لومپنلر و اونلارین آماجلاری و آن تهلوکه‌لیسی
لومپن قوروپلاری، اونلارین آماجلاری و آن تهلوکه‌لیسی
منجه (انصافعلی هدایت)، اینسانلار توپلوموندا، نئچه جوره لومپن وار.
بیری اونلار دور کی اورتا و اؤست طبقه‌دن دیرلر. بونلارین پولو چوخ، ساوادلاری یوکسک، توپلومسال یئرلری گوزه چارپان دیر.
بو ایکی طبقه، خصوصیله پوللو طبقه، دبلری، مودلاری، توپلومسال آنلایئشلاری، یاخجی- پیسلری، گؤزللیک و چیرکینلیک قاوراملارین، اینجه صنعتدن اولان دوشونجه‌لری، یاشام اولگولرین، بیر دوشونجه‌نین قبول ادیلیب- ادیلمه‌مه‌سین و ... یارادیب، ساغلاما آلارلار.
بو طبقه، ایستر بیر لومپنی، هنرمند گوسته‌رر، ایسترسه، بیر هونرمندی‌ده لومپن.
بونلارین آماجی، پول اوستونه، پول قالاماق و گوجلرینه، گوج قاتماق دیر. یانی، شخصی و بیریسل کار، اونلارین اصیل هدفی دیر.
ان تهلوکه‌لی لومپنلر، بو قوروپ دا اولارلار. اوبیری لومپن قوروپلاری‌دا، بونلار یارادار و ایداره ادرلر.
بو قوروپون آماجی ایسه، میللت، وطن، میللی دوشنجه، میللی منفعت، میللی دیل و میللی کیملیک دییل‌دیر. پول و گوج توپلاماق دیر
ایکینجی لومپن قوروپو، بیر اینجی لومپنلرین حیزمه‌تینده اولارلار. اونلارین امیرینه، سوورقوسوز-جاوابسیز، گیررلر.
ایکینجی لومپنلرین آماجلاری، بیر اینجی لومپنلرین «آفرین»ین قازانماق دیر. هابئله، بیر اینجی دسته‌یه وفالی گورونمه‌‌لی دیر.
بونلارین دردی، یاشام دردی و داها چوخ پول و گوج قایناقلارینا (بیر اینجی لومپن قوروپونا) یاخینلاشماق و اونلارین کولگه‌سینده یاشاماق دیر.
بونلار، پولسوزلوقدان، قورخودا یاشایان و داییما بیر شئیلری الدن ویرمک و پیس گونه دوشمک قورخوسو ایله سوپورله‌شیرلر. بونلارین کابوسو، ایش، گلیر ایتیرمک و اوست لومپن‌لردن اوزاقلاشماق‌دیر.
ایکینجی لومپنلرین آماجی، گوج و پول صاحیب‌لرین، راضی ساخلاماق و کیشی‌سل کارلارین قوروماق دیر.
بو ایکی دسته‌یه، میللت، وطن، میللی کار، گلجک نسیللرین کاری، دین، اخلاق، دوشونجه ائوزگورلوگو و ... آنلامسیز دیر.
ایکینجی دسته لومپنلرین ایچینده، مین‌لر هونرمند آدلی لومپنلر وار. بو هنرمند لومپنلر، اوست لومپن‌لردن پول و سیفاریش آلیر و اوست لومپنلرین ریضایتی اوچون، بیر میللتی و اونلارین وار - یوخون، هامینین گؤزؤ اؤنونده، توهین و تحقیره توتابیلرلر.
حتی اوست لومپن طبقه‌سی، بیر آن گولمک اوچون یا بیر کیشی یا بیر میللتین زاواللیلیقین و حیقارتین گورمک اوچون، هونری یاریش بئله قویار و آغیر یؤکلو پوللار خشلرلر.
هنرمند آدلی لومپنلر، شاعیرلر، یازارلار، قازئتچی‌لر، حقوقچولار، مودورلر، ایداره‌چیلر، حاکیملر، اؤردو منصوبلاری، کوماندانلار، موللالار، آیتوللاه‌لار، وزیرلر، وکیللر، و ... تکجه اوستکینین شادلیقی و ریضایتی اوچون امیر آپالارلار.
