کیتاب اوخومالییق: سومورگه‌چی‌لر و سومورگه‌لشتیریلن‌لر - 13

 کیتاب اوخومالییق: سومورگه‌چی‌لر و سومورگه‌لشتیریلن‌لر - 13

یازار: آلبرت مئمی

12.05.2022

... و گوجلوک لر

البتته، اونون آند ایجمه سی کسکین اوماسی لازیم دئلل. حاقسیزلیق قارشیسیندا دورماق، بو اوفکه هر زمان سیاسی بیر حرکت یا ایلم ایله اشلشمز. بو داورانیش (توبه) بیر چوخ واقت اونملی دوشونجه و سیاسی موقع دیر. ان آزی بو دور کی سومورگه چیلیکدن اوزاقلاشدیقی ائوچون، بیر نئچه دلیل گتیریر. بو ساولار، مرکزده کی ئلئملی (یوموشاق) سیاسی لری (مودورلری) ائولکوتمز.

یازار بورادا "متروپولیتن" قاورامین اورتایا آتیر. متروپولیتن سوزو، اوروپا دیللریندن تورکجه یه گیرمیش دیر. بویوک شهرلر آنلامینا گلیر. بیرلیریک کی شهرلرین قایناغی کندلر دیر. بیر کنده، هر نه دن دولایی، اینسانلار گوچرسه، او کندین اهالیسی و آوادانلیقلاری جوخالار. اگر بو شهره او قدر آدام گله کی اوندا بیر نئچه میلیون آدام یاشارسا و اورا گل گت چتین لشیرسه، دوولت او شهرین داها گئنیشله مه سینین قارشیسین آلماق ائوچون، بیر کاچ کیلومترهلیک لرده، کیچیک کیچیک شهرلر دوزلتمه یه باشلار کی بو کیچیک شهرلر، مرکزده کی شهره باغلی اولار و حتتی ائوزلرینین آدلاری اولماقینا باخمایاراق، بو شهرلر، مرکز شهرین آد و شوهرتینده فایدالانماق ائوچون، اونون آدین داشیرلار.

توم اونملی و توپلومسال یاشاما لازیم اولان ایمکانلار مرکز شهرلرده توپلانمیش دیر. قئراق شهرلرین آداملاری ایش و بیر پوخ توپلومسال چالیشمالار وحیدمتلره ائوچون مرکزه گئدرلر. مرکز چون گوجلو، ثروتلی و باغیمسیز دیر آمما کیچیک شهرلری، هر احتیاجلارینا مرکزه باغلی دیرلار. بو شهرلرین کندی ائوچون باغیمسیز بیر کیمیلگی یوخ دور. کندی تعریفین بئله مرکزدن آلیر. مرکز، هر ساحه ده اونلاری اتکیلر. اونلاردان، اوزمانلاری، ایش گوجو، وئرگی، ثروت، بانکالاردا کی بیریکمیش پارالاری، بئیین گوجلرین توپلاراق، داها گوجلو اولور. قئراق شهرلر ایسه، کندی ثروتلرین، اوزمانلاری، بئیین لرین، وئرگی لرین، ایش گوجون ساخلایاماز. وارلیقلاریندان فایدالاناماز. چون ایله بیر سیستیم یاراتمیش لار کی بونلار مرکزه باغلی اولمالی. مرکزینده وئردیکلرینه قناعت اتمه لی، آمما هر شئیلرینی مرکزدن آلمالی. بو آل وئر، مرکز یا مترو پولیتنین کارینا گلیر. قئراقلارین کارینا گلمز. شهر شئی قئراقلار ائوچون داها باهالی چیخار. نئجه کی مرکزده کی لر، هر یوندن، کندیله رین قئراقلاردان داها اوستون گوررلر. قراق شهرلر، مرکزین اورتدیگی خیدمتلری و ائورونلری توکه تیر. اصلینده، قئراق شهرلر، مرکزه اورتدیگی چون بیر شئی وئرمز. ایللاکی مرکز او شهری بیر اورونو اورتمک آماجی ایله تیکمیش و آداملاری اولا یئرلشتیمیش اولور ایسه، همن قئراق شهر، او ائورونو اورتیر و مرکزه وئریر. اونون قارشیسیندا، مرکز ایسه هر شوئیی یا اورتیر یا باشقا یئرلردن گتیریر و داها باهاسینا اونلارا وئریر.

مرکز ایله حاشیه " یا قئراقلارین" بیر بیرینه باغلیلیقلاری و دوروملارینا متروپولیتن دئییلیر. بو آنلامدان، سومورگه چیلیک، سومورگه ایله سومورگه لشتیریلن لرین ایلشکیلیری آچیقلامایا چالیشان بیلگین لر وار. بو سیاسی-سومورگه چیلیک تئوریسیه، فارسجادا "مرکز-پیرامون" یا "مرکز-جاشیه" دییه آأ وئریبلر.یازاریمیز اونو "متروپولیتن" سوز ایله، منده اونو "مرکز-قئراقلار" آدی ایله تانیتماغا چالیشدیم.

سومورگه چیلیک دوشونجه سینده، مرکز-قئراقلیق الیشکیلری داها درین و داها گئنیش شکیلده حاکیم دیر. سومورگه چی، ائوزون، آداملارین، یونه تیم سیستیمین، اویرتیم سیستیمین، خیدمت سیستیملرین، اکونومی سیستیملرین، اوردو، گیزلی و تهلوکسیزلیک سیستیم لرین دونیانین مرکزی وآن گوجلو یئر و میللتی بللر.

سومورگه چی، اردو، تکنولوژی، بیلگی، تعلیم، گیزلی بیلگیلر . جاسوسلوقدان توپلانان بیلیکر ایله، داها گوجسوز، تکنیکده داها گری قالمیش، تعلیم سیستیمین گوجسوز اولان، اوردوسو ضییف اولان، میللی باغلیلیقلاری داها آز اولان میللت لری بولاراق، اونلاردا سوی قیریم یاپاراق، اونلارین توپراقلاری ایشغال ادرک. اونلاری مودافیعه گوجون، گنجلرین، وطنچی لرین، حاکیمیتچی لرین سوی قیریم ادر و مینلر بلکه یوزلر مین اینسانی زجرله و آغیر ایشکنجه لر ایله اولدورور. وحشیلیکلریندن دولایی، یئنیلمیش لرین گوزلرین قورخودار. ایراده لرین سیندیرار. اونلارین جانینا و روحلارینا قورخو سالاراق، اونلاری "قورخو تسلیمینه" معروض قویار. سومورگه نی باشلاماق ائوپون، و هر جوره، دایانیشما اولاسیزلیقلاریرنین قارشیسین آلماق ائوچون،، ان باشدا اونلارین ایراده لرین سومورگه اتمک لازیم دیر. وطنچی، میللتچی، حاکیمیتچی و ضیاء لی بیرئی لرین و قوروملارین هامیسیپی قتل ادیلمه لی و داغیتیلمالی دیر.

