کیتاب اوخومالییق: سومورگه‌چی و سومورگه‌لشتیریلن‌لر - 23

 کیتاب اوخومالییق: سومورگه‌چی و سومورگه‌لشتیریلن‌لر - 23

یازار: آلبرت مئمی 

30.05.2022

کتابخوانی در باره «استعمارگری و مستعمره شدگی» 

https://www.instagram.com/tv/CeMdloQFacN/?igshid=YmMyMTA2M2Y=

یازارین باخئشینا گورا، "سومورگه اهالیسی، قورتولوش ساواشیندان سونرا، دینچی یا تئوکرات بیر ائولکه قورار یادا بیرئی لرین حاقلارین قبول اتمه ین بیر گله جه یه گئده بیلر. توم آغیللی باشلی، سوروملولوق صاحیبی  آصلا تئوکراتیک دئییل دیر."

بو جومله ده، یازار سوموگه نین گله جه ییندن دانیشئر. اونا گورا، ان باشدا، سومورگه قورتولوش ائوچون ساواشمالی دیر. سومورگه چیلیک ایله سومورگه لشتیریلمک دن قورتارماقین یولون ساواشدان باشقا یول گورمور. چون سومورگه چی، گوجلو دور. سومورگه دن چوخلو قازانجلار الده ادیر. بو قازانجلارین ائونم چوخ اولدوقوندان وف هابئله سومورگه چیلرین ریفاهین تامین اتدیگیندن، اونو الدن وئرمک ایسته میر. او بیری طرفدن دهف سومورگهلشتیریلن لرده باغیمسیزلیقایستیرلر. ایستیرلر ائوز وطنلریندن، وطن صاحیبی اولسونلار. اونلارلا وطنسیزلر کیکی موعامیله اولونماسین. میللی حاقلارین صاحیبی اولسونلار. عاینی حالدا کی بعضی سومورگه چیلر مئتروپولدا (سومورگه چینین توپراقلاریندا) دئموکراسییه، آزادلیقا، اینسان حاقلارینا دا ائونم وئریر آمما سومورگه اهالیسی ایله عاینی چرچیوه لرده یولا گئتمیر. یانی، سومورگه چیلیک او زامان داوام تاپار کی دیکتاتورلوقا، سیلاحلارا، زورا، قورخویا، سویقیرملارا، حاقسیزلیقا، قانونسوزلوقا، اوستونلویه، آیری سئچگیلیکلره تای قاوراملارلا سیاستلره دایانار.

طبیعی کی اگر سومورگه چیلر بو یول یونتملردن ال اورلرسه، دئموکراتیک، یاساسال، حووقوقسل، ائوزگورچو بیر سیستیم قورارسالار، سومورگه چیلیک اولاسئلیقی (ایمکانی) آرادان کوچر. سومورگه چیلیک محو اولار.

البتته سومورگه چیلیک سیستیملریندن بیر ایستیثنا وار. اودا، اینگیلستان سومورگه چیلیگی دیر. اینگیلیستان، چوخ عاغیللیجا سیاسال بیر توتوم توتموش. بو تجروبه نی ده اوزون ساواشلاردان سونرا الده اتمیش. اینگیلیس حوکومتی، اویرنیب: سومورگه لر سربست اولماق ایستیرلر. ایر ده بو یولا چیخمیشسالار، گئجی یئزی سربست بیر ائولکه نی قوراجاقلار. بو سورجده، یوزلرمین کیشی هر ایکی طرفدن ائوله بیلر. اورتادا بیر بویوک دوشمانلیق گئچیلمز دره قالابیلر. عاینی حالدا، توم کارلاردا بوتونلوکده الدن چیخار. سومورگه نین خام مادده لری ایله بازاریدا باشقالارا ائوز چئویرر. بوندان دولایی، اینگیلیسلر، یا یوز یا صئفئر سیاستیندن ال چکرک، بولوشمه و امکداشلیق سیاستینه دوندولر. بوندان دولایی، کانادا، اوستورالیا، هیندیستان، ایرلند کیمی سومورگه لره سربستلیک وئرمه نی سئچدیلر. عاینی زاماندا، اونلاریایکی طرفلی دوستلوق و امکداشلیق سیاستلری ایله اینگیلیستانا یاغلادیلار. اصلینده، اونلارا بیر فئدرال سیستیمه بنزر بیر سیستیمده، یئر وئرمیشلر و اونلاری اینگیلیس چئخارلارینا باخاراق ایداره ادیرلر. بئیله گورونور کی او ائولکه لراینگیلیستاندان ائوزگورلر آمما میللی دئولتلری، پارلئمانلاری، قانونلاری، قوروملاری، اوردولاری، سربست سیاستلری، اکونومیلری، دونیا ایله آل وئرلری وار آمما درینلیکلرده، اینگیلیس کراللیقینا، سیاستلرینه، جیبهه سینه باغلی دیرلار. لندن ده کی ملکه، اونلاریندا ملکه سی دیر.

