینین سونوجوندا، پانفارسیسم گوجله نیر. مثلا بعضی لری سئوینه رک اددیعا ادیرلر کی ایراندا کوردلر، عربلر و بلوچلار سیلاحلی موباریزه ادیرلر و عسگرلری ائولدورورلر آمما بیز تورکلر تکجه میللتیک کی سیلاح آلمامیشیق و مدنی اولاراق حاقلاریمیز ائچون موجادیله اتمیشیک.

دوغرو آنالیز دیر آمما سوزلره دیققت ادرسک، عاینی بیر پانفارس و پان ایرانیست کیمی داورانمیشیق. ایله گورونور کی ایران-فارس حاکیمییتین منیمسه میشیک. تورکلرین دوولتی اولاراق قبول اتمیشیک. هر هانکی میللت ایراه-فارس دوولتینه قارشی آیاغلانیرسا آیاقلانین بیز ساکیت قالاراق، فارسین یانیندا یئرآلمیشیق. خامنه ای و فارسین ان اونملی دوستو و موتتحیدی ییک. فارسلارا هانکی ضرری وئرمیشیک؟ هانکی حاقی تورکلر ائوچون آلمیشیق؟ نه لری فارسلار بیزدن آلیبلار؟ فارسلار، ان چتین سیاسی گونلرینده، تورکلرین طرفسیزلیگین، سیاسی حیمایه سین، دینسل دستگین، فارس دیلین، فارسلاشمانی، فارس کولتورون، ایرانچیلیقی، فارسچیلیقی، ایرانین سرحدلرین قوروماقی، ایران-فارس دوولتچیلیگینین لازیم اولان کادروسون، بیزدن آلمیش. اونلاردان علاوه، تورکلر دیللرین فارسین خئیرینه ضعیفله دیبلر، تاریخلرین اونودوبلار، اولوسال حاکیمییتلرین ایندیریبن فارسا وئرمیشلر، فارسین دین باخیشینا صاحیب چیخمیشلار، فارسا وئرگی وئرمیش لر، فارسین سومورگه سی اولموش و سومورگه چی لره اعتیراض اتمه میش لر، سیلاحلاناراق، میللی و تمیل حاقلاریندان مودافیعه اتمه میشلر. تورکلر داها نه ایش گوره بیلرمیش لر کی؟ طبیعی کی کامیل فارس اولمامیشلار و بونا حالا یئر وار.

انصافعلی هدایت

تورنتو - کانادا

01.06.2022