ایشغال اولانلارین ایراده و جسارتلرین اولدورمه لی دیرلر تا گلجکده ائوزلرینه جسارت وئریب، ایاغا قالخماسینلار و سومورگه چیلره موشگول یاراتماسینلار. بونون ائوچون دور کی سومورگه چی، چوخ وحشیجه سینه داورانیر. آدام ائولدورمک دن ایسه چکینمز. حتتا آدام ائولدورمه نی بیرایلنجه لی یاریش یا موسابیقه یه چئویرر. سومورگه اهالیسینی آولاماغا چیخار. اونلاری قوش کیمی آولار. بو آولاماقلار و ائینجه لر، سومورگه لشتیریلن لرین گوزو اونونده اولار تا اونلارین جانلارینین هر بیر حوجره سینه قورخو داملاسین، یئرلشسین. قورخو، هر بیر حوجره ده، بیر دوشمان و سومورگه عسگری کیمی وظیفه باشیندا اولار. اونلارین بئیینینده کی فئرتینالاری بئله گوز آلتینا آلار بیر عسگر کیمی.

سومورگه چی لرین حیاتی و یاشامی قوخو یایماق اولور و قورخو یایمانی بیر سیاسی، توپلومسال یونه تیمه چئوریرلر. اونلاردا گرکر هئیش بیر رحم، مورووت اولماسین. سومورگه لشن لر اونلارد اولابیلن هئش بیر شفقته اینانمامالی دیرلار. شفقت، سومورگه چیلرین ان کسگین دوشمانلاری دیر. شفقت اولور ایسه، سومورگه لشتیریلن لر، جسارت، عوصیان، سیلاحلانما، و شاواشما دوشونجه سینه قاپیلا بیلرلر. سومورگه لشتیریلن لر، او خیالا توتوقلانماسین دییه، سومورگه چی لر، سوموگه اهالیسینی آولاماقی، ائورلدورمه نی، داها آجی، هاینی حالدا داها ایلنجه لی حالا گتیریرلر.

گونلوک آولارینی، بویک بیر ذوق آلاراق، سومورگه لشتیریلن لرین اونونده سرگیلرلر.

سومورگه چی، سلاح و آولاماق گوجونه دایاناراق، آغیر یاسالا گتیریر و اونلاری رحیمسیز و شفقتسیز بیر شکیلده یونه تیر و ایجرا ادر.سومورگه چی لرین کندی جینایت لرین یاسالار ایله رسمییته تانیر. قارشی طرفین هر بیر ائیله مین، یئنی بیراینتیقامین، چاباسین، آزادلیق، حورییت، وطنچیلیک، میللتچیلیک، حاکیمیتچیلیک سئوداسین، ایشکنجه و اولوم ایله یاسالار.

گورونور کی، سومورگه چی، سومورگه چیلیگی، ایشغاللار باشلار. آدام ائولدورمک، جسارت و عوصیانلاری باسدیرماق ائوچون یاسالار گتیریر. اینسان وحشیلیگی گولگه سینده، ائولوم قورخوسون یارادار. قورخو و جزالانمانی بیر یاشامین دوغال حالینه گتیریر. اینسانلارین روحون، بئیینین، دوشونجه لرین، وطنچیلیکلرین، میللتچی لیک لرین، میللی حاکیمیت چیلیک لرین قورخو و ائولوم گولگه سینه آلیر. بئیین لر تسلیم اولور. ایراده لرین ال قولو باغلانیر. آزادلیقین، وطنین، میللتین، میللی حکومه تین، دموکراسی نین، قانونلارین، حوقوق و یاسانین، جسارتین، کیملیک لرین، اینسانلیقین، و... آنلاملاری یئنیله شیر. بونلارا تای قاوراملارا یئنی و "مودئرن" آنلام یوکله نیر. اینکیشاف (توسعه)، اوستون عیرق، گلیشمیش میللت لر و گئری قالمیشلار، اینکیشاف اتمیش میللت و دوولت، انکیشاف اتمیش توپلوم و اینسانلار، گئری قالمیش توپلوملار و اینسانلار، اینکیشاف اتمیش و یونه تیمه لاییق دیل و گئری قالمیش دیللر، دین لر، داورانیشلار، شهرلر، یوللار، تکنولوژی لر، ایش لر، آل وئرلر، گمیلر، اوچاقلار، سیلاحلار، سیستیم لر و ... تای یئنی قاوراملار اورتایا آتیلیر. 

سومورگه چی، گندینی بیر ایشغالچی یوخ، بیر قورتاران سونار و ایناندیرماغا چالیشار. آمما ائوزو بیلیر کی بو ایشغالین و قوخور سویقریمین آنلامی ساده جه اکونومیک دیر. اکونومیک کار، اونون ان باشدان ایسته دیگی تکجه اومدوقو دور. بو ایشغالی و جنایت لری، قوخوسویقیریمینی سومورگه چیلیک آدلاتندیرماز بلکی اونلارین هامیسینا بیر گوزل سوزله آنلام وئریر و اونا "استعمار" و آبادانلیق سئوگیسی و ایسته کلیسی دییه، چالیشیر اونلاری ایناندیرسین کی، اونلاری داها بیر انکیشافلی دونیایا گوتورمه یه، داها اوستون بیر خالقا چئویرمه یه، یا بیر مودئرن یاشاما آیارمایا، داها بیر مودئرن دیلیه، اویره تیم سیتسمینه، کولتوره، شهره، ریفاها، امنیته، آزادلیقا، بیر متروپولیتن گوج ایله بیرلشمه گه، بو جوگون گولگه سینده، بیر متروپولیتن یاشامین تجروبه اتمه گه، و ... سور وئریر.

آمما هر بیر سومورگه چی بیلر کی سومورگه لشتیریلن لرین یئریلری داها وئریملی، یئر آلتی قایناقلاری داها زنگین، ایش گوجو یوزلر قات داها اوجوز دور و بو متروپولیته نین بیر پارا اجتیاجلارین قارشیلار. ثروتینه، ثروتلر قاتار. اورونلرری داها چوخ بازارا یوللانار. بو اورونلر، اگر سومورگه لشتیریلن لرده ائورتیلیر ایسه، داها اوجوز باشا گلیر. سومورگه چلی توم یونه تیمی الینه گئچیریر و سومورگه لشتیریلن لرین اکونومی گوجون، ایش گوجلرین، بئیین گوجلرین، پاراسال بیریکیملرین، کندی چیخارلارینین یولوندا تونه تیر. بلکی بورادا یول دمیر یولو، چکیر. هاوا لیمانا، دنیز لیمانی تیکیر، مکتب آچیر. اویرتمن لر تربیه ادیر، اونیوئرسیته قورار و خوجالار گتیریر. فابریکالار آچار، دونیا اوزونه تیجارت یوللارین آچار آمما بونلارین هامیسی دری اوستو اینکیشاف دیر. بو ایشلر، میللتین گورونه گورونور. اونلاری سئویندیریر. اونلاری آزادا اولسا، بیر گلیر ساخلار. لاکینف بونلارین هامیسی، سومورگه چینین داها چوخ کاری و ریفاهی ائچون دور. بو اوکوللاردان، اونیوئرسیته لردن، خوجالاردان، لیمانلاردان، یوللاردان، خیته خانالاردان، طیبدن و طبابتدن، علاجلاردان، مهندیسلردن، سوسیولوقلاردان، پیسیکولوژلاردان سومورگه یه ایجسی بیر اینکیشاف میکانیزماسی دوغماز. چونف بونلارین هامیسین سومورگه چی، ائوز احتیاجلارینا گورا تعریف اولونموش و آماجلانمیش دیر. آماجی کیم و نئجه تعریف اتمیش ایسهف بونلاردا اینسانلاری او آماجا گوتورر. اگر سومورگه چیلیک آنلامی  و کارلاری بونلارا یوکلنمیش ایسه، بونلاردان سومورگه لشتیریلن لرین کاری چیخماز.