عاینی حالدا، او میللتلر، ائوزگو درگیلر، قازتلر، رادیولار، تیلویزیالار، ائورگوتلر، پارتی لر، صاحیبی دیرلر. حتتا اینگیلیس دن توم باغلارین گسه رک، سربست اولماق ائوچون "بولوجو" قاورامی آلتیندا پالیشان سیاسال پارتیلروار. ائورنک ائوچون، بو پارتیلردن بیری ایرلندین قورتولوشو ائوچون اوزون ایللر سیلاحلی ساواش آپاردی. اینگیلیسلردن بیر چوخ ایش باشیندا اوتورانلاری تیرور اتدی. ایرلند اهالیسیندن ده بیر چوخو ائولدولر. اینگیلیس شاعلیقی بو سیاسال قارقاشایا سون وئرمک ائوچون، بولوجو پارتینین توم چالیشمالارینا، پارلیماندا سیاسال ساواشئنا بویون ایرک، اونلاری سیلاحسیزلی ساواشی بوراخماغا سوردو. سیلاحلی قورتولوش ساواشی یئرینه، ریفراندومو قبول اتدیلر. بیر نئچه کره، ریفراندوما گئدیبلر آمما ایستیقلالچیلار ائدوزوبلار.

بو سیاست، دوغرو گورونورسه ده، دوغو ائولکه لرده، قبول گورونمور. ایرانلا چین بو سیاسته بویون ایمیرلر. اونلار، سومورگهلرین ساخلاماق ائوچون، ان سون ثانییه دک، سیلاحلار، قورخو ایله، قانونسوزلوقلالارلا او میللتلری سوسدورماغا، هابئله بئیین لرین یئخاماغا، اونلاری دئوشیرمه یه چالیشیرلار. او میللتلرین حاقلارین، کیملیکلرین رسمییته تانیمیرلار. اونلارین کیملیکلرین، سومورگه چیلرین ایسته دیگی توردن آنلاتیرلار. بودا، ایکی طرفین آراسیندا اولان کسینتینی و قئریقلیقی هم گئنیش همده درینلشدیریر.

یازارا گورا، گئجی تئزی سومورگه اینسانی کندینی تانیمالی، فرقلیکلری دوشونملی، ائوزونه حاقلار و کیملیکلر تعریف اتمهلی، سومورگه چیلرین تعریفلرندن قوپمالی، کندینه ائوزل تعریفلری یازیب، یایمالی و اونلارا اویقون داورانمالی دیرلار. بو گئدیشاتین سونوجو ایسه، قورتولوش ساواشلاری، ائولدوروب، ائلمه لر اولاجاق. ساواشین سونوندا، سومورگه قورتولاجاق. میللتلر کندی ایراده، ایستک لری ائوزره، میللی حاکیمیتلرین قوراجاقلار. بو زامان دیر کی قورتولوش ساواشا یارارلی اولان ایدئولوزی، ائولکه نین سیاسال حاکیمییتینه رنگین وورابیلر. اودا دینچیلیک اولابیلر. دین ایدئولوژیسی، بوتون میللتی دوشمان و سومورگه چی قارشئسیندا بیرلشدیمیش ادی. اینسانلار، دینه سارئلاراق، شهید اولورلاردی. هر گون، کی ایرلی گئدیردی، دینه و دینچیلره داها چوخ اینانیرلاردی. نه دن، دینچیلیک حکومتی الینه آلماسین؟

