جهالت موهندیسلیگینه غلبه 199
بیکیتین آدی: فضولی
یازی گورونتوسو: الیازما
یازی چاغی: ببلی دئییل
الیازما نوسخه تاریخی: 1223 هیجری قمری (224 ایل
اونجه)
نوسخه چی نین آدی: بللی دئییل
دیل: تورکجه
الیفباء: تورکجه - عربجه
سئچیلمیش یازی طورو: قوشما ایله دوزیازی
صحیفه سایی: 118 ورق (158 صحیفه)
ساخلانئلان یئر: میللی شورا مجلیس کیتابخاناسی
بوگون، تورک دونیاسی اویقارلیقلاریندان داها بیر یازی میثالی ایله تانیش اولدوق. بو الیازما، گئچمیش چاغدان قالان میراث، تورکجه، اوزمانلیق ساحه سینده، یازیلمیش و میللی شورا مجلیس کیتابخاناسیندا ساخلانئلیر.
بو بیتیکین اوزه رینده، مجلیسین نئچه موهورو وورولوب. بو موهورلرده، میللی مجلیسین کیتابخاناسینین قورولوش چاغین 1202 یازمئشلار.
بئله گورونور کی ایران و فارس تحریفچیلهری، بو موعاصیر تاریخی، آپ آچیق دئییشدیرمک آماجین داشیرلاردیر.
نییه کی میللی مجلیس، قاجار دورونده، هابئله 1285 اینجی ایلده قورولوب دور. اوندان دولایی دا، کیتابخاناسیدا اونلا بیرگه چاغدا قورولو اولمالی دیر.
اینترنتده، الده اولونان عومومی یازیلارا باش وورارسینیز، گوره جکسینیز کی بیتیک ائوینین قورولوش چاغی، میللی شورا مجلیسینین قورولوشو ایله بیر زاماندا اولموش دور.
ایکینجی اونملی قونو کی بو کیتابدا گوزه چارپئر، فضولی حضرتله رینین دیلی و قلمی ایله یازیلان اون یازیدا گورونور.
بو اون یازی ایله بیتیگه بنزر، داها بیر بیتیکله، اونجه لرده تانیش اولموش ایدیق. اوراجانکی یادئمیزدا قالئب، دوز دور کی بو ایکی بیتیک، بیر قونونو و بیر تورک دوشونورونون، یازدیقی قونونو قلمه آلمیش گورونورلر آمما بو ایکی کیتابین، بو ایکی نوسخه چینین یازیلاری آراسیندا درین و گئنیش آیرئنتیلار گورونور.
بیزه بئله گلیر کی بو نوسخه ده، سوزله رین و جومله لرین قووروموندا، ال آپاریلمیش. نییه کی جومله لر کامیل اوخونمور. معناسیز، آنلامسیز، هابئله بیربیرله ری ایله ایلگیسیز گورونورلر.
بو آچئدان باخارسانئز، اوبیری ال یازمالاریدا تاپئب، بیربیرله ری ایله قارشیلاشدیرماق گره کیر تا دوزله غلط بللی اولسون.
بو اونملی ایش اوچون، ایکی نوسخه نین قارشئلاشماسی کیفایت اتمز، بلکه بیر نئچه نوسخه یه باش ووروب، بیربیرله ری ایله توتوشدورماق گه لیر تا دوغرویا یاخین بیر باخیش اله گلسین.
انصافعلی هدایت
٠٦ جمادی الاول ١٤٤٧
No comments:
Post a Comment