دوزدور، طیب، طبیبلر، علاجلار،موهندیس لر، یوللار، دمیر یوللاری، هاوا لیمانلاری، دنیر لیمانلاری، گیمی لر، کامیونلر، اوکوللار، اویرتمن لر، اونیوئرسیته لر، خوجالار، عدلیه، حاکیملر و ... چوخالیر. ایش لیرلر. پارا قازانیرلار. گوزل گئیینیرلر. پارتارلار دئییشیر و تازا اولورلار. ائولره تیلویزیون، بوزدولابی، رادیو، تیلفون، بیلگیسایارلارا تای یئنی اورونلر گلیر. آمما بونلارین هامیسی نین آماجی، اونلارین بئین لرینین یئخاتنماسی، سومورگه یه مشروعیت وئرمه سی، داها قولایجا و ساغلیقلی اولاراق چالیشمالاری، بورایا ماللارین داها چوخ گتیریلمه سی، داها چوخ ساتیلماسی، داها چوخ جینسین آلینماسی، بورادان ایسه ماللارین داها ائوجوز و هیزلی چیخماسین ساغلاماق دیر. خسته خانالار تیکیلمیشسه، ایش گوجون ایتیرمه مک ائوجون دور. ایش گوجو ایتیریلیرسه، ائورونلر داها باهالی و توکتیملرده داها آز اولور.

بیر تیلفون، سومورگه ده، مرکز یا متروپولیتن دن داها باهالی دیر. عاینی حالدا کی گلیر ایسه اونلار بلکه یوزلر قات داها آشاغی دیر. سومورگه لشتیریلن لرین ائولرینده رادیو، تیلیویزیون، تیلفون، اویودو جاهازلاری، اینترنت، بیلگیسایار کیمی ملزمه لر وار. اونلاردان سوموگه نین اینکیشافلاشماسینین ائوز پرده سین پورور. او فیلیملرده، آگهیلرده، دیزیلرده، سومورگه چیلرین یاشامی، کولتورو، ریفاهی، گل گئالری، آل وئرلری، گئییم لری کیمی شئیلر ایله تانیش اولورلار. بونلاریندا گونلو، همن گوردوکلرین ایستر. اونلار کیمی یاشامی آماج توتار. بو یاشام و آماج اونلار یداها کندلرندن اوزاقلارا گوتورر. هر گون داها چوخ و داها درین یئیین لری یئخانار. داها چوخ سوموگه چیلرین الینده کی موما دونوشرلر. هر کیمده، کندی دوشونجه سی و کاری دوغماغا باشلار. بورادا توگلومساب یاشام صایفلار و بیریسل یاشام و آماجلار دئشاری چیخار. وطن، میللت، ائل حاکیمیتی، توپلوم و توپلومسال دوشونجه لر، کندی دیلی، کولتورو، اویقارلیقی و باشقا باشقا کیملیک لری اونوتولور. بونلارین یئرین سومورگه لشمه چاباسی و یاریشی آلار. هر کیم داها چوخ سومورگه لشیر ایسه، او داها چوخ کیلاسلی، داها چوخ اینکیشاف اتمیش، داها چون مرکزچی لره اوخشار. هر کیمسه داها چوخ ائوز دیلین، توپلومون، کیملیکلرین، تاریخین، شخصیتلرین، عروف -عادت لرین، وطن، میللت، میللی حوکومه تین اونودورسا، داها چوخ کیلاسلی گورونور. ائوز وطن و میللتیندن، توپلوموندان، میللی کارلاریندان دانیشماز ایسهف داها چوخ مودئرن گورونور . کندی ایچینده، کندیندن راضل اولور. بو بیر یاریش دیر سومورگه لشمه ائوچون سومورگه چیلرین ایچینده. نه دنی بودور کی قورخو کولتور یارانمیش، اوکوللار، اونیوئرسیته لر، اویرتمن لر، خوجالار، یوللار، رادیولار، تیلیوزیونلار، دیزی لر، فیلیملر، تبلیغاتلار، کیتابلار، درگیلر، قازتلر، و بونلارا تای اورونلرین هر بیری و هر ثانیه سی اونلارین بئینین یئخاماق ائوچون دیزاین اولوبلار. هر بیر ثانیه ده، سومورگه چی دیلی، آشیری وفیلمرده، دیزیلردن دوغال اولمایان یاشام طرزی، پورنو چیلیق یاشامی و گورونتولری، اونلاردا بیر آرزی و دیلک اویادار. بو آـرزیلار و دیلک لر، اونلارین داها درین بئیین یئخامالارینا یئر آچار. بئیین لری اونلار بیلمه دن یئخانیر. بو یئخانماق، و بو یئخاماق ائوچون اورتیلمیش اورونلر بئیین یئخاماق آماجی ایله تاسارلانمیش دیرلار. بونلار ناکوتیک مادده کیمی لردیر. هر نه قدر چوخ ناکوتیک مادده کوللانیلیرسا، او قدر داها درین و گئنیش بیر احتیاجا، دونوشور. 

بورادا میدیالارین اونملی داها چوخ دور. هر نه قدر میدیا چوخ اولرسا، فیلیم لر، دیزیلر، موسیقی لر، یاریشلار، چوخ اولورسا، بویالار، گورونتولر و اونلارلا ایلگیلی ایسته لرل ده چوخالار. او میدیالار، بئیین یئخایان بیر آراجلار دیر. بویالار، گلت گئتلر، آل وئرلر، پارتارلار، گیسی لر، آرابالار، ائورلر، سوسولنمه لر، هپسی اینسانلاری و خوصوصی ایله سومورگه لشتیریلن لرین بئیین لری یئخانماق ائوچون و او جور کی کورونتوله نیر، اونا تای یاشامی طلب اتمه و آلده اتمک اوچون تاساریلانیرلار. میدیا، سوموگه چیلرین سیلاحلاری دیر تا اونلار، سومورگه لشمه نین قارشیسیندا دایانماسینلار. هم اوجوز ایشله سینلر، همده اللرینده کی پارانی، یاشام و خوشبختلبیک ائوچون یوخ، بلکی یئنی مودل جاهازلاری اسکیلنمه میش لر ایله دئییشدیرمک چاباسینا اوغروندا پالیشسینلار. هر بیر آن کی گئچیر، داها درین بئیین یئخاما قوربانلیقینا دونوشورلر. هئش بیر زامان، سومورگه چی ایذین وئرمییه جک کی سوموگه، دوغرو و اونا یارارلی بیر اینکیشافا یاناشسین. چون، او زامان، سومورگه چیلیک و سومورگه چی بیتر.

