مهندسی جهل 190
کیتابین آدی: پیز ثانی رساله سی (مکتوبات حقایق غایات عارفانه)
نسخه نی یازان: ابراهیم بن عثمان ابن محمد
یازی تاریخی: 1127 هیجری قمری
نسخه تاریخی: 1310 هیجری قمری
یازینین طورو: ال یازما
الیفباء: تورکی-عربی الیفباء
یازی دیلی: تورکجه
یازنین قونوسو: عیرفان (شیخلر ایله پیرلرین سیلسیله سی)
بو گونکو ایجلاسیمیزدا تورکجه ده، بیر درین، اوزمانلیق (تخصصوص)، عیرفان، و 320 ایل یاشلی بیر کیتابلا تانیش اولدوق. بو کیتاب، اوستادلارا، اویرتمن لره، پیرلره، شیخ لره چوخ درین حورمت بسلییه رک یازیلمیش کی بو کون بو جور اویره تیمین یئری بوشدور. ایله اویره تیم کی اویرتمن لر یا موعللیم لر، اوخوجولارین چئخارین تاپیب، اونلاری اوز چئخارلاریندا یونلتمک کره کیر. آمما بو سیستیم ایران آدلانان یئرده اولومسوز دور. بلکه موعللیم لر ایران دئوله تینین ایشکنجه مامورلاری دیرلار تا اوشاقلار و کنجلرین ایستیدادلارین (چئخارلارین) اولدوروب، اونلاری دئولتین ایسته دیکی "مالا"، ایشچییه، عسگره، ایشکنجه چییه و ... چئویره لر. کوکونو دوشونورسک، او موعللیم لرین آماجی و اونلاردان ایسته نیلن ایش، اوشاقلارین چئخار قولقانادلارین ووروب، سئندئرئب، آسیب، کسمک دسر. هابئله، اونلار، دئولت وئرن برنامه لر، کیتابلار، یول ئیونتیم لر اوزره، اوشاقلاری هامیسی، جوربه جور چئخارلی اوشاقلاری، بیر قالئبا سوخوب، اورادا اونلاری او قدر ساخلامالی و عومورلرین سوردورمه لی لر کی او اوشاقلارین بئیین لری، دوشونجه لری، جانلاری، داورانئشلاری، گوروشله ری، یئریشلری، دانیشیقلاری، باخیشلاری، آنلایئشلاری، و عکسوالعمل لری ایران دئولتی و حاکیم طبقه نین ایسته گی اوزره شکیللنمیش اولالار. کی هئچ بیر زماندا و چاغدا ایران دئوله تینین سیاست لرینین و ایستک لرینین ترسه سین دوشونمه یئّ، ترسینه داورانمییه لر.
بو کیتاب درین و تعلیم اوچون یازیلمیش بیر کیتاب دیر کی یازان، اونون بیر چوخ صحیفه لرین، تاریخ بویو یازیلار و نسیلدن نسیله دولاناراق گلیب چاتان ساله لر و مکتوبلارا دایاناراق یازمیش.
بو درین کتابین اوخونماسی، توم تورکلرین دینه و عیرفانا باخیشنا سبب و تورک عیرفانی ایله تانیش اوئلمالارینا سبب اولابیلر. بو باخئشدان، چوخ اونملی بیر کیتاب دیر.
چون بیز تورکلر، ایسلامی و عیرفانی، قورآنی و دینی موللالارین دیلیندن آلمیشیق کی دوغرو اولما اولاسیلیقی چوخ آز دیر. نییه کی شیعه موللالار و ایرانلی-فارسچی یازارلار، ایسلامی، دینی، عیرفانی بیر سئرا چئخارلار اوزه رینه یازمئش و تانئتمئشلار دیر. اونلاری دوغرو آنلاماق اوزره، تورکلرین یازدیقلاری کیتابلار دوغرو قایناق دیر.
لازیم دئییل کی بونلاری اوخویاراقف حتمن، غاریف اولاق یادا دینچی اولاق آمما دینی و عیرفانی تانیماق ایسته ین کیمسهیه، دوغرو قایناقلارا ال تاپماسی لازیم دیر.
انصافعلی هدایت
٢٦ ربیع الثانی ١٤٤٧
No comments:
Post a Comment