او گونه دک کی قورتولوش ساواشلاری ایرلیر، دین، دینچیلیک، هابئله دینچیلر پرابلم یاراتمازلار. یادا پرابلملر گوز ائونونه چیخمازلار. چون ساواشلا ایلگیلی اینسانلارین دوشونجه لری بیر نئجه یئرده بیر بیرلری ایله اوست اوسته دوشوشورموش. ان اونملی ایستیراتئژی ائوچون، ایختیلاف یئرلرینده، دالی اوتورورموشلار. بویوک مصلحت ائوچون، کیچیک قارشیلیقلاری گوز آردی ادیرلرمیش. باشقا بیر یوندن باخارساق، توپلومون یا توپلولوقلارین بیر چوخ دولوملری هر نه دن دولایی قورتولوش ساواشلارینا قوشولمامیشلار. آمما سربستلیک زامانیندا، هم قورتولوش ساواشیندا ایختیلافلاری گیزلدنلرین ایختیلافلاری همده توپلوملاردا و توپلولوقلاردا اولان بوتون دوشونجه لر، باخیشلار، ایدئوولوژیلر ده اورتایا چیخار. سواراوش زامانی بیر بوتون گورونن توپلوم یا توپلولوق، بیردن بیره بیر چوخ رنگلی، دوشونجه لری، یول یونتملی دوروملا قارشیلانیر.

طبیعی کی ساوشچی و سیلاحلی تجروبه لری دینچی لرین (هر هانکی ایدئولوژی صاحیبلری) گوجو اوستونلوک قازانار. همن ایدئولوژییه اولان دویقولار و علاقه لردن دولایی، اونلار، یئنی حاکیمییتی، قانونلاری و قوروملاری دینچیلییه زورلارلار. بو زامان، دئموکراتیک دوشونجه لر، سولچولار و باشقا باشقا دوشونجه لر، چوخ آجی و دوزولمز بیر دئورانی گئچیره بیلیرلر. اینسانلارین بیرئیسل و توپلومسال دئموکراتیک حاقلاری اورتادان قالدیریلار. بیر چوخ فرقیلی دوشونجه صاحیبلری ائولدورولر، حبسه آلئنار.

بورادا دیر کی "آغیللی باشلی، سوروملولوق صاحیبی آصلا تئوکراتیک اولاماز." یازار دئدی. بو سور دوغرو گورونسه ده، عجبا، سومورگه چی و سومورگه لشتیرمک ایشلملری آغیللی باشلی آداملارا یاشاما ایذنی وئرمیش می؟ عجبا، اینسانلارین باشلارین عاغیل قویموشلار می؟ عاغیللیلیق نه دئمک دیر؟ عاغیل نه دن عیبارت دیر می؟ سومورگه اینسانیندا ساغلام عاغیل بوراخیلیب می دیر؟

بو جور سورورلارین آچیقلاماسی لازیم دیر. آن اونملیسی ده "عاغیل" قاوراملی یدر.عاغیل سئوزجویو، بیر قاورام دیر کی اینسانلار، بیر سورو بیلگییه، دئنه ییمه (تجروبه یه) وهر بیرئیین آلدقلاری یئنی سونوجلارین بوتونونه، آد اولاراق وئریلیر. آمما بو بیلگیلر، یئنی سونوجلار و حتتا تجروبه لر هاردان گلیر؟ قایناقلاری نه لر دیر؟ یانی عاغیل دئدیگلری وارلیقین کوکو هارایا دایانیر؟

