جهالت مهندیسلیگی نه غلبه 192
جهالت موهندیسلیگی نه غلبه 192
کیتابین آدی: ارشادی اشعاری
یازار: ارشادی
یازینین تاریخی: بللی ده گیل
نسخه چی: بللی ده گیل
نسخه تاریخی: بللی ده گیل
ورق سایی: 82
کیتابین یازیسی: شعر
کیتابین قونوسو: عیرفان و سیاست (بیرلشمک-یارادئجئلئق)
الیفباء: تروکی-عربی
دیل: تورکجه
گئچن اوتورومدان، اوتورومون آدین، فارسجا؛ "مهندسی جهل"دن، تورکجه؛ "جهالت موهندیسلیگینه غلبه"یه چئویردیک. اوندان دولایی، دانئشئقئمزلا بیر، یازئلارئمئزیدا تورکجه یازماغا باشلادئق.
دوننکی کیتاب، تورک اینسانئنئن آنلادیقی و یاشادیقی عیرفان و عیرفانچی؛ "پیر"، "شیخ"، "موراد"، "سولطان"، "درویش" و کیمی عیرفان دونیاسئنین مقام صاحیبلرینه سئوگی و حورمت ساخلاماق حاقدا ایدی.
بو گونکو کیتابین قونوسودا ایسه، عیرفان و عیرفاندان، هابئله آلله و آللهدان، دین و دیندن، ایسلام و ایسلامدان اولان بیر آنلایئش اوزه ره شعرله یازیلمیش بیر قوشما (شعر) زینجیری دیر.
بو کیتابین یازی تاریخی بللی اولماسادا، قونوسو و قونونون نئجه آپاریلماسی و ایداره اولونماسی داها چوخ اونم داشیر. نییه کی یازار- قوشار، ساده جه اینسانین باشین قاتماق و آلداتماق اوزه، ساچا، خالا، لبه، گوزه و … قوشما قوشمامئش دیر.
ترسینه، قوشماجی عاریف، اوز قوشمالاریندا، اینساندان، عیرفاندان، دیندن، ایسلامدان، آللهدان، اوممتدن، میللتدن، بیرلیکدن، مینلیکدن، دیریلیکدن و ... یئنی بیر زینجیر دوشونجه اورتایا آتمئش گورونور.
سورو بو دور کی عجبا، بو طورلو دوشونجه لر، موسلمان تورک توپلومونون دوشونجه سی ایمیش یوخسا بیر نئچه عیرفان اهلینده و عالیمینده تاپئلب، سونرادا اولوب، ایتیب، باتئب، آرادان گئدیب می؟
یوخسا، تورکلر، بو طورلو رنگلی-فرقیلی دوشونجه لره دایاناراق، خیلافتی، دئولتی، اوممتی، تورک ائلین و تورلرین قازاندیقی یوردلاری (یوردلارین) ایداره اتمیش لر؟
بئله گورونور کی، بو طورلو دوشونجه لر، تورک و ایسلام توپراقلاریندا، سوستالدیقجان، بو طورلو دوشونجه و اینانجلارین یئرین، ساده جه مچیدلرده، ظاهیرده ناماز قئلماقلا و جهادی ترسه دوشونمک له، دوولتی، اوممتی، ائلی ایله یوردودا الدن وئرمیش و دوشمانا تسلیم اولموش لار.
بئله گورونور کی تسلیملیگین آنلامی، توپراقین تسلیمیندن، ساواشچیلارین تسلیملیگیندن گئچیب، دیل، دین، دوشونجه، باخئش، آنلایئش، گورورش و بیلیشی ده ایچینه آلئب دیر.
یانی، اوست اوسته، تورکلر، هابئله موسلمانلار، بئیینلرین ده دوشمانا وئرمیش و اونون وئردیگی بئیین، باخیش، آنلایئش، دوشونجه، گوروشلر ایله سئوینه رک یاشاماقدا دیرلار.
عجبا بو کیتابلارا دونمک، یئنی دن، بیز تورک و موسلمانلاری، میللتچی، دینچی، تورکچو، حورریتچی، حاقچی، گوجلو، و … یاپار؟ عجبا، بو طورلو آنلایئش و بئیینلر ایله، تورکلر و موسلمانلار، یئنی دن، بیر ائل (اولوس)، حتتا اوممت اولوبان، یوردوموزا دونمه یی و ئو.نیانب ایداره اتمه نی باجارارمی یئز؟
انصافعلی هدایت
٢٨ ربیع الثانی ١٤٤٧
No comments:
Post a Comment