آلبرت مئمی-یه گورا، سومورگه چیلیکدن باشتاپان بیر سومورگچی توبه ادرسه، بیر اینجی آددیمی آتمیش اولور. ایکینجی آددیمسا، سومورگه چیلیک ایله موخالیف اولدوقو ده نه دنلری سادیلار. ائوچونجو آددیمدا ایسه

یازاریمیز بورادا "پروتئست" سوزدن دن سوز آچیر. پروتئست سوزو لاتینجه دن تورکجه یا گیرمیش و چوخدا ایشله نیر. آنلامی ایسه "موخالیفت"، "ضیدلیک"، "قارشی چیخماق" کیمی سوزلردیر. "پروتئستان" دینچیلیگی دن بو سوزدن آلینیب دیر. اسکسلر و پروتئستانلار یوخ ایکین، ایران شیعه لیکینه تای، مسیحی دونیاسیندا بیر دین، دینچیلیک، دین دوکانچیلاری، کئشیشلر، (موللالار)، پاپ (آیت الله العظمی لار) واریدیلر. اونلار، کندی، زامان، مکان ایچینده سیغیشمیش دوشونجه لرین، دین و مسیح آدینا اینانانلارا ساتیردیرلار. بورادان یاخجی یاشامی الده ادیردیرلر. دئدیک کی اونلار دین دوکان صاحیبی دیرلر و بورادان ان ایی شکیلده گئچینیرلردیر.

دئمه لییک کی اولار کوچه بازار دوکانی کیمی دوکانچیلیق اتمزلر. ساده جه دین ساتمازلار بلکه اونلار، بو دوکاندان ائوزلرینه بویوک پای آیئرارلار. بو پایی مسیح حضرتله رینه یاپیشدیرارلار. مسح حضرتلرینده اولدوقو کیملیکلری کندیلرینین ائوه رینه آلیر و اونلاری ائور میلکلری ادرلر. سونرادا او غصب اتدیک لری و اونلارا یاراشمادیق یاشامی یاشازکن، توپلومدا، قانون و یاسا دا گئچرلر کی عیسی و محمد او یاسالاردان خبرسیزلر آمما بو یاسالاری ائوز آدلاری ایله یوخ، بلکه آللهین آدی و محمد حضرتلری و مسیح حضرتلری آدینا ایرلی سورولر. اونلار دین، رسول و آلله آدینا جنایت، ائولوم، سویقیریم حوکمو وئرمیشلر. میلیونلار آدامی اونلار، ائلومه گوندرمیش لر میلیونلار آدامی دا ائلومه محکوم اتمیشلر. میلیونلار آدامین جان و مالینا ال قویموشلار. دونیانین ان قانلی و ائولومجول شاواشلارین دوزنله میش لر. و بو جینایت لری کندی آدلارینا یوخ، بلکه مسیح، محمد و باشقالارینین آدلارینا یاپمیشلار.

نه دن؟ چون هر کیه تای، اونلارادا قودرت، ثروت، یاساسال گوجدن فایدالانماق، یاساسال گوجله ائولدورمک، یاساسال گوجه دایاناراق، جزالاندیرماقدان قاچماق کیمی ارزولاری و ایستکلری وار. چون اینسان دیرلار.

اگر اونلارین جنایت لرینه باخساق، گوره ریک کی اونلار ائوز جینایت لرین دینلشدیرمیش لر. قوتلامیشلار. موقددس اتمیش لر. اونلار بو بویوکلوکده گوجو و بو جسارتی، جینایتی نئجه یاپمیشلارو اینسانلار، اونلارین سوزلرینه باخاراق، میلیونلار اینسانی نه دن ائولدورموشلر یا ائوزلرین ائولومه وئرمیش لر کی؟

دریندن باخاساق، اونلار، دوغومدان ائونجه دن بئله، توپلومون و بیرئیلرین یئیینلرین یئخاماغا باشلامیش لار. یوزلر "دوعا" و نذیر نیاز یاراتمیش لار تا بیر آتا آنا و اقربا، بیر اوشاقیت سالیم دوغماسی ائوچون، اونلارین ایچیندن گئچسین. اللرین گویه اوزالداراق، ان ایچلریندن دوعالار اتسین لر. نذیرلر وئرسین لر. قوربانلقلار کسسنلر.

 اوشاق اولان کیمی اونو موللالار یا کئشیشلر ایسته دیگی کیمی مسیحی یا موسلمان اتسین لر، بو توز ایشلر، بئله آجیماسیز و ایشکنجه همده بالاجا و یئنی دوغموش اوشاق ائوچون اولابیلر. دوعالار، شوکورلر، قوناقلیقلار، قولاقلارینا آزادن اوخومالار، سودا قوسل وئرمکلر، اوغلانلارین آلتیندن بیر تیکه کسمکف بعضی یئرلرده قئزلارین دا آلتیندن بیر قیسم کسمکله اونلارا ان آخیر ایشکنجه نی روا گورورلر. اونلارا آد وئرمک، آدلارین دینچی، دین صاحیبی، موللالار، پاپلار آدلارین وئرمک و او آدلارا لاییق تربیت اتمک لر، هر گونون دوعالاری، خئییر ایشلری، مچیده یا کیلیسایا گئتمک لر، بو ایش ائوچون گئیینمک لر، ال آیاقلاری، باش گوزو یومکلر، دینچی لرین سولرینه قولاق وئرمک و اونلارا اینانماق زوروندا قالماق، اونلارلا ضید سوزلری دیله گه تیرمه مک، اونلاری کیشیسل اوراراق و هئش بیر نه دن بولمادان، آللاهین، دینین، روسولون سیمگه چیسی و سوزچوسو اولاراق قبوللانماق. اونلار اونایلادیقلاری کیمی عیبادت اتمک و اونلارین یاراتدیقی و یوتندیگی دین و آللاها یاخینلاشماق ائوچون، داورانماق. اونلارین آرزو و ایسته گی ائوچون ائولن لری جهنملیک و اونلارین سوزلری و ایستهکلرین یئرینه گتیرمک ائوچون ائولن لرین جننه ته گئتمهکلرین قبوللانماقیمنیز گرکیر. سونراداف کندیمیزی او ائولدورنلره تای، اونلار ائوچون شهید اولماقا حاضیرلامامیز گرکیر. یوخسا توپلومدان رد ائدیلهریک. آتیلاریق. اگر سه اونلارین ایسته گی ائوزره ائولدورولمزایسک، زیندانا آتیلماز ایسک، توپلومدا تحقیر اولاراق آشاغالانماقا زورلاناریق. سونرادا، اونلار ایسته دیگی کیمی ائولوروز. اونلار بویورقدوقالاری کیمی بیزی یویارلار. تابوتا قویارلار. قبریستانا آپارارلار. دوعالار اوخورلار. قوبلارلار. خئیرات و احسانلار وئریلیر و مال مولک قالمیش اولورایسه، اونلاری موللالار ایسته دیگی کیمی بول پای ادرلر و هر کیم، او جومله دن موللالار بئیه پایلارین آلیرلار. اگرده بیر کیمسه جسارت ادرسه و اونلار ایسته دیگلری کیمی ائلمز ایسه، اونلارین ائولوسون بئله اونلارین آدینا اولان قبریستانلیقلارا قویمازلار و دیشلارلار.

