عجبا آدلار، بیزه, آنا آتادان یادیگار اولورسا، اونلاری ساخلاماق زوروندایئق می؟
آتا آنالاریمیز، ائوز دوشونجه‌لرینه گوزه، بیزلره آد سئچمیشلر. آمما او دوشونجه‌لری هاردان گتیرمیش‌لر؟
فارسلاشماغا دوغرو گئدن و بئیین‌لری یئخانماقدا اولان توپلوندان.
او آدلاری، بیزلر، عومور بویو اولاراق، ائوزه‌ریمیزده، بیر سمبول و سیمگه کیمی داشیریق. بیز اولارین قولو کیمی اولوروق.
بونلان بئیله کی بیر چوخوموز، تورکجه کیملیگیمیز، تحقیر اولدوغوندان دولایی، آدلاریمیزی فارس آدلارئنا یادا موسلمان آدلارا چئویرمیشیک.
مثلا، منیم آدیم، شیعه‌لیگی و ایمام علی‌نی سیمگه‌لیر.
هر کیم منیم آدیملا تانیش اولورسا، ایستر ایسته‌مز، منیم موسلمان آمما علی شیعه سی اولدوغومو بیلیر و دوشونور.
ایندی اگر بیر تورک ائولادی، خسرو، پرویز، کوروش، ساسان، هما، فردوسی، آریا، پارس، فارس و ... کیمی آدلاری داشیر ایسه، هانکی دین یا میلله‌تین سیمگه‌لرین داشیر پ اونا خیدمت ادیر؟
طبیعی کی او آدامین آدی و ائوزو، فارسلارین سیمگه‌سی کیمین گورونور.
او آدام، فارس دیر می؟
یوخ.
زردشتی دیر می؟
یوخ.
آدی‌ایسلام و موسلمان آدی دیر می؟
یوخ.
بس کیمه قوللوقچو اولوب؟
فارسلار.
نیه؟
چون آتالاریمیزین بئیین‌لری یئخانمیش دیر و فارسلاشماغا دوغرو حرکت اتمیش‌لر.
ایندی کی بیز تورکلویوموزه دونوروک، بو آدلاری ساخلاماق و فارسلارین سیمگه‌سی اولماق دوغرو مو دور و بیزلره یاراشارمی؟
دوغرو دئییل و یاراشماز.
اوندا، بیزه، نه لازیم اولار؟
اوندا، بو آد و سیمگه‌لری داشیماق و فارسلارا قول اولماقدان، بوس‌بوتون قورتارماق گرکیر.
انصافعلی هدایت
No comments:
Post a Comment