جهالت موهندیسلیگینه غلبه 197
بیتیکین آدی: معراجیه
یازار و قوشماجی: اسماعیل حقی الجلوتی البروسوی
قونو: عیرفان ایله عشق
یازی طورو: قوشما - شعر
دیل: تورکجه
الیفباء: تورکجه-عربجه
چاغ: 1121
ساخلاندیقی یئر: ایستانبول بیلیم یوردو کیتابخانا سی
صحیفه سایی: 40
بو گونکو تورک اینسانینین یاراتدیقی اویغارلیقلاردان اولان دیل اویقارلیقی، یازی اولیقارلیقی، عیرفان اویقارلیقی، سئوگی هابئله سیوگیلی ایله بیرلشمک اویقارلیقیندان بیر میثال ایله تانیش اولماق فوصه تین اله گئچیردیک.
اوندان دولایی، بو بیتکینین اورتاقلیقی ایله، تورک دونیاسی و اینسانینین یاراتدیقی و میراثا قویدوقو یازی اویقارلیقیندان بیردرین و گئنیش دوشونجه ساحه ایله تانیش اولماق مجالین آلدیق.
یازار، بیر یاشام، دوشونجه و دین آنلایئشی پیری و مورادی، ایسماعیل حقی حضرتی نین باشقا بیر دوشونجه دریاسی ایله تانیش اولدوق.
کوکونده، ایسماعیل حقی رحمتلیک، حضرت محمد صلوات الله علیهین یاشام تاریخینین بیر بولومون اله آلاراق، اوستونلوک وئره رک، روحسال دوشونجه لرین اورتایا قویموش گورونور.
او، ایسلام آدلانان دینین رسولی موکررمی حضرتلرینین معراجین اله آلدیقیندان دولایی، بیتیکین آدی دا "معراجیه" قویولموش دور.
ان باشدا، دیل آچیب، اعتیراف اتمه لیدیر کی بیز، بو درین کیتابی، باشدان باشا، همده درین و دوشونه رک اوخومادیق. اونون اوچون ده، بونون درینلیک و آنلاملاری حاقدا دانیشماق حددیمیز دئییل دیر. بو جساره ته گیرمک، جاهیل جسارتی دیر. نییه کی او حضرتین حوضورونا ادبسیزلیک اتمیش اولاریق.
بونلا برابر، بو ناقیص دوشونجه میزله، یاریم یامالاق تورکجه میزله، داملا قه رد عیرفان و سئوگیدن اولمایان آنلاشیمیزلا، دوشونجه یارادانی؛ دوشونجه صاحیبی، عیرفانا و عشق اوقیانوسونا باغلانمیش پیری و مورادین، معراج قونوسونا بارماق باسدیقینی ایکی آچیدان باخماق ایستیر دییه دوشوندوک.
بیریسی؛ دوغرودان و وار دونیادا اینانیر کی رسول اکرم حضرتلری بیر سیلسیله آداب، آلتلر و یولداشلار ایله برابرگویله ره اوزالمئش- "معراج" اتمیش و بیر نئجه سیلسیله نی گئچیردیکدن سونرا، نور ازلی و ابدیه یه یاخیئنلاشماق ایمکانین بولموش دور.
ایکینجیسی ده بو دور؛ عاریف و دوشونجه صاحیبی، معراجی، مادی ایمکانلار و سیلسیله حرکتلر و گئچیشلردن کناردا، بیر سئرا روحسال حرکت، عیرفان، دوشونجه، ایچ دونیا اینکیشافی کیمی ده گورموش گورونور.
انصافعلی هدایت
٠٤ جمادی الاول ١٤٤٧
No comments:
Post a Comment