اگربونلارا، بیر آز دیققت ایله باخارساق، بیزیم هر بیر ثانیه عومروموزده آپ آیدین بئیین یئخامالارینین شاهیدی اولوروز. اونلار دین آدینا، ائوز ایستکلری ائوچون بیزلرین یئیینین یئخارکن، بیزده اونلارین ایستکلرینه بنزه مک ائوچون، بئنیمیزین یئخانماسینا چابالاریق. نیه؟ پون دیشلانمادان، بنزه مه مه دن، تک قالماقدان، اوستوموزه آد قویولماقدان، توپلومدا خوش گورونمه مکئن، یار یولداشسیز قالماقدان، بیزه پی لقب لر وئریلمک دن، بونلارین هامیسی بیزیم ائوزوموزه سنیرلی قالماماقدان وعاییله میزین بیرئیلرینه سئچراماقدا چکینیریز. دالی اوتوراراق، تسلیم اولوروز.

بو یاشامانین آردینجا، بیر چوخ مسیجحی دین عالیمی و کئشیش لری، بونلارا دینسل اولاراق اعتراضا باشلادیلار. بو اعتیراضچیلاریريال دینی آتمادیلار بلکه داها بیر یوموشاق دینچیلیگی اورتایا قویدورلار آمما چون اسکی دینه باخیشلار لا و اسکی دینچی لر ایله قارشی دورموش و اونلارین گوجون قبول اتمیردیرلر و کندیلرینه ده دیندن و دینچیلیک ده وئریلن گوچدن پای ایستیردیلر و داها چوخ دا سیاسال اولاراق و دین ایمپراتورلوقونون میللت-دوولت بولونمه سینین مئیوه سی اولدوقونا گورا اونا "پرویئستان" آدی وئردیلر و بو آندان سونرا، مسیحیت دونیاسیندا دا ایسلام دونیاسینا تای مذهب اورتایا چیخاراق، یئنی دوولت لر ائوچون دینسال ایدئولوژی چیخدی و ائوزللیکله اوروپا مسیحی بیرلیگی، دیل اساسلی، آلمان، اینگیلیس، فراسنه، ایسپانیا، پورتاقال، و ... کیمی میللت لر و دولتلره بولوندولر و یئنی کیملیکلر اورتایا چیخدی. بودا مودئرن دئدیکلری یئنی چاغا گوز آچدیردی. دینچیلر آزادا اولورسا اولسون، گوچلرین الدن وئره رک، سیاسیلره یئر و میئدان آچیلدی. کیملیکلر، یئنی دت آچیقلاندی و هر میللت دوللت ائوزونه ائوزل  اولاراق توم قاوراملی او بیری میللت دوولت لرله فرقیلی و حتتا ضیدلی تعریف ادیب، یایدیلار. طبیعی که دیله دایاناراق، عیرق یا نزاددا اورتایا چیخدی. بوردان ایسه اوستونلوک دو دوشونجه لری سیاسته، دیله، تکنولوژیه، سیلاحا، اشغال گوجونه دایاناراق اینکیشاف اتدی. بو ایدئولوژی لر بیر چوخ ساواشا نه دن اولدولار. یوزلر ایل، اوروپا میللتلر و دوولت لر آراسیندا ساواشلار گئتدی، اوستونلوکلر شوعارلاری وئریلدی. یوزلرمین یازار، کیتابلار یازدیلارو میلیونلار عسگر اولدولر و ائولدوردولر. توپراقلار آلیندی. میلیونلار اینسان توتساق دوروموندا یاشادیلار. بعضی توپلوملار، میللتلر، دیللر، دین لر، تاریخیل گلنکلر، اویقارلیقلار و ... ایشغال اتکیسینده کوره ائوزوندن سیلینیب گئتدیلر. یوخ اولدولار. نه دن؟ چون اینساندان داها یئرتیچی بیر یارادیق یوخ دور. گوزو و ایچی دویمازمیش. داییما آجمیش. بونون ائوچون دور کی اوروپانین اینکیشاف اتمیش گوزلری آج ایکی آیاقلیلاری، ایکی دونیا ساواشین دونیانین بوتون اینسانلارینا تحمیل اتمیشلر. اونلار میلیون آداملاری سویقیریم اتمیش لر. میلیونلار ائوی آوادانلیقلاری یئرله بیر ائتمیش لر. سونوندا، ایشغالچیلیق و سومورگه چیلی دوشونچه سینده یئنی لشدیرمیشلر دیر.

بورادا علاوه اتمه لیمی کی بیز تورکبر، فارس دینچیلیگی داها چوخ منیمسه میشیک و دین و مذهبد ده داها چوخ سومورگه لشمیشیک. بیز تورکلر، تاریخ بویو، سوننو ایدیک آمما صفوی دورونه یاخسنلاردان شیعه لشمه یه باشلامیشیق. صفویلردن ائوچه تورکلرین حامین اولدوقلاری توپراقلارین بیر نئچه سینده، فارسلار، شیعه چیلیک و فارسلیق اوستونده کیچیکده اولسا، حوکومت قورموشلاردی. شیعه چیایگی تورکلر و صفوی لر تورک توپراقلارینا داشیمامیشلار و رسمی ده اتمه میش لر. بونلان بئله، تورک شیعه لیگی بارس شیعه لیگی ایله فرقیلی ایمیش. بو قونودا تورکلر اوراجان ایرالی گتمیشلر و فارسلارلا ائوزلرین آیئرماغا جهد اتمیش لر کی نادیر شاه حضرتلری "موغان تورک بویوک قورولتای"یندا قورولتایی ایمضاسی ایله شیعه چیلیگی و فارسین دالیسینجا گئتمه نی دیبدن رد اده رک، "جعفری مذهبی" رسمی تورک مذهبی اولاراق قبول اتمیش. بو اونون گوسترگه سی دیر کی تورکلر شیعه اولسالاردا، فارس شیعه لیگینه تاری، ایسلام دونیاسیندا بیر بویک ساغالماز چیبان دئییلمیش لر. بونون ائوچونده قولایجاسینا و قفارشی گلمه دن، جعفریلیگی قبول اتمیش لر.

نادیر ساهدان ائونجه، ایسلام دونیاسیندا ائوچ اونملی قول واریمیش. جنبلی، شافعی و جنفی. نادیرشاه و قورولتاین ایسته گی ایله جعفری مذهبلیق، تورک دونیاسیندا شیعه لیگه بولونن قیسمی، سوننو مذهبلرینه دویونله مه گه باشلامیش و همن ائوچون یانینا اوتورموش.