اونلار، اوست لومپنلرین امیری یئرینه اوتورماسی اؤچون، میللته، وطنه، اوخوجولارا، تاماشاچی‌لارا و ... اولار-اولماز توهین ادر و اونلاری آشاغالارلار.
اؤچ اؤنجو لومپن دسته‌سی، اوسته‌کی ایکی لومپنلره بنزه‌مک اوچون، اؤزون هر یول-یولاغایا وورار. ائوزلرین «های» کیلاس گوسترمه‌یه جهد ادرلر. چتینلیکده و حتتا یوخسوللوقدا یاشارکن، وارلی اولانلار کیمی داورانماقا جهت ادرلر.
هونردن، موددان، یئنی دبلردن، جوک و ظرفاتدان، دوشونجه‌لردن، کیتابلاردان، دینلردن، اخلاقلاردان و ... آنلامادیقلاری حالدا، اوست لومپنلرین یایدیقی دوشونجه‌لری حیاتلارینا یانساتماقا، سئویب، منیمسه‌مه‌یه چابالارلار. قازانجلارین او یولدا هدره ویررلر.
بو قوروپ، توهینین و تحقیرین آنلامین بیلر و عاییله‌سین، توهین و تحقیرلردن اوزاق توتار آمما هونر آدیندا یایئلان فیلیم، دیزی، کیتاب، شعر، موسیقی، تاماشایا و ... پول وئریر.
اوردا اولان توهینلری، هونر آدیله دینلر و قاه‌قاها چکیب، گولر. «من، هنری آنلامارام» دئییب، اؤزونه توختاقلیق وئرر.
آمما اگر اؤز ائوینده، عایله عوضووندن بیریسی، همن توهینلری دیلینه گتیریر ایسه، اونلاری هونر یوخ، توهین آنلار و عاییله عوضوون موجازات ادر.
بو لومپنلرین سایی چوخ چوخ دور و ایکینجی لومپن قوروپونون اونملی مال و ثروت قایناقی دیرر.
اگر بو قوروپ، توهین و تحقیر ادن‌لری تحریم ادر ایسه، ایکینجی لومپن قوروپلارینین گلیر قایناغینین چوخلو حیسسه‌سی قاپانارلار.
سون لومپنلر دسته‌سی، ایکینجی لومپن دسته‌لریندن حیمایت ادنلر، اونلارا گوجه و سیرتیقلیق فورصتی وئرنلر دیر.
بو دسته، بیر و ایکینجی پوللو و گوجلو لومپنلرین آماجلاریندان خبرسیز اولاراق، پول ویریب، اونلارین گوجونه، گوج قاتارلار.
دؤشلرینده‌کی (خیاللارینداکی) آماجلاری، اوستکی ایکی لومپن قوروپو کیمی، داها ریفاهدا یاشاماق دیر.
وطن، میللت، دیل، میللی کار، میللی کیملیک، میللی فداکارلیق، و ... بو قوروپدا یاراندیریلیر.
اگر، اوست ایکی قوروپ ایسترسه‌لر، اؤز کارلاری یونونده، سون قوروپا، فیکیرلر یوکلر و اونلاری، کندی آماجلارینا قوربانلیق ادرلر.
بو دسته، دوغرو فیکیر و دوشونجه ایله تانیش اولورسا، دوغرو یولا گئدر. چون اونلار، شخصی کارلاری اوچون، هدفلرینه ال تاپماق اوچون، قوربانلیق سئچمزلر.
بونلارین بئینین آیدین‌لاتماق ان زور مسئله دیر. چون بونلارین، دوغرولاردان خبرلری یوخ دور. آمما بیر و ایکینجی لومپن قوروپلاری، دوغرولاری بیلرلر. عاینی حالدا، دوغرولار، اونلارین کارینا گلمز. بونون اوچون‌ده، یبله بیله، ترسینه گئدر و ترسین، یایماغا جهد ادرلر.
Comments
Post a Comment