بیلگی لر، بیر سورو سوزلر، اینیانجلار، دوشونجه لر و یایقین جومله لر، دویقولار، حوکملردن و حتتا تکنولوژی دئورینده فئرلانان بیلگیلردن عیبارت دیرلر. اینسانلار بو بیلگیلرله بیر بیرلر ایله ایلگی قورار و آل وئر ادر، بیربیرلرین آنلارلار. بیلگیلرسه عاینی اولمازسا، آنلاشامازلار. اورتادا موشکول چیخار. بوندان دولایی دیر کی بیلگیلر، توپلوملاردا و احتیاجلارا گوره ائورتیلر. بوندا دولایی دیر کی اینسانلار او بیلگیلری دوغوشلا گتیرمزلر. بلکی دوغوشدا اللرینده اولدوغو بیلگیلرین سایی بئله چوخ آز اولور. توپلومدا، بعضی بیلگین، چالئشقان، تجروبه لی، جسور، ریسک آلان اینسانلار، یئنیلیکلر یارادار و اونلاری بیلگییه چئویریر. توپلومدا اونون منیمسه یه رک، یایقین حاله گتیریر. اگر بیلگی ساحه لری چوخ اولورسا و اینسانلارین اونلاری تجروبه ایله ادینمک واراولوشو آز اولوریسه، بیر سورو اینسانلار او بیلگیلری اویرتیرلر. بیلگی، بیلگینلشمک و بیلیسیزلشدیرمک توپلوملار آراسی بیرگوجه چئوریلیر. سیلاح کیمی ایشلر. هر بیرئی یا هر هانکی بیر توپلوم داها چوخ بیلگی صاحیبی اولورسا، یا داها کی چوخ بیلگی ائورتیرسه، او بیرئی یا توپلوم داها چوخ گوجلو اولور. گئجلو اولدوقوندان، باشقا بیرئی لری یادا توپلوملاری قولایجا یئنه بیلیر. اوندان دیر کی بیلگی بیر کسگین سیلاح دیر و قازانج یارادیر.

بورادا دیر کی دئولتلر بیلگینین توم آلانلارین، یونه تملرینه آلماق ایسترلر. بو بیلگیلره دایاناراق، باشقا اولوسلاری یئنرلر و اونلارین بیلگیلرینده ایسته دیگلری دئییشیملری وئریب، اونلاری کندی یونه تیملرینده ساخلاماغا چالئشیرلار. بوردا دیر کی دئولتلر، بیر پارا بیلگیلری سئر دییه، باشقا بیرئیلردن و دئولتلردن گیزلی توتارلار. نیه کی بیلگینلیک گوجسه، بیلگیسیزلیک ده گوجسوزلوک دور.

ایندی، بیر بیلگین دئولت، بیلگیسیز دئوللتلری و اولوسلاری یئخار. اونلارین توپراقلارین غصب ادر. آمما او گونه دک کی یئنیلمیش اینسانلارین بئینین ایشغال اتمهع میشسه، یئنمیشلر عوصیان ادر و تهلوکه یارادار. بوندان دولایی، ظفر قازانمیش و بیلگین دئولت، بیلگیسیزلرین بیلگیلری و بیلگی آلانلاری ایله اوینار. بیلگیسیزلره یاریم یامالاق، ایری بویرو بیلگی وئریرسه، نه اولور؟ باخیشدا، اونلارین اوکوللاری وار، ائونیوئرسیته لری وار. اویرتمن لری، خوجالاری وار، دیللری، دین لری وار. تکنولوژیلری وار. اونملی ائونیوئرسیته لردن لیسانسلاری، دوکتورالیقلاری دا وار. هامی ساوادلانیب، بیلگیله نیب دیر. آمما ایر بو بیلگیلر ائوزل بیر آماجلا دئییشمیش اولورسا نه اولور؟

