قار گلیر دومان کیمی
گوز، گوزه تامارزی دیر
جادده لر یوخا چئخیر
یولون سونو، گورمز اولوب
ایتیر یولچولار یوللاریندان
یوخ یول گوسته رن بیری
یوخ یولا اینانان بیری
یوخ یول گوسته ره نه اینانان بیری
بو قاردا، بو چیسگینده
ایمان ایتیر، اینسان ایتیر
دئدیلر؛ یوخ ایمیش پئیغمبره احتیاج
بو یولسوزلارا، بو ایتگین لره
بیر پیغمبره یوخ دئور اینانج
بوندان بئله، ایتن لر، ایتگین قالاجاق
یولون آزاجاق
داها ایتن لره ال اوزانمایاجاق
ایتگینلری، کیمسه آختارمایاجاق
آختارمایا ایمان یوخ
آل آتان، آتلانان یوخ
یولدان چاشان بیزله ره
چاشمیشسان دییه ن یوخ
ایندی
یول یوخ، ایمان یوخ، گومان یوخ
دومانلیقدا، یوللاری
گومانلیقلا گئدیریک آرتیق
گومانلا گئدن لره، آمان یوخ آرلتیق.
انصافعلی هدایت
15، فوریه 2025
No comments:
Post a Comment