دین ساحه سینده فارسین کولگه سیندن قورتولوش چابالاری قاجار دونه مینده ده سوروب. بو ایددیعامیزا نه دن سه، مشروطه ایصلاحینین آنا یاساسی دیر. آنا یاسادا، "شیعه لیکدن" سوز گئتمیر بلکه "چعفری مذهبلیکدن سور گئدیر. آمما بو سورج، پهلوی لرین ایش اوستونه گلدیکدن و شیعه موللالاری قوم شهرینده گوجلندیکده، عراقداکی قوتلو شهرلردن کسیلدیکده، نجف، کربلا، کاظمین و تورکلرین بولگه لرینین ضعیفله مه سی ایله، قوم و فارش سیعه چیلیگی داها چوخ گوجلندی.

بو زامانا دک، فارسی عیرقچیلیقی، پانفارسلیقی و ایرانچیلیقی بیر قاناتلی ایدی و اوچا بیلمیردی. نیه کی ایران آدلانان ائولکه نین بیر چوخو حعفری مذهب و بیر چوخودا سوننو ایدیلر. فارس شیعه لیگی چوخ آز سایدی پئچرلی ایدی. آمما فارسلار بو بوشلوقو دویموش و اونو آرادان قالدیرماق ایسته میشلر. بو یولدا، حوللالیق مکتبلرین تورکبر و عراقدان قئراراق، قوم شهرینده یئره اکمیشلر. بیر نئچه ایل سو.نرا بو ایکیندن، داها گوجلو و ایکی قاناتلی بیر فارسلیق قاخاجاقمیش و مین ائوچ یوز اللی آلتی دئوریندن سونرا سیاسی فارسچسلیقلا، دینسل فارسچیلیق بیرذله شهجک میش و بیر یئنی پانفارس دوولتی قوئرولاجاقمیش. بو دوولت فارسلیق شیعه لیگین خالق و دوولت دینی اولاراق رسمیلشدیرجکمیش. و توم موللا مکتیبرینده، فارسلیق شیعه لیگی دین یئر و باخیشین سیدمحمدکاظم شریعتمداری ایله فارسلارین شیعه چیلیک آلاجاقمیش.

بو زاماندا، تورک اولان، تورکلری و توکلوک جعفری مذهبلیگینی نوماینده لیک ادن؛ آیت اللاه العوظما آلاجاقمیش.

بو زاماندا، تورک اولان، تورکلری و توکلوک جعفری مذهبلیگیین مودافیعه ائدن آیه توللاه العوظما سیدمحمدکاظم شریعتمداری ایله پانفارسین شیعه چیلیک و سیاسال نوماینده سی اولان ن آیه تواللاه خیمینی آراسیندا، ایکی مذهب ددوشونجه سی قارشی قارشییا گلدیلر. تورکلر، تورک آیه توللاهینین یانیندا دوراراق، آنا یاسادا و یوز اون اینچی اصل آدلانان "ویلایتی فقیه ایلن کی پانفارسلیقین دیکتاتورلوقو ایدی موخالیفت ادیبن، محکوم اتدیر. او بیری یونده ایسه، توم ایرانلیلار، خصوصیله فارسلاشمیش و فارس شیعه چیلیگینه یئیین لری یئخانمیشلار موللارا و عوممالار دوردولار. با دوشمنلیک، فارسلارین ظفریه ایله سونلاندی. تورکلر ایسه، مغلوب اولاراق، سویقیریما معروض قالاراق، قوخو کولتورونه و یاشامینا محکوم اولدولار. سسلری باتدی. حاقلاری، فارسچیلیقا و فارس شیعه چیلیگینه دایاناراق، دانیلدی و هر گون داها دریندن آسیمیلاسیونا و یئیین یئخامایا معروض قالاراق، فارسلاشدیلار.

البتته کی فارسلار، تورکلرین فارسلاشماسینا اینانمادی. بوندان دولایی دا، اونلاری یاواش یاواش ایداره لرده، یوکسک موقعلردن سلیبن آتدی. بوگون، ایران آدلانان ائولکه ده، ایش باشیندا اولان تورکلرین سای صئفئرا یاخین بیر دورومدادیر. نییه کی جعفری مذهبلیک ایله فارس شعوبیه چیلیگینین ساواشی داوام ادیر.

یازار علاوه ادیر: سومورگه چیلیگی رد ادن، هردن بیر دیلکچه یه (طومار) ایمضاء آتیر، یادا سومورگه چی ایله موخالیفت ادن بیر پارتیسینا قوشولابیلر.

یازار بورادا "پارتی"سوزون اورتایا گتیریر. پارتی یا حیزب، قورآندا گلمیش و هر بیر قوروپا کی فرقیلی اینسانلارین منافعی حاقدا چالیشیرلار، حیزب دئییب. تورکلرده، هر خان یا اربابین بیر نئچه کندی و چوخلو الی سیلاحلی آدامکلاری وار. هر زامان توپلوملار، سیاسی اولاراق موساعید اولورسا بیر خان آیاغا قالخار و حوکومتی الینه گئچیرمک ائوچون ساواشا و موجادیله یه گیرر. اگر قارشیسنداکیلاری یئنرسه، اونلاری امرینه تابع ادر و دوولت قورار. 

گوجلو تورک دوولتی وارسا و توپلوم سیاسی اولاراق دییشیمه حاضیر دئییلسه، حاکیمه و حاکیمییته تابع اولار. خان بیر پارتی لیدئری کیمی، ائوز رعییه تینین منافعین قورور. ائلینین دوشمانلاری ایله موجادیله ادر. او، ائوز توپلومونون شاهی کیمی بیر دورومدا دیر. قارا یاخالار، اونون امرینده. او بیلدیگی و صلاح گوردوگو هر بیر شئی، یول، یونتم، ائلین صلاحی قبول اولونار. مجلیس یا قورولتای قورولور ایسه، او، ائوزونون و رعییه تینین کارلاریندان مودافیعه ادر. عاینی زامان، حاکیمین اوردوسوندا و سیلاحلی گوجلرینده یوکسک مقام صاحیبی اولار.

فارسلار ایش اوستونه گلیرنجه یه قدر، ایش بویله سی داوام ادر و دوولتلر، ایچ ساواشلارین سونوجو دئییشرمیش. ساواش اولماز ایسه، ثوبات و گلیشمه داوام ادرمیش.