سومورگه دئولتی، ائوزل آماجلاری ائوزه ره، بیلگیلری دئییشدیرمک ایله، بئله گورونور کی اینسانلاری بیلگیلندیریر آمما آصلیندا، اونلارا بیر بیلگیلر وئریر کی اونلارین عاغیل گوجون، پوزسون. نییه کی عاغیل گوجو، بئیین ده اولان بیلگیلردن سونوج آلماق گوجو دور. اگر بیر کیمسه یا دئولت بو سونوجلاری کندی آماجلارینا یونه تیرسه، او بیرئیلرین و توپلوملارین بیلگیلرین و عاغیللارین یونه تیر. بیلگی و عاغیللار یونه تیلیرسه ده، اینسانلارین ایلملری، دوشونجه لری، داورانیشلاری و تاوئرلاری کونتورول آلتینا آلینار. اونلارا او یاپای بیلگیلری وئریرلر کی اونلارین ایشلرین، دوشونجه لرین، رئاکسیالارین (عکس العمللرین) ائوز خئییرلرنه چئویررلر. اونلار بیلگی صاحیبی اولدوقلارین دوشونرکن، آصلیندا اونلاری، یاریم یامالاق، ایری بویرو بیلگیلر ایله دولدورموشلار و النلارین فرمانلارین اللرینه آلمیش و ایستدیکلری یونه یونه تیرلر. اونلار داها ائوزگور دئییرلر. اونلارین بئیین لری و بئیین لرینده کی دوغان "عاغیل" دئدیکلری گوج، سومورگه لشمیش دیر. سومورگه له شن ویونه تیلن بیر بئیین گوجو و عاغیلدان، دوغرو و خالیص بیر عاغیل گوجو گوزلمک دوغرو دور مو؟

ائوزتله دئسک، اگر بیلگیلرده ال آپارمیشلارسا، اونلاری بیر آماجلارا گوره قورقولامیشلارسا، همن بیلگیلنن بیرئی یادا توپلومون عاغیل گوجو کندی اللرینده دئییل. بیلگی ائورتنلرین اللرینده دیر. بیلگی ایله اونلارین بئیین لرین یئخامیشلار و ایسته دیکلری یول یونتمه دولایلامیشلار. بورادا خالیص عاغیل یوخ دور. خالیص عاغیل اینسان، بیرئی و توپلومدان دئشاریدا بیر وارلیق دئییل کی گئدیب، آختاریب، آلاسانیز یا اله گتیره سنیز. بلکی عاغیل بیرئیلرده و توپلوملاردا الده اولان بیلگیلردن فارقیلی سونوجلار آلماق گوجودور. آمما سونوجلاری الده اتمک اوچون، بئیینده کی توپلولوقلارا بنزر بیلگی لره دایانمالی دیر. نئجه هر بیر توخومدان، همن توخومخون گولو چیچیگی فیلیزله نر، عاینان ده بئیین ده توپلانمیش بیلگیلردن ده، اونلارا بنزر سونوجلار فیلیزله نر. بوندان دیر کی هر کیمسه بیلگیلری یونه تیرسه، عاغیللاری و توپلوملاری دا یونه تیر.

سومورگه چیلر، توپراق ایشغالیندان سونرا، توپلوملاری یونتمه یه چالیشیرلار. بو.نون ائوچونت، اونلار گرک توپلومدا کی بیرئیلرین بئیین ده کی بیلگیلری یونتسینلر. بیلکیلرین یونتیمی ایله توپلوملاریندا یونتیمین اللرینه آلابیلرلر. بونو دئمک ایسته دیم کی سومورگه لشتیریلمیش اینسانلاردا و توپلوملاردا عاغیل گوجوده ایشغال اولموش دور.

