اوزاقلاردا کی سئوگولوم.
سن اوردا تکجه
مینلر میل اوزاقدا
اوزانمیشسان تخته
دوکتورو، درمانی، گوزلرین بکلیر
اوره گین قورخودان
توپ کیمین آتئر
ایچینده، ده رینلرینده، یئللر اسیر
گوزله رین سددی آرخاسئندا
بیر دونیا طوفان دوروب، دایانئب
تیتره ییر ده نیزلر آلا گوزله رینده
قورخو، قارانقولوق جان آلیر
کیمسه دوشونمور سنی
هر کس، عشقینه، یاشامینا باش سورور
بیر اولدوز یانیر منیم ایچیمده سه نین اوجچون
بو دونیادا مندن سونرا
سنه جوزولده ین اولدوزمو وار؟
اوره گیم دارئخئر،
چیرپئنیر سه نین اوچون
گوزله ریم سنی آختاریر
ده رینلیکله ریمده کی اللریم سنی آختاریر
اوره گیمده کی قانلی اللر گوی اوزونه
اوزانئب تانری اتکینه آسلانئب
اوره گیم سنی، سنه دوگونور
سنه سئوینیر
قاپئندا دوروبان اسیر، یئسیر
سنه گوز تیکیب سنی تانریدان یالواریر
اللریم تیر تیر تیتره ییر
آللاهین قاپئسئندا
سنی او تانریمدان ساغ ایسته ییر
اوزاقلاردا کی سئوگولوم.
انصافعلی هدایت
27 اپریل
2025
No comments:
Post a Comment