 تورک و باضقا میللتلردن فراماسونا دونوشنلر،فارسلار فراماسونلاری، اینگیلیس لر و اوروپا مسیحیچیلیگی، تورکلری، یئنی فارسچیلیق حاکیمیتینه قارشی یئتنکلی بیر دوشمان گورورلر. اونلارین سیلاحلارین آلیر. آمما ایذین وئرمیرلر تا همن سیاسی خانلار بیر سیلاحسیز سیاسی حیزبه دونسونلر. بو ایمکان اولسایمیش، تورکلرین تاریخسل سیاسی تجروبه لری هدره گئتمزمیش. حیزب اساسیندا، بوکونکو ایران آدلانان یئرلرده، ائدللرین و میللتلرین سیاسال چالیشمالاری اروپادان داها گوزل ایری اولارمیش. میللتلر توم دوغال، اینسانیل و حوقوقسال حاقلارین الده ادرمیش و گلجکده اون گورونن ائللر آراسی ساواشلارین اونو آلارمیش.

بئله لیک ایله، پانفارس و پان ایرانیست سومورگه چی، پارتی و حیزب قورمانی ائوز الینه آلمیش. هر هانکی فارس شاهی یا موللاسی ایش باشینا گلمیشسه، ائوزونه ائوزل بیر یا بیر نئچه پارتی یاراتمیش. تورم رقیب پارتی لر وارسا، اورتادان قالدیرمیش. پارتی قورماق، ایران چرچیوه سینده، بیر "رانت" دیر. هر بیر کیمسه یا هر میللتین حاققی یوخ دور پارتی قوراراق، دوولت ده داغیلان رانتلاردان اله پئچیرسین. حتتی، پارتی لرین دوولت بودجاسیندا بیر حسابلاری وار. اورادان مالی اولاراق دستکله نیرلر.

پئچمیش دورد پانفارس شاهلیق و موللالیق دئورینده، فارسلاردان باشقا هئش بیر میللته بو حاق وئریلماییب کی پارتی قورسون. حالا بوگون ده، ایراندا علنی و رسمی اولاراق وار اولان پارتی لرین هامیسی فارسلارین دیر. بئله گورونور کی فارسلار، غیر فارس میللت لرین سیاسیال اولاراق چالیشمالاریندان راحاتسیز اولورلار و اونو، ایرانا و فارسا قارشی بیر ائولوم قالئم ساواشی کیمی گورورلر. قورخورلار کی تورکلر، عرب لر، بلوچ لار و او بیری ائللر بئله، پارتی قوراراق، یاواش یاواش هم سیاسیا اولاراق تجروبه قازانسین لار همده گونون بیرینده، رادیکال و دوغرو تورکلرین اللرینه گئچه رک، عوصیان بایراقی قالدیرسین لار.

اونه گیبن: تبریزلی شئیخ محمد خیابانی دن آد چکمک اولار. بو آدام، قاجارایمپریاسی نین دوورونده اولان "دیموکرات" حیزبیندن دیر. سونرالار و 1299 دا و فارسلار تورک حاکیمیه تین یئخماغا بیر آدلیملیقدا، تبریزه دونه رک، آزربایجانی قاجار ممالیکیندن آیئراراق، "آزادیستان" آدلی بیر مملکت و دوولت یارادیر. آلتی آیا یاخین دا داوام گتیریر. آمما سونوندا فارسلارین اوردوسو ایله سویقیریما معروض قالیرلار.

همن پارتینین داوامیندا، سید جعفر پیشه وری "آزربایجانین میللی حکومه تین" آیاغا قالدیریر. بایراقلار اسیر. میللت جوشور. آمما گئنه ده فارسلارین و اوروپالی مسیجی لرین قوربانی اولارلار. سویقیریما گئدیرلر. 

نهئجه کی آیه توللاه شریعتمداریه باغلی اولان "حیزبی حلقی موسلمانی ایران" دا میلیونلار یانلی توپلادیقدان سونرا، تهران باسقسینا و اعدام لارا معروض قالیرلار. سویقیریم قاسئرقاسی تورکلرین باشلاری ائوزرینده آسیر.

بو تجروبه لردن دولایی دیر کی فارسلار، فارس اولمایان مکیللتلره پارتیسال چالیشما حاققین رسمی اولاراق تانیمیر. بونلارن بئله، بو گون، تورکبرین قاچقیندا یاشایان اینسانلاری الی ایله، اونلار پارتی قورولموش و جور به جور ساحه ده چالیشیرلار.

یازارا گورا، سومورگه چیلیکدن توبه اتمیش و دونموش بیر اینسان، تکجه ذهنی لرینده یازامازلار. اونلرین ذهنلریندن ائشیکده بیر دونیا وار. اونلار چالیشیرلار تا ایداره لر ایله، پولیسله، خسته خانالارلا، عدلیه و حاکیملرله، اونیوئرسیته لر و خوجالاربا و بونلارا تای ایلگیلیرینی ساخلاسینلار. بونون ائوچونده سومورگه چیلیگین ایدئولوژیسین رد اتمک قولای دئییل. بوندان سونرا، او، هر بیر آددیمدا چتینلیک لرین گوجو ایله چایشگی ایله قارشیلاشاجاق. چون سومورگه چیلیکین ایدیئولوژیسی، هر یئرده حاکیم دیر. بوتون ایشچیلرده او ایدئولوزینی قوروماقا مجبورلار.

یازیر: او شئی کی بیر اینسان رد ادیر، او شئی، ید اده نین بیر پارچا سی دیر.

 مثلن، بیر ایراندا اون دورد ایل مدرسه لرده اوخوموشوق. سونرا ایکی، دورد، آلتی یا اون ایلده اونیوئرسیته ده یوسکس سویه لرده درس اوخوموش و بیلگیلر ساحه لرینده روتبه لرده آلمیشیق. او ایگیرمی ایل زحمت و درس اوخوماق و اویرندیکلریمیز، همامیسی بیزیم بیر پارچامیز دیر. هامیسی بیزیم بئینیمیزی، روحوموزو، کیملیگیمیزین بیر پارچاسین دولدوروبلار. بیز او ایللردن عیباره تیک، آو بیلگیلردن باشقا آز بیر شئی اولابیله ریک.

آمما نه تصادوف کی بیر کون بیری گونآز تی وی یه چیخیر و آیلار قوناقلارلا بیرلیکده ایثبات ادیر کی او کیتابلارین هامیسی، یالانیمیشلارو اونلاری بیزلرین بئیین لرین یئخاماق آماجی ایله و عئرقچی، پانفارس، پان ایرانیست، فارس شیعه چیلیگی یاراتماق ائوچون ایمش. اونلار، کیتابلار، اویرتمن لر، خوجالار، بینالار، فیلملر، ایشلر، آیلیقلار و ... واسیطه سی ایله، بیزلردن، کندی اوردوگاهلارینا عسکر تربیه ادیرمیش لر. بیزه یئمک، ایچمک و ... ویریرمیش لر تا بیر گون بیزی قوبان کیمی کسسن لر.

بو سوزلردن فیکیره جووماراق، کبتابلاردا دیققت ادیریک. بللی اولور کی بیزیم اوکوللاردا، ائنیوئرسیته لرده اویرندیگیمیز، بئیین یئخامادان باشقا چوخ بیر شئی یوخوموش.

ایندی، او ایللر و او بیلگیلر بیزیم بیر پارچامیز. بیز اونلاری دانارساق، آتارساق، ائوزوموزدن بیر پارچانی دانماقا، آتماقا مجبور قالاریق. آتالیم می؟ آتمیه لیم می؟ دییه دوشونوروک.