اورنک ائوچون، ایرانلیلارین ایسلامچی دئوریمین الده توتالیم. بو میللتلر نه دن ایسلامچی اولدولار کی؟ بونلار بیر سومورگه گوجو ایله می قورتولوش ائوچون ساواشا گیرمیشلر می؟ بللی. سورمورگه ایله سالواشدا دئییلردی. اوندا، نه دن ایسلاما و دینچی بیر حاکیمییته دوندولر؟ نه دن، دئوریمدن سونرا توم سیاسال قوروپلاری، غیری فارس میللتلرین ایستکلرین و ایراده لرینین قارشیسیندا دوردولار؟ نه دن یوزلر مین خانیملاری و ارکک لری اعدام اتدیلر؟

چون، مین ایکی یوز دوخسان دوققوز (اسفند 1299 یا 1921 مارچ آیندا) کودئتاسیندا سونرا، تورکلره قارشی بیر سیاسال سیستیم یاراتمالی اولدولار کی تورکلره قارشیدا قالئجی اولسون. بونون ائوچونده شوعوبییه لیک و فارس دیلی ائوزه ره بیر سیاسال سیستیم قوردولار. اوکوللاردا ردس اوخومانی زور اتدیلر. رادیولار، تیلویزیالار، مینلرجه قازئتلر، درگیلر یولا سالدیلار. میلیاردلار صحیفه یازئلار تورتدیلر. میلیونلار کیشینی دئولت سیستیمینده ایشه آلدیلار. یوزلر مین اوکول آچدیلار. میلیونلار اویرتمن تعلیم اتدیلر. یوزلر مین ائونیوئرسیته خوجالاری و دین خوجالاری اورتدیلر. فیلیملر، دیزی لر، موسیقی لر، تاترلار، کیتابلار، درکی لر، قازتلر، خوجالار، اویرتمن لر، و  ... فارسدان، فارچیلیقدان، شیعه دن و شیعه چیلیکدن باشقا بیر شئیلر، دیللر و شعوبییه لیکدن باشقا، دینلر تجرید اولدولار. قاچاق دوروموندا یاشامایا زورلاندیلار. بو گئنیشلیکده بیر سیستیم، بیرئیلرین و توپلوملارین، بئش نسیل بویوجا، بئیین لرین یئخاماغا باشلادیلار. یوز ایل ایچینده، بئش نسیل، فارس، ایرانچی و فارس شیعه چیلیگی اساسینا بیلگیلندیریلدیلر. اونلارین بئیینلرینه دوغرو بیلگیلر وئریلمه دی. عاغیللاری ایله اوینادیلار. عاغیللاری یانی بئیین لرین یئخایاراق، یئنی و ایسته دیکلری بیلگیلر ایله دولدوردولار.

همن بیلگیلر ائوزه ره، نه دن سیزلیکدن دولایی، دئوریمه قالخدیلار. ایسلام، موسلمان، شیعه اولمادیقلاری ائچون مو دئوریم اتدیلر؟ یوخسا یالان، یاریمچیق و ایری بویرو بیلگیلردن دولایی آیاغا قالخدیلار می؟ سونرا، فارسلیق و شعوبییه لیک ائوزرینه یئنی بیر تاجسیز شاه آمما داها دیکتاتور، داها گوجلو حاکیم ایشه گتیردیلر. نه دن؟ اونلاردان قاچمامیشلار دی؟ اونلارا قارشی دئوریم اتمه میشلر دی؟

یوز ایلده، بئش نسلین بئیین یئخاماسینی و یالانلارلا، یاریمچیلیق بیلگیلرله بیلگیلندیرمه نین سونوجو ایمیش همن دئوریم. شاهین تاجلی رئژیمین قالدیردیلارسا، تاجسیز، آممامالی شاهی ایشه اوستونه گتیردیلر. او گوندن بویانا، هئش بیر فرقیلی دوشونجه، قبول ادیلمه دی. یوزلر می گنجلر اعدام اولدولار. فارسلیق داها گوجلن دی. آنا یاسادا رسمی و تکجه دیل اولاراق، یئر آلدی. باشقا دیللرین آدی بئله گلمه دی. نئجه کی ایران و ایرنچیلیق، شیعه لیگه تای، فارس میللتچیلیگی اطرافیندا دوردو دولاندی. تورک شیعه لیگی، تورکلوک، عربچیلیک، و ... آغیر جزالارلا قارشیلاندی. توم پارتلیلرین آداملاری یا توتولاراق، ایشکنجه یه معروض قالدیلار، ائولدولر یادا قاچاراق، باشقا ائولکه لره سئغین یدلار. هئش بیر کیمسه، باشقاسینا رحم اتمه دی. آتا بالایا، بالا آتایا جاسوسلوق اتدیلر. توتدوردولار. اعدام اتدیلر. اعدام اولونانلارین عاییله عوضولرین شادلیغا و تاتلی پایلامایا زورلادیلار.

