کیتاب اوخویاق: دوشمنله ساواشدا ایستیرتئژی‌لر - اؤتوز‌ائوچ
بوگون، اؤن‌ایکی اینجی فصیلی باشلایاراق سؤنونادک اؤخودوقدان سونرا، سون فصیلی‌ده اؤخوماغا باشلادیق.
یعنی، 153، 154، 155، 156، 157 و 158 اینجی صحیفه‌لری اؤخودوق.
اؤن‌ایکینجی فصیلده، ساواشدا «اود»دان قوللانماق حاقدا سؤز گئدیر.
بیر - ساواشدا، اوددان یارارلانماق ائوچون بئش یول وار: 1- آداملاری یارندیرماق. 2 - بیریکدیریلمیش‌لری (دالدالیقلاری - ذخیره‌لری) یاندیرماق. 3 - شئی‌لری (آلات و ادوات آنبارلارین) یاندیرماق. 4 - سیلاح آنبارلارین یاندیرماق. 5 - آتیلابیلیر اود شئی‌لریندن قوللانماق.
ایکی - دوشمنین ایچینده‌کی خایین‌لر و‌جاسوسلاردان اود وورماق ائوچون ایستیفاده ادین.
ائوچ - اودو ایشه توتارکن، هاوانی گؤز اؤنونده آلین.
دؤرد - همه‌شه، ایشه توتدوقونوز سیلاحلار، الینیز چاتان یئرده اولمالی دیر.
بئش - هر زامان، سیلاحلار قوللانماقا حاضیر اولمالی دیرلار.
آلتی - دوشمنین ایچینده یانقین باشلایارکن، ائشیکده‌کی ایشلری، بیرلیکده باشلایئن.
یئددی - اود ووراندان سونرا، دوشمن، ال ایاقین ایتیرمزسه، حمله ائتمئیین. اؤ زامان کارلی چیخارسیز کی دوشمن هول ولولییه دوشسون.
سگگیز - یئل، اؤدو گتیریرسه، حمله ائتمئیین.
دوققوز - اود وورانلار، گرک ال‌بیرلیک و چوخ گیزلیلیک ایچینده بیر بیرله‌ریله چالیشسین‌لار.
اؤن - سو و سئل یاراتماقدان‌دا، اود کیمی دوشمنی یئخماق ائوچون ایستیفاده اتمک اولار.
اؤن‌بیر - سو دوشمنی آیئرئب، تک سالا بیلر آمما اونون آنبارلارینا ضرر وئره‌بیلمز.
اؤن ایکی - هر او آتلیم (آددیم) یا ایش کی دئوولت و میللت ائوچون فایداسیز دیر، اؤندان اوزاق دورمالی دیر.
اؤن ائوچ - اگر بیر ایشده، باشاریلی اؤلمایاجاقسینیز، اؤ ایشه گیرمه‌یین.
اؤن دؤرد - قیزماق و کین کودورت ائوزیله ساواشا گیریلمز. آدام، سویویاندان سونرا پئشمان اؤلابیلیر. آمما ائؤلولر دیرلمز. دؤولت یئخیلیرسا، بیر داها قالخابیلمز.
کیتابین سون بؤلومو، جاسوسلوق حاقدا دیر. جاسوسلوق، اصلا و ابدا پیس ایش دئییل. بلکه دونیانین ان کیلاس و اؤنملی ایشله‌ریندن دیر.
بیر شرطله کی ائوز یورد، ائوز ايل (ملت)، ائوز دؤولتی‌وین (دؤولتچیلیک) کاری اوغوروندا اولا.
جاسوسلوق او زامان قینانمالی و موجازاتلانمالی دیر کی باشقا دؤولت‌لر، یوردلار و ائل‌لر کاری یؤلوندا اولسون. ائوز یورد، ائل و‌دؤولت کاری یولوندا اؤلورسا، دونیانین ان جسور، قهرمان، عاغیللی ایشی و خیدمه‌تی حساب اولار.
بو فصیلدن ده ایکی صحیفه اوخودوق آمما گلن گون، جاسوسلوقون اؤنملی یئریندن داوام اده‌ریک.
No comments:
Post a Comment