بو دوروم ثابیت ادیر کی اگر بیز، دیپلم، یوکسک دیپلم، لیسانی، لوکسک لیسانی، دوکتورلوق یا پوروسورلوق آلمیشیقسا، اصلینده بیزلره بئیین یئخامقلاریندا و یالان پالانلارلا دولدورولماقدا دیپلم، لیسانی یا دوکتوراوئرمیش لر. نه قدر داها درین "برئین واش" اولموشوقسا، او قدر یوکسک مدرک ایله بیزیم بئنیمیزین درین یئخانماسین تصدیق اتمیش لر. آز درس اوخویانلار، آز برئین واش اولوب دور. اگر پورفووسور، درس دییرسه، اونون برئین واش اولماسی هم دینله شیر همده اویرنجیله رین بئینین یئخاماقلا مشغول دور. ایندی بیر نئجه بو برئین واشلیقدان قورتاراق.؟

بونا بنزیر کی سیز محمد حضرتلیندن ائونجه وارسینیز و بیر دینه ایمان گتیرمیسینیز. ایندی ایسه محمد حضرتلری آللهین طرفیندن گلیب و سیزه دئییر کی منیم دینیمه گلمه لیسینیز. سیز نئجه، ایللر بویو زحمت چکدیگینیز دینی، اوندا اوزمان اولدوقونوز دینی رد اده رک، یئنی دینه گلرسینیز؟ بو چوخ زور قرار دیر. چون او دین سیزین بیر بویوک پارچانیز دیر. اونو آتیرسانیز، بیر بویوک بوشلوقا دوشرسنیز. اونون یالان یا دوغرو اولماماسینا اینانمالی سینیز. بیر پوخ ساحه لرده ایشینیز، گوجوزنوز، ایلگیلرینیز، کارلارینیز و ... آرادان گئدر یا آزالار. هر شئیی بوشلاماق و یئنی دن باشلاماق قولای می؟ چونکو او دین و دینچی لر الی ایله برئین واتش اولموش و اونلارا اینانمیشیقو منیسه میشیک. اونا عوصیان اتمک اولابیلر و قولای می دیر؟

باشقا بیر اورنک: اصلینده من ایرانچلیق، پانفارسلیق، پان ایرانیستلیک، تورک دوشمانلیقی، تورک دوشمانلیقی ایلهه درس اوخوموشام، تورکلره توهین، تحقیر اتمک ایله بویلانمیشام، تورکلره جوک دئمک له، تورکلری اله سالماقلا، تورکلره گولمک له، تورکلره گولدورمک له، تورکلری گولمه جه یه چئویرمک له و بونا تای اسگیکلر و بویله  بیر ایدئولوژیسی ایله بویا باشا چاتمیشام. من بویام. بیز بویوق. بو.نلار بیزیم بیر بویوک پارچامیز. بونلاردان قورتارماق قولای می دیر؟

یازارا توبه ادئنین چلیشکیلی یاشامی حاقدا یازیر" اگر بیر آدام سوموگه یه یئرلشیرسه، یاواش یاواش سومورگه چیه دونوشور" و او شئی اولار کی اونون یولوندا حرکت ادیر. اونون ذهنینده بیر موقدس وارلیقا دونوشوب. "چونکو بو آدام یاریم آغیزلا الشدیردیگی  آیرئجالیقلارا قاتیلیر و اونلاردان یارارلانیر. یورتداشلاریندا داها پیس موعامیله گورور مو؟ یولجولوق ادرکن، عاینی (سومورگه چی لره وئریلن) قولایلیقلاردان یارالانماز می؟ بو پرستیزلر کی اونون اطرافین تدولدورموشدو، اونلاردان نئچه ال چکسین؟

اگر بو آشامادا، توبه چی بیر آز بونو یوموشالتسا، بو حوضورسولوقو و یاشامی دوزنله نر. یورتداشلاری اونو کندینه گلمه سی نی ائوزلرینه وظیفه بیلرلر؟ نئجه کی گونئی آزربایجانلیلارین آیدینلاری، یاتانلاری آیئلماقا چالیشیرلار. باشدا، اونون تقصیردن، گوله رک، باغیشلارلار. چونکو، بونون یاشادیغینی،  یورداشلاری دا همن دورومو یاشامیشلار و اونودا آنلایئرلار.

یانی یولداشلار، دیشداکی گرچکلر، یولداشلار، ذهنسل چلیشکی لر، اون بیر یونه سورمه لی دیر. اورتادا و ایکیلی قالاماز. چونکو، سومورگه چی لرین دوشونجه سینده، "هیومنتار اولماق" اینسان حاقلاری ایله دوشمن و خسته لیک کیمی دیر. فرق اتمز کی دوشمان صفینه گئده یا اینسان حاقلاری طرفداری اولا. بونلارین ایکیسی ده عاینی دیر.

اگر بو آدام ایسترسه ایچیندگی چلشکینی سورسه، سونوندا بیله جک کی ائوز ائلینین ضیددینه بیر ساواشی اعلام اتمیش اولار. بو آدام سومورگه چیلیگی تهبوکیه آتمیش اولور. وطنداشلارینین اعتراضلارینا شاشمامالی دیر. بو سومورگه چی، وطنداشلارینا گوره، بیر خایین دیر. نئجه کی یورتداشلارینین ورالیقین دا تهلوکیه آتماقدا دیر.

مثلن، میلیونلار آزربایجانلی نین تورکچو اولماسی طبیعی دیر و خبر اولماز. چون اونلار تورک دورلر آمما اگر بیر سومورگه چی و فارس یا پانفارس و پان ایرانیست دونه و تورکچو اولا، اونملی دیر و خبر اولار. نیه کی اونون فارسچی و ایرانچی، اینسان حاقلاری ایله دوشمن اولماسی، دئموکراسی ایله ضید دوشمه سی، اینسانلارین حاقلارین، دیللرین، واراولوشلارین اینکار اتمه سی گرکیرو بو داورانیش اونون ائوچون دوغال دیر. دوغال دئییل کی بیر فارس، تورکلرین میللی حاقلاریندان مودافیعه اتسین.

یازار یازیر: اگر بیر گون عدالت قورولدو، بونلار قوربان اولاجاقلار. نه ائوچون ایندیدن، کندلرینی قوروماسینلار. کئشکه تاوئرلارینین عدالتسیزیلینه اینانسین لار. اگر سومورگه چیلر، عدالتی قبول اتسه لر، عدالتدن کارلی چیخاندا اونلار اولاجاقلار. اگر بو سومورگه چی عدالته اینانیرسا، حوقوقا، اینسان حاقلارینا، دئموکراسیا اینانیرسا، اوتورون یولونا گئتسین. اگر سومورگه چیلره قارشی بیر ایش گوروسه، اونلار اونا دیش دیشه، گوزده گوره جاواب وئرجک لر.

انصافعلی هدایت

تورنتو - کانادا

15.05.2022