حتتا باشقا اولوسلارین ایچینده دئوریم یاراتماق ائوچون، اورتام یاراتماغا چالیش دیلار. عراقا هوجوم اتدیلرو سگگیز ایل، هر ایکی طرفدن یوزلر مین آداملاری ائولدوردولر.

بو دئوریمچی نسیل، بیر ساواشدان چیخمامیشلارو قورتولوش ساواشی آپارمامیشلار. آمما عاغیل گوجلری، بئیین لرینده دی ایر یالان بیلگیلره دایاناراق، اونلاری بورایا چکیب گتیردی.

ایندی ایسه، ایراندا بیر چوخ اولوسال حرکتلر جریان ادیرلر. اونلاردان بیریسی ده تورکلر و تورکچولوک حرکتی دیر. بارادا، منه تای بیرئیلر اینانیرلار کی بیزلره، بئش نسیل بویو وئریلن بیلگیلرین هامیسی یالان، یاریمچیق و ایری ایمیش. آمالاری ایسه، عاغلیمیزی ایسته دیکلری یولا تونتمک ایمیش. بیزم بیلگیله ریمیزین تومو، بیزلری یالان و یانلیش قرارلارا، توتوملارا، یوللارا، دوشونجه لره یونتن بیلگیلر ایمیش. بونلاردان قورتارماق لازیم دیر. او گونه دک کی بیز همن یوز ایلده کی بیلگیلره دایاناراق یولا چئخساق، فارسلار گئتدیگی یوللاردان باشقا بیر یولا گئتمه ییز. بو.نون ائوچون، فارقیلی بیلگیلر الده اتمه میز گرکیر تا عاغیل گوجوموزدهف فارقیلی سونوجلار آلسین. یوخسا، فارسلار گئتدیگی یول، یونتم، یونه تیملر، دوروملار، سونوجلار بللی یدرلر.

دئولتلر توپلوملاری،بیر فابریکا (کرخانا)، بیرئلری ده ائورن توتورلار. مثلا، توپلومو، بیر ایچگی فابریکاسی دوشونون. بیرئیلری او قاب، جان یا پیلاستیک دوشونون کی فابریکا اونو بیر بللی رنگلی، دادلی ایچگی ایله دولدوراجاق دیر. دئولتلر، ائوزللیکله ده فارس دئولتچیلیگی توپلومدا کی اینسانلاری کندیسینین ائورتیمیش اولدوقو ائورنلر گورولردیر. اونلارین ایچین، بئینین، دویقولارین عاغیللارین هانکی یولدا یونتمده ایستر، او جوره دولدولار. آمما اینسانلاردا بیر عوصیان، قارشی دورماق، دئییشمک سیستیمی ده وار. دوغرو دور کی بئیین یئخانمانین اتکیسی چوخ زورلار آزالیر بلکه ده هئش بیر زامان آرادان گئتمز آمما دئییشمک اولار. بیز تورکلرده دئییشیمه دوغرو یولا چیخمیشیق. آمما او گونه دک کی فارس میدیاسیندان، فیلیملریندن، دیزیلریندن، درگیلریندن، قازئتلریندن، موسیقیسیندن، اویونلاریندان، حتتا فارسلار ائورتدیکلری ماللاردان آلئرساق، ائورتیرسک، اونلارین بئیین یئخاما سیستیمینین اتکیلریندن قورتولوشوموز اولاناقسیز گورونور.

انصافعلی هدایت

تورنتو - کانادا

10.06.2022