آللهین موجوزه‌لری،
بیزیم، دوشونجه، اینانج و ایراده‌میزه باغلی دیر
بیری یازمیشدی:
«آللاه ایستر‌سه، موجوزه اولار و ایرانین موستعمیره و سومورگه‌سی اولموش تورکلر، دوشمانین الیندن آزاد اولار و ایستیقلال تاپار.»
جاواب:
بیر شئیین وجود تاپماسی و وار اولماسی اوچون، من، سن، او، بیز، سیز، اونلار، همن شئیی، ایشی یا دوشونجه‌نی ایسته‌مه‌لی و اونو الده اتمک اوچون، ایراده اتمه‌لی‌ییک.
اگر من، سن، او، بیز، سیزلر و اونلار دوشونوب، اینانیب و ایراده ادرسک، آللاهین الی‌ده قالخار و موجوزه ده یاشانار.
اگر سن، من، او، بیز، سیز و اونلار ایراده اتمیریک‌سه، آللاهدان بیر نفس بئله چیخماز، موجوزه گورونمز.
آللاه، اینسانین ایچینده و اینسانین یاراتدیقی دوشونجه، اینانج و گوج دور.
اینانج و گوجلریمیز، بیرلشیر ایسه، آللاهین موجوزه‌لری‌ده گورونر.
آزادلیق و ایستیقلال اوغوروندا، دوشونجه، گوج و ایراده‌لریمیز، بیرلشیر ایسه،
آللاهین موجوزه سی‌ده، آزادلیق و ایستیقلال کیمی گورونور.
نییه کی موسلمانلارین آللاهی قورانیندا بئیله بویورموش:
«ما رمیت اذ رمیت و لکن الله رمی»
«اوخ اتارکن، سن اوخ اتمیرسان. لکن آللاه دیر اوخ آتان.»
آللاه میللتین ایچینده کی دوشونجه، اینانج، ایراده و گوج دور.
آللاهین موجوزه‌سی، بیزیم ایراده میز دیر!
انصافعلی هدایت
No comments:
Post a Comment