کیتاب اوخویاق: دوشمنله ساواشدا ایستیراتئژیلر - ایکی
بو‌گون، «هنر جنگ» آدینا فارسجایا چئوریلمیش کیتابین اؤن‌بیر و اون ایکینجی صحیفه‌سین اوخودوم.
گؤردوک، اوستا بیر ساواش اؤنجولو، عاغیللی اؤلمالی، دویغولاری ایله داورانمامالی دیر.
عاینی زاماندا، دوشمنی کامیل حالدا و هر طرفلی تانیمالی دیر.
اؤ، یؤرد و ائلینین دوشمنین، دوست و یار یولداشلاریندان آیئرمالی دیر.
ساواش لیدری، دوشمنین گوج قایناقلارین دوغرو، دؤزگون تانیمالی و کسمه‌لی دیر.
جوربه‌جور یؤنتملر ایله، دوشمنین توپلومسال و ایچ بوتوولوگون پوزمالی دیر.
دوشمنین ایچینده ایختیلاف و دوشمنلیک یاراتمالی، دوشمنین توپلومون، ایچدن پارچالامالی و بیر بیرینین جانینا سالمالی دیر.
اؤنون، دوشمنین ایچینده و هر یئرده و توم ساحه‌لرده جاسوسو اؤلمالی دیر.
و ... تا اؤردو و سیلاحلی گوجلردن فایدالانمادان، دوشمنله گیزلی گئدن ساواشی قازانسین.
اگر، ساواشجی بیر اؤنجول، ائل و یوردونون دوشمنین، بو یوللارلا یئخانمازسا و ساواشی قازانما آماجلارینا ال تاپانمازسا، اوندا، سیلاحلی گوجله‌ره و سیلاحلی گوجلردن، ساواشدا آپ آچیق فایدالانماسینا یؤل آچیلار.
بوردان بللی اؤلدو؛ باشاریلی بیر ساواشجی اؤنجول، سیلاحلی گوجلردن فایدالانمادان ظفری الده ادر ایسه، داها عاغیللی، تجروبه‌لی لیدر و ساواشجی دیر.
بونلارا دایاناراق، دئمک اونلار کی لیدرلر، سیلاحسیز آمما داییمی و بیتمز توکنمز بیر ساواش ایچینده‌دیرلر.
انصافعلی هدایت
تورنتو - کانادا
26.02.2022
No comments:
Post a Comment